becca23's Profile

去左食晚飯叫左個火山骨嘅二人餐個餐有雞絲船河，鳳梨洋蔥，雞豬串燒各兩串，火山骨同埋一個椰汁布丁船河味道正常發揮鳳梨洋蔥可以話係前菜偏甜串燒嘅沙嗲醬好重油膱味，失望第一次食火山骨原來好大份，兩人份量都算多，味道偏酸辣椰汁布丁面頭果啲唔知係咩好似椰子粉但又冇味，失望成個晚餐味道其實一般，建議飛走個前菜正常配一個青菜仲好，覺得搞笑嘅係唔知點解二人餐但甜品只有一個？睇openrice好多好評睇黎大家心中要求唔同由入座都離開基本冇人招呼，飲水攞杯攞碗請自助，星期六日會收加一影影下相因為冇心機已冇再影，求其兩三張證明真係有食過…Read More

裝修明亮簡潔，枱就有少少逼，同場有家庭客有情侶，講嘢聽到晒比較嘈吵食物方面唔算驚喜驚艷，以價錢黎講算係正常發揮，二人餐都算抵食加錢叫嘅帶子意粉覺得有啲膩，帶子就煎得剛好有水準嘅主菜補錢轉做豬鞍，算係大份嘅對得起價錢，而且好厚身，邊緣位仲有粉紅色，起初以為係跟咗個薯角，原來係肉桂蘋果，但個汁太稀而且冇咩味道小食係炸多春魚春卷，個人覺得太滯，多春魚已經比較油膩，加多塊春卷皮真係太heavy員工人手少左啲，星期日黎講有啲唔夠，但態度都可以，經理友善招呼幾好，入座過程順利餐廳提供有啲平台嘅點評會有優惠送飲品嘅活動，講返聲方便大家參考…Read More

場內射燈好刺眼，建議管理層坐響中間試下另外餐牌字好細又好幼身，加上刺眼嘅燈光真係有啲難睇叫左個母親節餐加煎餃子，連加一盛惠800幾蚊食物質素一般帶位入嘅員工態度一般，7點幾都坐唔滿可能太好生意。係有個男侍應態度幾好，聽到話餐牌字難睇有主動提出可以推介咩野食物簡單做下record：餃子好難食，皮好厚仲要加芝士好漏。豬手唔熱，炸雞好厚粉加上上面嘅汁搞到淋晒唔好食，個乳酪飲品好伏，插入個柑到好難啜，一篤佢又倒瀉出黎，一係搵個再高啲嘅杯啦老友。個甜品士多啤梨窩夫嘅汁係好酸，唔岩個人口味。戴返頭盔，口味嘅嘢真係個人，自我記錄，下次唔會黎。…Read More

第一次食蒸海鮮，帶埋阿媽去食就梗係搵定冇咩負評地點又就腳嘅啦上OpenRice見到呢間好多人都力薦，有蒸海鮮又湯又糖水咁真係性價比極高我最想讚嘅係成個用餐體驗，由訂枱到埋單，服務態度真係一流事緣是咁的：我地一行三人但其中一個要遲啲到，所以訂枱時已講定，接線小姐已話冇問題唔係計人頭入只係食到20:30去到當天18:00左右已經入座，同返職員講佢地已經話ok冇問題，之後我地落好order就留返起一份到最後先再一次蒸，因為家人黎到好遲，差唔多19:30先到，職員們立即好貼心咁快快手幫佢蒸熱返個湯再serve多次逐碟蒸海鮮，明明我地係訂一枱但要佢地做左兩次功夫搞到我都唔係幾好意思，最意外嘅係佢地冇收加一，但真係好好服務同有禮貌，每碟餸蒸起都分好晒再比時間你打卡，唔會擔心你食唔切要趕你走，服務態度絕對值得一讚講返食物，我呢啲食菜怪最欣賞佢每款蒸海鮮都會加埋件蔬菜一齊蒸同食，唔會好寡又夠健康，蔬菜同海鮮亦好夾，真係諗得周到。食物方面冇投訴，咁嘅價錢有半隻龍蝦同蟹真係幾抵，係個飯就麻麻地，冇其他食評中講得咁好食，我一向唔食飯所以吸引唔到，糖水係燉雪燕膠，唔太甜唔會漏幾好食總括黎講呢間真係值得比五星，食得開心又飽到捧住個肚走，下次都會encore之選…Read More

話說3點半又未去到食晚餐就諗住搵個地方坐坐食返件話晒好出名嘅菠蘿油港式餐廳侍應態度出晒名都意料中事同場有兩張枱，我地兩個人一個身形比較肥嘅，就問可唔可以同兩個坐緊嘅人搭枱坐出面嘅圓櫈紋眉瘦削女侍應就同我地講出面係坐3，4人叫我地坐逼過罐頭嘅卡座同兩個口水多過浪花，食剩一啖菠蘿包都繼續死霸噴口水嘅叔叔搭枱但兩分鐘都冇，女侍應又比左話要3，4人先可以坐嘅張枱過我地後面入黎嘅一對情侶即係點先？彈出彈入嘅？又話3，4人先可以坐嘅？我地本地客就好蝦啲？人地要menu先落單似旅客就好服侍啲？最後我地係叫左兩個菠蘿油兩杯奶茶10分鐘內食完，因為唔想個包比口水污染，堂食下午茶慘過街邊企響度食快餐講返食物： 菠蘿油塊油OK，但個包真係唔得鬆軟嘅但唔熱，係完全唔熱呀！得個暖字，做唔到冰火效果，塊皮仲要係硬到𠝹嘴嘅，我係成塊皮起左佢唔食算奶茶唔滑，同行人士直程話係鞋口嘅真心講，呢個招牌combo浪費咗我嘅進食quota，唔識欣賞，係第一次亦係最後一次…Read More

下午等附近診所覆診時入去食少少野同行人士好肚餓於是叫左個鹽酥豬排，我就叫左個茶餐梅菜扣肉包加多個鮮奶薑汁湯圓豬排又咸又肥，粉同肥膏仲多過肉扣肉包反而唔夠味，真係好奇怪，個包又漿口又痴牙，失敗係個湯圓好味，薑汁鮮奶岩岩好，食落唔會辣喉員工服務唔夠熟，亦唔會理個客，可能茶市，個個都黑口黑面唔使招呼人咁隔離坐左枱阿叔維園開餐咁高談闊論大大聲嘈住人食野都無動於衷，枉呢間野懶高級環境，但以環境質素其實比隔離敏華差不多…Read More

咁啱屋企齊人，於是臨時起意7月尾食定8月份生日壽星嘅晚飯即日去食都知難搵，打咗幾間都話full雅苑座話有位就拿拿臨book去到雖然唔係爆滿都有八成半人，座位安排近甜品嗰邊，即日黎講算係咁上下啦員工真係要讚，食物係不斷refill，去到最尾都仲係refill 緊，廚房又會出黎周圍望有冇野要加，侍應又係好勤力，主動積極收碟海鮮好正好新鮮，款式算多仲要有龍蝦食，超級鮮甜而且不斷refill，另外要讚下個憑券換領嘅鮑魚帶子真係好入味好好食，飲品種類都多，甜品要讚平平無奇嘅朱古力同白朱古力蛋糕，好驚喜地好食有個招牌拿破崙蛋糕出場會響鈴鐘通知，好多人出去排幾有氣氛，但我地食得太飽冇去攞唔知係咪真係咁招牌好食呢🤪6點半入座可以坐到9點半，氣氛環境好員工又態度佳，埋單有8折即人均656一個，算係對得起價錢啦…Read More

7月中晚上去食，唔想搭枱所以要響出面街企15分鐘焗死咁等終於入到去坐時環境都係好熱好焗冇開冷氣咁，因為用條唔知咩布抹，一坐入去卡位張枱係臭嘅，啲櫈好多上手食完嘅飯粒食物質素一般串燒好乾好硬，咖喱蟹不過不失，炒通菜超級油，叫左個香茅魚還好，正常發揮，另外有個推廣係海鮮桶，但店員落錯左單叫左冬陰功底，下面係堆滿咗公仔麵嘅另一款海鮮桶，其實即係泰式部隊鍋，湯係好飲但加個麵落去發脹晒真係唔開胃，不如唔好加麵仲好影左幾張相之後都唔想再影，因為吸引唔到去影點名年輕電髮男店員落錯單兼態度趕客，記得以前呢個位有間泰國菜，但鋪面唔係咁，食完先知原來轉左手，今次之後可以唔使再去…Read More

今日去完本地一日遊旅行後在尖沙咀碼頭上船又餓又趕時間就上OpenRice 睇附近有呢間想試好耐嘅莆田話晒米芝蓮一星，所以好期待前菜有兩碟，蘿白味道還好唔會死鹹，酸菜就唔係好夠味馬拉風光即係馬拉盞通菜唔會太鹹而且都幾香芋香鴨係我第一次食，好好味又夠熱同好鬆化，好評必食見到OpenRice評價好多人都叫左黃花魚湯，於是跟風叫，魚湯奶白色加上有豆腐同芋頭，見識少第一次見到加芋頭落湯覺得有少少奇怪，湯身係比較杰身嘅，可能就係同加左芋頭有關？豆腐冇味道，湯渣內嘅黃花魚會𢳂返出黎，聞到好重嘅燶味，應該係烤/煎過但係味道認真唔討好椒鹽跳跳魚，唔知係咩魚，炸得油膩同埋食落有苦，同行人士完全唔想食，應該係最差嘅餸呢期promotion 做蟶子兩食$219，揀左蒜蓉蒸同鐵板，蒜蓉蒸好夠味，記得影相時已經食左啲😂鐵板燒有特色，有鹽同胡椒粒響底原鐵板上，味道幾好蟶子夠彈牙同大隻莆田荔枝肉即係咕嚕肉，正常發揮冇特別興化炒米粉又係睇評價而點嘅結論係幾有特色嘅米粉，比新竹米粉更幼嘅米粉味道又係冇咩特別，可能食開嘅炒米粉比較重口味，呢個米粉比較冇味道，鮮味算唔上，鹹味唔足夠，叫左個中size原來都幾大碟，初試嘅叫個細嘅ok福建特色海蠣煎正常發揮，又係冇咩特別我地5點45去到，walk in 去到話要7點半前交枱，當時已經講左冇問題，我地快食快走。落單叫左九款主食又提多一次，當你地貼心溫馨提示，上菜好快收碟仲快，明白要翻枱做生意，所以都唔介意。18:44叫左個香甜金錢粿做甜品作結，其實即係福建版糖不甩。19:20都未見影就搵侍應跟跟，點知竟然同我哋講呢個菜要最少20分鐘，乜落單時冇同你講咩。噢，真係冇講喎，催到個客裙甩褲甩但呢啲咁需時嘅嘢又唔講？服務真心唔掂☹️…Read More

今日去附近上堂所以去食午餐叫左個全日早餐份量好多，68蚊算抵食叫熱咖啡唔俾奶另上，不過侍應姐姐都好好幫我remarks少少奶食物方面，炸魚柳覺得有少少好似炸唔透咁，件魚有少少韌而唔係散，可能見識少又或者魚種唔同掛個牛角包夾碎蛋沙律有啲奇怪，明明牛角包就食空氣感，加上碎蛋沙律就太重太濕好heavy整體食物好足料我都食唔晒，但衛生問題可改善，第一好多烏蠅，第二食緊中途見到有米奇，希望店家可改善唔好置之不理啦…Read More

第一次想去食係星期日中午，見人龍排到勁長即刻卻步終於到某一晚唔使煮飯就去試下呢間越南野平日嘅晚上人客較少可以唔使等位就入到去坐當時食得滿意所以留下好印象再encore第二次去係星期日開門無耐即刻入去好好彩唔使等位，之後半小時就已經人龍滿滿食物方面係中上幾好，自問要求唔高，上枱夠熱食物唔過咸過辣我收貨環境黎講座位較窄，新開張當然比較乾淨但服務就麻麻，員工就好明顯生手唔熟，送左杯野飲去好遠嘅枱仲要放低左，人地客人話冇叫先拎返走再送到我張枱，對枱號位置明顯唔熟，叫軟殼蟹濛粉話賣晒，話左會取消到最後又係冇要自己再對多次單叫取消，員工培訓可以加碼…Read More

一家人好少可以齊集食自助餐，見可以八人一枱就拿拿臨搵食，見上網呢間多評價平靚正就打電話去 book 枱，過程順利而且出示社交平台優惠仲有成人75折小童半價。食物種類其實唔算太多，但真係如其他人嘅評價一樣keep住refill，蟹腳好大隻，自己唔愛吃冷凍海鮮都覺得好味其他熱葷種類不多，但都keep到係熱嘅，片皮鴨一般，但豬腳薑冇咩味，酥皮湯夠熱好食，羊架唔騷ok，期待嘅係焗蠔，芝士同蒜茸都好味，細隻左啲都可以食多幾隻特別嘅係今期南歐主題，有好多唔同嘅火腿凍肉同芝士醃漬前菜可以慢慢試，仲有巴馬火腿同哈密瓜，都叫做幾特別嘅菜式甜品當天有葡撻（但不是酥皮），西班牙油條同窩夫，都係搵個光波爐有師傅在場翻熱，暖笠笠加多球雪糕真係好好味，食到中途有表演火焰雪山，師傅玩完火就可以分比人食，幾有趣嘅「表演」。其他細細件嘅甜品蛋糕唔會refill得好密，但種類算多，食movepick都夠晒飽，所以還好吧不過不失。值得讚賞嘅係員工服務好好，收碟勤快，甜品師傅都好好，要雪糕時仲會主動問一球會唔會唔夠添，又會提示葡撻新出會熱要小心，好窩心同貼心，6:30入座食到8:30已飽到上心口，全程冇趕客基本可以坐到尾9:30。係一次好好嘅體驗，埋單$4XX唔使$500一個人性價比極高，絕對值得推介！…Read More

提早慶祝母親節，趁放寬咗晚市就快快去食即興當日中午12點就開始打電話book枱，打咗成個鐘先打得入，好在順利book到18:30唔使等可以直入，walk-in 嘅話就真係要等等首先要抱怨一下枱很細，6個人隔住塊板坐卡位真係好逼幸好職員勤快又有禮，食物上桌和收碟速度都夠快，其中有位男侍應真係態度一流，收碟收咗配置在桌上嘅碟馬上又主動補返，唔使出聲都好好服務，值得讚賞食物質質素方面算是性價比極高！花膠扒同花膠燉鮮奶仲有古法蒸龍躉係推介之選，其餘頭盤真係唔掂，中華沙律同螺肉有怪味，普通沙律菜又唔新鮮。炸物算ok，天婦羅就不抱期望，但芝麻雞翼好好食又夠熱，見好多食評都大推嘅炸榴連波，本人覺得偏甜超漏好麻麻。刺身方面蝦唔新鮮，好重腥味，但其餘帶子同魚生都ok響尖沙咀食過嘅焗蠔好好食，但呢度期望愈大失望愈大，唔夠熱加上好多沙律醬之類，太漏太滯甜品同飲品種類算多，有好多茶類選擇，brownie細細粒好好食，藍莓芝士tiramisu 同木糠布甸都唔錯，另外有5-6款普通嘅雪糕雪條可以攞，最後每人可order一杯ha記/movepick雪糕。唔關店家事，ha記有三個味揀但ha記真係超甜，都係movepick巧食啲冇咁漏。258一位大人另加一，食到個個都捧住個肚走，真係好抵食！😛唯一美中不足係廁所又爆渠，兩次去食同品牌唔同鋪都係廁所出事，只好講自己真係唔好彩…Read More

早一個月生日食過同集團沙田嗰間今次食貴少少嘅旺角呢間阿媽唔鍾意花巧嘢就早一日訂咗個芒果千層蛋糕因為想加字但網上訂冇remarks所以諗住第二日早上打去講聲點知到左11點幾餅店主動打黎confirm order順便問埋加咩字，地點就腳攞蛋糕都算方便，因為第一次去唔知入面近lobby先係攞蛋糕位置，排左一陣零售隊有職員主動查詢有冇嘢幫到忙，服務態度比沙田更好蛋糕味道ok，千層班戟皮較鞋身，海綿蛋糕做底，中間夾層有少少芒果肉，芒果幾甜唔錯生日有送切刀同洋燭仲有個環保袋裝住，比沙田咩都冇好好多，以連鎖餅店價錢買到個酒店出品蛋糕已經好滿足…Read More

因為母親大人生日，所以呢排出多左去食今次食屋企人食過兩次都話正既泰國廚房，即日打去book位員工已經好禮貌，同行有細路仔所以唔係好食得辣，去到睇menu時員工會主動推薦菜式，服務態度好好真係值得大讚食物方面係有水準既，所有野都熱辣辣上枱招牌咖哩蟹果然係招牌，蟹膏頂晒蓋，蟹肉脹卜卜，從未食過咁正又咁抵既咖哩蟹，下次再黎都會叫！另外餐廳風格好有小酒館feel，門外一串串燈好有情調，如果天氣涼返少少時可能都可以試下坐出面。總括嚟講食物同服務質素都好，人均都係2百多，係會再幫襯既泰國餐廳！…Read More