kwanying_ 's Profile

小時半個南丫人。今日早上好時辰多謝熟齡兩蚊雞。感激政府愛市民牛記腳程不算遠。公園心水有效能坐低冷氣慢慢唞。一身汗水抹頻頻常餐A款甚吸引。早點足料好還魂放狗迎面他人寵。捧餐上枱「我的神」！有粉有蛋也有肉。呢舖真係遇好人口水漸湧嘴抹抹。瞳孔放大舌尖痕吐司兩片很少見。牛油甚足塗得勻滑蛋較白不差勁。份量兩隻非天真罐頭代表午餐肉。薄切濃味較燶身本人大愛漢堡扒。豬柳小號煎平均最後食埋通身粉。火腿味道我要呻凍啡凍茶大大杯。卻和熱飲一樣銀埋單大洋四十二。雖然並非向海濱服務街坊嘅風格。遠交近攻賓賓親小店完全零裝修。啱晒退休如拜登…Read More

南島稱霸是table。商場封王人氣旺我怕餐廳十足貴。你比茶記三元漲暖陽日中默默照。秋風午時微微漾早鳥返工冇人爭。人滿為患有盛況難得窗邊有座位。未料行人冇嘢望室內流於精緻風。這家小店行高尚二人同行坐卡位。高峰時間搭枱上今日午膳如度假。從前早餐似打仗清水檸檬很細心。番茄雞蛋都妥當可惜熱飲細份量。還好凍飲正正常喝足還添口舌乾。吃完未滿是五臟服務商業少親切。食物質高冇得讓顧客揀位有異議。座位安排垂頭喪埋單聲浪耳邊放。職員高音全場唱個個都知我埋單。放低銀錢幾多張小店客如流水帳。不便久留又何妨…Read More

心心念念故圍鴨。風風火火小酒家好友兩名坐埋位。半老徐娘問咩茶何妨來壺鐵觀音。豈料沖出母夜叉問卿今晚填鴨餐。答客明天更不差應知成年鴨都duck。不如今晚先吃蝦大姐一聲無心拒。小口兩排有力牙新鮮彈牙肉結實。甜美甘香口開花搣蝦搣到手指指。飲茶飲至聲也沙兩隻乳鴿餵肚子。一碟骨頭看晚霞誠知此物有其他。紅燒展現大中華小氣粟米魚肚羹。大推胡椒馬來亞魚肚有幸也豬皮。豬皮不幸也冬瓜一窩好湯能果腹。半壺茗茶掉下巴可惜晚飯失預算。還好糖水有豆沙臨行整裝別葵涌。當值阿姐遊美加中午何來片皮鴨？可見精神亂如麻阿姐何事貪口爽？六合神棍你阿爺。…Read More

有事去到工廠區。我與葵涌兩茫茫青山公路門前過。餐廳就在馬路旁面積很大心激盪。客人幾枱日已長裝潢過時設計舊。吐槽嫌棄老地方服務到位唔囉唆。早餐喜歡大份量吐司唔覺多丹麥。味道卻好別放涼牛油滿嘴梗好食。阿婆已老過六張邪惡好比任天堂。十年一吃應無恙營養擔當有雞蛋。來了兩隻即一雙煎得唔錯冇撻Q。油光水滑好金黃吉列選擇炸豬扒。大過塊面好好樣外層炸得極酥脆。廚師一定好下場青瓜番茄都新鮮。食肉野獸還有腸加錢飲埋凍咖啡。這個早上齒頰香對面老友食湯麵。頻頻叫我寫文章打卡名店無無謂。市井小店過日常…Read More

看到食評皆不錯。遠赴上環鋿晶館。晚飯時段人不多。一樓大概八成滿。套餐比那零點強。月底財赤荷包旱。豆腐羹湯材料足。一人分到兩大碗。清新口味對胃口。微咸舌尖無得彈。隨口報告八卦幫。把那近況齊齊侃。燒鵝最是難難食。食完落街步步橫。肉質幾好有滋味。卻恨此鵝層皮硬。翻車每每是燒爉。除了名店何家勁？石斑魚片冇特別。無骨無刺啱人懶。最後打包大半碟。仗義只因傳孔孟。硬淨斑片有料到。返到屋企魚唔爛。蝦球果然拿手菜。最是邪惡咸鴨蛋。健康問題明天事。放肆一餐唔係難。啫啫通菜來一煲。蝕到入肉是這款。蝦乾吊味最好食。今晚飯聚黃金榜。整得唔好要打靶。須知這味安全傘。小店服務相當好。斟茶換碟有人管。…Read More

富嘉廚藝好。江湖無以後。聞風客人至。難敵九月九。問君為甚麼。熟客擠門口。衰嘢唔好提。今日送君走。環境甚乾淨。茶記式結構。中午正時候。服務街坊友。事實少幫襯。現在好內疚。小炒好味道。海鮮稱不朽。例湯五點前。湯渣有蓮藕。套餐包你飽。冷氣熱死狗。我本新人類。隔離曹國舅。星洲擅炒米。唔辣無人吼。叉燒都唔放。臨別同我鬥。好彩份量夠。食咗唔會瘦。次次都好食。呢勻打折扣。排骨有水準。唔叫是阿壽。朋友快快食。慎防隔離偷。落肚好實際。甚麼是朋友？粟米燴肉粒。選擇真太舊。出土老文物。餐單居然有。一吃令人笑。再吃唔使憂。回憶去年時。有志做特首。傾偈plan旅遊。資料好鬼厚。此去何時聚。記得將進酒。天若有情天亦老。炒埋一碟休講究。…Read More

食到悶死香港仔。突然來了一個爺。不賣叉燒不賣鵝。海南雞飯最耍家。飯如小山份量足。擺盤美麗似朵花。雞鮮肉嫰入口滑。不是老柴考門牙。層皮唔食都讚下。顏色黃澄似城巴。人人忽略一碟醬。此店留心要大誇。帶酸微辣好好味。誠乃味覺嘉年華。招牌雞隻確係正。其實撈檬都唔差。九成滿座下午茶。價錢實惠請阿媽。可惜冷氣唔多夠。人齊時段有點怕。檸茶冰塊比較少。幾分鐘後變暖茶。冷飲飲筒是紙造。時間一長便糊化。飲來飲去飲唔到。一杯檸茶把幾火。款式有限少選擇。專心造雞無其他。客服勤快有笑容。有碗話碗非亂車。容易執笠香港仔。望你運氣好一些。…Read More

夢裡此身不是客。寧願日日食早餐。個餐睇落煩。打卡甚好看。吐司脆。菠蘿鮮。煙肉硬。果醬真心好。香腸無得彈。番茄細細個。蔬菜有營養。慢慢嘆。原味乳酪酸。焗豆唔多。薯餅一般。雞蛋黃得燦爛。份量有人夠。於我個胃多空間。大小腸來爭。紅茶唔夠冰。是破綻。咖啡上神壇。香港製造。差評慳番。大家齊讚好。莫把它打殘。牛油加錢。行業艱難。裝潢以白為主。簡簡單單。隔離上海灘。許文強跑山。九龍跑到黃竹坑。個場下午真係靜。通了關。無人行。起義揭竿。九十元上。服務員。態度好。有笑顏。工作悠閒。交通便利易往還。…Read More

放工食飯兼唞唞。老友聚頭醉瓊樓。六人食個八人餐。食剩隻雞太勁抽。先飲粟米魚肚羹。姐姐舀湯夠溫柔。足足飲咗三大碗。我對此項有要求。東江豆腐有details。七零年代小時候。豆腐中間釀肉碎。然後才去煎吓油。豉汁䱽魚勁大條。煎香味道算一流。可惜涼瓜少咗啲。菜欄難道是對頭。一隻足秤霸王雞。太過蒼白青幽幽。冇淋熟油蔥絲多 。味道可以把貨收。吃飯備胎咕嚕肉。菠蘿去咗鴨脷洲。豬肉就是這回事。人間那得隔夜仇。還有海嵾拼花膠。我愛冬菇有理由。人人都要補呀補。健康問題實堪憂。招呼慇懃茶水足。送埋糖水花生稠。每人唔使兩舊水。怕肥摩hill 把水游。…Read More

西環達濠仔。門口長龍有氣勢。正宗潮汕味。對個口。fit個胃。唔啱傾偈。人聲鼎沸。一碗豬潤粉腸河。不怕肥。材料份量足。等一陣就嚟。可惜座位編排太無稽。面壁制唔制？玩自閉。遇上抄牌。魂魄不齊。服務員前仆後繼。專業自成一系。豬潤薄切不贊成。三十六計。慳皮閉翳。厚切口感冇得揮。粉腸畀得大方。其實此物矜貴。粥品麵食舖。列為高消費。河粉太冧。很難補飛。另碗魚蛋豬潤粉。只論魚蛋數量。其他免提。得兩粒。包你唔會滯！香港魚蛋。蜚聲國際。老細！…Read More

夏日奇蹟。坤記無龍。聞說平時幾十人。守在門口唔輕鬆。五時廿分到。做先鋒。即刻有位確唔同。搵食返深圳。人仔唔心痛。無人爭。少群眾。白鱔拼滑雞。煲仔喜相逢。材料係好。米飯不工。飯焦十分香脆。豉油未建奇功。鱔片如春風。食咗肚更空。京都肉排好好食。滋味濃。可惜冇酒送。糖醋味道。難弄。國人瘋。想佢死呀？四書五經加小紅。遇見傳奇寸嘴服務員姐姐。果然凶。指手劃腳。脾氣漸控。坐得不從容。枱太密。走唔到。行唔通。…Read More

午膳難。 排隊瘦。德輔道西往上游。四十年來豬排飯。五十款碟頭。這家聯華正合老人小時候。阿壽。唔啱零零後。最摩登。服務員。幾個好基友。速度唔使憂。快過移民南美洲。叫了茶餐低要求。雞蛋好。無蛋殼。無油浮。牛油餐包勝過多士豈一籌。鍾意叉燒湯意有理由。夠鬆化。勝肥牛。意粉品質優。過路門口狗。馳名奶茶稠。等晚秋。炎炎夏日我飲凍檸茶糖走。非頂流。把票投。男人浪漫食得飽。盛惠。五十蚊有找。…Read More

從前寶珠姐。工廠稱皇后。黃竹坑。君知否？搵食不用愁。好一個港島南綠洲。小店在其中。悠悠。慢活人生正時候。環境優。靜幽幽。少人流。傾偈最合適。情侶勝地。朋友聚頭。南區深度遊。唔使等到端午扒龍舟。餐具有設計。藍白不輕浮。愛爾蘭茶幾特別。去膩解油。職員肯到位。禮儀周周。拉麵現造show 一騷。條條有筋度。啖啖有嚼口。如狼吞。當報仇。巨型排骨。雲吞大舊。涼氣一口抽。如何消滅令人憂。牛𦟌五片不俗。感謝牛。醉雞一碟。更勝一籌。皮略厚。把貨收。小籠包是心頭好。多湯汁。合要求。豆沙鍋餅用靚豆。十勝好味有理由。…Read More

糖街小店叫圍爐。風景獨好。一見難忘。維園收眼底。眼睛在天堂。有個點心放題登上龍虎榜。個朵響。落樓盛惠一百四十八個大洋。包茶芥。包加一。包這樣那樣。點心超過三十款。落單先商量。煎炸。粉麵。甜品。蒸點。大陣仗。灌湯餃大大隻破天荒。蝦餃先去腸。咽下炸雲吞，心飛翔。可惜糍粑一般般，浪費我期望。牛肉比燒賣鮮，燒賣比排骨強。流沙包大爆漿。金錢肚不俗。黃金糕煙煙靱，雞包仔夠薑。鳳爪覺得唔夠冧，牙硬傷。雞紥不吸引，材料低平常。碧綠雙蔬是菌菇，混入紅蘿蔔，超乎你想像。太辣貓耳朵，味蕾瘋狂。大愛芝麻卷，濃郁香味，兩眼發光，是日稱王。薑汁糕夠熱，快補倉。九十分鐘，匆匆忙忙。良心推薦你，window seat，搶！超低價，唔使等出糧。…Read More

早知小店夠大路，慶祝人哋住新屋。五月夜晚，一身塵俗。老細寸我仲識郁，墳場獻菊後果前因哭一哭。黃竹坑站，港鐵沿途無樹木，欠缺江湖一點綠。老友老友，難似當年紅梅谷。坐低叫茗茶，茶包款客太嚴肅。趁茶濁，想食肉，juicy最幸福。上菜神速。燒腩仔拼叉燒，味道好，份量唔啱大家族。招呼有阿叔。解釋今晚太靜局，南區街坊有天竺。朋友登陸，有人讚粥。粥底綿稠，材料足。例牌咕嚕肉，菠蘿很熱，豬肉竟凍，咩科目？酸酸甜甜無中伏。帶子蒸豆腐，情況微妙，乞兒三甲你角逐。帶子如紙薄，刀工我佩服。豆豉大大pat，人生六十有憾事，移民岳麓，前途難卜。乳鴿不識飛，兩隻一雙嘆孤獨。真心確唔錯，體形較執輸，size 縮。魚腩煲，夠肥沃，酷！怕多骨，我唔食，做監督。上菜心，淚簌簌。唔係牛羊吃草被放牧。灼得太熟。炒飯過咸，炒麵果腹。甜品壓軸，安歌神曲。菲林筒、薑汁糕、擂沙湯丸都精彩！破地獄！好彩當年有書讀。生徒諸君，重視教育。…Read More