UWa's Profile

今晚同朋友試下係柯士甸道既高級私房菜，餐廳好近佐敦地鐵站。有幾高級?係餐廳門口已經感受到，門口設計好似豪宅門口咁，禁門鐘好快有人開門，門口擺左梳化，又有cushion，真係好似番屋企咁，餐廳以白色為主，感覺優雅，轉入去見到open kitchen。預早兩日訂枱，食物都已經選好。7月做緊promotion，星期一至四有法國生蠔送望落賣相唔錯，好肥美，食落鮮甜，肉質有彈性食完蠔homemade麵包就到，一共有4款:芝麻,墨汁芝士,蕃茄,香草。有牛油同自家製千島醬，麵包都好脆，加埋千島醬，夠晒醒位。Starter - 藍鰭呑拿魚配parma ham同拖羅，聽個名都覺得正，食落味道一流，呑拿魚入口即溶，parma ham唔太咸，好甘香，配埋拖羅岩岩好，仲有爽口既有機蔬菜Souo - 干邑龍蝦湯，其實一入餐廳就已經聞到好香龍蝦湯味，飲落味道好香濃，果然真材實料。First Main - 四色芝士長通粉，芝士味好香濃，pasta煮得岩岩好，唔會覺得太硬，又唔太膩。Main course - 焗羊架，當然係要medium，大廚焗得岩岩好，好香，肉質嫩滑，唔會膻。side dish有焗薯同煙肉粒焗茄子，very good 完美既晚餐點少得甜品，白朱古力心太軟配牛乳雪糕，白朱古力心太軟都係第一次食，一樣都有朱古力漿流出，味道唔會太濃。白色襯番白色，homemade牛乳雪糕，自己整都可以咁軟滑仲超香既牛乳味拎捨不同。今餐好滿足，除左食物質素高，服務都好好，每個course都會介紹下，上菜時間都處理得好好，加上舒適既環境，真係好似係豪宅食住家飯，絕對值得推介…Read More

今次同朋友慶祝生日，揀左食素。餐廳環境不錯，可能平日，唔算多人，見到有第二枱都係慶祝生日。朋友唔食牛，今次可以破戒了。素餓味道比較淡，不過腐皮都算幾脆。金菇牛肉煲，肉質比較怪，始終係素肉，味道一般🙄 蛋白豆苗，蛋白都幾滑，不過豆苗唔算嫩口，但總算有啲青草味，或者唔岩季節。最好味就係芋頭魚，依樣都算係素食中必食，酸酸甜甜，夠醒位。可能唔慣食素肉，感覺成餐都好淡味，間中清清地都幾好嘅，不過值得讚下服務，都有主動加水，換碟。…Read More

之前行過東廣場，都留意到lunch多人食，今日決定一試。揀左bubble tree，套餐有意粉，三文治或沙律。揀左忌廉芝士煙三文魚三文治，因為有我最愛牛油果午餐rush hour岩岩過，但都唔算少人，等左一陣野食就送到，跟餐仲有沙律。沙律比想中好，份量不少，菜幾fresh，加埋黑醋同波蘿 very nice 三文治係麥包，好多菜，忌廉係最底，當然仲有煙三文魚同牛油果。我都係第一次食三文治有忌廉，感覺幾特別，值得一提煙三文魚唔會太咸，味道岩好。依個價錢真係超值，咁有份既三文治，用料新鮮，絕對值得一試…Read More

今日去apm睇戲，揀左I's land cafe食番個下午茶。係街度行又熱又多車，一上到去即刻想衝去坐底涼下冷氣，點知一入門口，俾入面既環境嚇一嚇，好有秘密花園既感覺 天花佈置左好多葉，枱面都有啲綠色小擺設，一入去個心都平靜晒Tea set可以揀配花茶，都幾多選擇，每種味道都有唔同既功效，我揀左明目既藍莓。先黎左個藍莓花茶，好耐無試過傾下計，飲下花茶咁寫意，仲要有咁優閒既環境，同埋個靚靚既杯。味道岩岩好，少少酸，very nice好快甜品都到了，賣相好特別完全無諗過會係咁，好似個魔法球。上面係心太軟加威化餅，下面係朱古力雪糕，份量都唔細。影完相，就引唔住食了。開始食，啲朱古力溶醬就流出黎，朱古力都幾香濃，再加埋雪糕，簡直一絕就咁食晒諗住都幾膩，但食下飲下花茶，又岩岩好，唔經唔覺又一個晏就，美妙既環境加甜品，實在太正了。…Read More

今日放假，終於可以去試下依間黏線芝士。三個人，叫左一個Pepperoni pizza，芝士火腿三文治同南瓜carbonara。另外每人一個酸酸地既蕃茄湯主角出場，真係好多芝士黐住鐘意食芝工既朋友真係岩晒，不過都比較膩，食左一半已經有少少飽叫左個南瓜汁carbonara，感覺有點乾身，食落一般，一pat野咁。最後係pepperoni pizza，餅底一般般，唔脆，整體無想像中咁好，不過黏線芝士三文治始終都係吸引…Read More

今日同朋友係旺角行完街，想搵間舒服既餐廳食飯輕鬆下，最後揀左依間好有森林色彩既餐廳Woods。餐廳裝修同擺設同個名一樣，以樹木為主。飲品揀左手工啤酒試下，好香同易入口，仲有其他手工啤酒，有機會一定要試頭盤叫左千層蟹肉奄列，食落好香蛋味，口感好滑，咁多層蛋，食落好特別Pizza我地叫左Haiwaii，有我最愛既basil，上枱時候俾埋芝士粉同Tabasco，好貼心。長方形pizaa，外形的的適適，食落有驚喜，個邊好脆但又唔會覺得燶，加上軟軟既火腿正跟住就係西班牙海鮮飯，海鮮份量十足，望落飯以為會偏乾身，食落又唔會，岩岩好，仲好香海鮮味，再加上檸檬汁，配搭一流最後就係店員推介 華倫西亞烤乳豬一擺低係枱，就已經聞到香味，一食落口，四個字形容: 外脆內軟。一入口感覺到脂肪半溶化狀態，值得讚賞餐廳環境特別，食物質素一流，原來仲有生蠔食，下次可以同朋友再黎試下…Read More