Henshinhaha的個人專頁

好耐冇食車仔麵，所以今日就同朋友去咗呢間車仔麵店~係出面望到呢間店已經覺得真係好大，入到去更加令我驚喜，因為我真係冇去過一間咁闊落咁舒服嘅車仔麵店!!😍我叫咗油麵+芋絲+雞翼尖+溏心蛋+牛栢葉+麻辣醬+凍檸茶~碗麵一嚟到就見到一羹辣椒醬擺係到，我仲驚好辣!!好彩撈埋啲湯之後個味道都唔係咁辣，而且好香👍🏼特別想講下個溏心蛋好入味，入面個白好林口感好好😋個凍檸茶係用帶得走嘅膠杯，所以飲唔曬都冇問題!另外叫咗碟蠔油菜心，蠔油都落得幾多，份量同整體味道都唔錯!👍🏼朋友點咗招牌麵配麻辣醬，有9個餸，可以一次試曬啲招牌菜🤣辣魷魚嘅辣汁無得輸，魷魚又好爽口👍豬大腸捲好一圈圈，咬落去好有口感，再提下豬皮，入味之餘，仲keep住爽口，唔會冇曬口感😋小食就叫左炸墨魚卷，望落下好似鮮竹卷，食落個皮好薄好脆👍總括嚟講，味道好，環境一流!!!👍🏼👍🏼…查看更多

今日好想食扒，就同朋友嚟咗呢間慢煮嘅餐廳~入到去要上一樓先有位坐，餐廳嘅環境都幾有style，有唔少霓虹燈牌可以比大家打卡📸呢到係self-service(唔收加一)，所以要自己落去counter叫野食同埋攞餐具，但係侍應會拎上嚟👍🏼👍🏼我同朋友都鐘意食羊，所以叫咗個48小時羊後膝~份量都幾多，d肉好嫩滑好容易切同咬，但係味道好蘇😆所以如果食唔到好蘇味嘅人我會建議要考慮清楚🙈另外我哋叫咗兩個小食：芝士温泉蛋大啡茹同埋芝士忌廉菠菜苗~個大啡茹切起嚟嘅時候個蛋會流心😍味道嚟講所有野都好配😋而個菠菜苗我覺得係少過個芝士嘅份量，所以其實係幾滯，但係菠菜係幾甜幾好食🥬👍🏼我哋都叫咗US安格斯頂級西冷牛扒(小)，呢個簡直係成餐飯最着精粹!!!個牛扒只係用咗蒜蓉，鹽同黑椒調味，但加埋咬落去嘅肉汁，冇諗過係咁好食!!!!超級推介😋😋😋加埋兩杯野飲我哋兩個人都係食咗$394，性價比超高，一定會再嚟食!!!💛💛💛呢間我愛慢煮係新店，普慶坊店都係呢間附近咋!!想食慢煮嘅朋友就多一個地方食啦!👍🏼💛…查看更多

建議鐘意食咖喱嘅大家，可以去位於大坑嘅正宗印度餐廳。首先，餐廳位置方便，係中央圖書館過去都只需5至10分鐘左右，而且餐廳就係馬路旁邊 ，好容易就搵到。門外裝修已經好有印度感覺👍，一打開門，就有濃濃嘅咖喱同香料味，我就知道冇去錯地方。我同朋友2個人，點左一個Masala 咖喱，望落去鮮紅色，好似好辣，不過入面加左yogurt 同蕃茄中和左個辣味，配埋Garlic Naan，真係好好味。細心試個咖喱汁，發現有仲好多香料，溝埋就有一種特別味道，撈埋naan 一齊食，絕配🤤。雞肉都好滑，唔會好硬。最特別係naan 用左個架勾住，啲油仲滴緊落黎，證明係即煮。另外，食埋Lamb Biryani ，望落好細，但份量足。雖然Lamb Biryani 冇汁係上面，但佢味道已經有好濃嘅香料味，加上羊肉唔會有好勁嘅羶味。有興趣食正宗印度咖喱，就去試下啦👻…查看更多

係長沙灣比較少見到西餐廳，但係見好多食評都話呢間正，所以就同朋友一齊去試😆我哋大概夜晚730到但係唔需要等位!入到去都覺得幾靚同埋乾淨~餐廳冇menu牌要scan QR code(我諗都係為咗環保)我同朋友都叫咗個dinner set因為set係會包括埋餐湯，$20以內嘅野飲，main dish同埋是日甜品!!餐湯:是日餐湯係甘荀湯，甘荀味頗濃，香草亦都配搭得唔錯👍🏼main dish:我哋叫咗大蝦蟹皇糕意大利飯同埋澳洲肉眼扒配大蝦，兩個嘅份量都相當大😍個意大利飯嘅汁都食到蟹皇糕嘅味道，而且唔會覺得好滯👍🏼個肉眼扒食落去唔好太韌而且有啲肉汁，黑椒汁唔會太辣，而個大蝦🍤已經介開咗一半所以好容易分到，味道方面都唔會太乾😃飲品:我朋友叫咗可樂而我就叫咗凍玫瑰咖啡~因為本身個咖啡係$38所以補咗$18🙈但係個咖啡係大杯+靚+好飲!!!上面加咗一層厚厚嘅cream令杯咖啡更甜😍😍😍是日甜品:朱告力芝士蛋糕~個芝士味好出!加埋朱告力個甜度啱啱好(我自己好鐘意食甜野😝)上面仲加咗少少caramel sauce😋😋整體嚟講係好食加抵食嘅餐廳!!!❤️全部加埋都係$356咋~…查看更多

我愛慢煮比到我慢煮嘅態度，食物嘅口感往往都比到一種特別嘅感覺，肉汁好似鎖住左，啖啖肉嘅同時啖啖汁，唔會乾到食柴咁😆我同朋友點左兩份小食加兩份主菜，分別係燒露荀苗、炸蕃薯條、香草丹麥烤雞槌同埋法式油封鴨髀😋露荀苗味道鮮甜清新，唔會覺得油膩。蕃薯條甜度十足，又有咬口。烤雞槌肉質鮮嫩，十分juicy, 呢個就係慢煮嘅功力。另外，鴨髀就相對遜色，食落有啲硬同乾，可能曾經係法國試過油封鴨髀，感覺相差一段距離，有左比較🤣最後，疫情期間，餐廳贈送顧客一人一支自家製消毒搓手液…查看更多

先講下環境啦，我就坐係門口一入嘅bar檯，坐係度嘅時候，廚房一覽無遺，睇到全部運作，有廚師負責甜品、飲品、烹調同埋做手工意粉🤩食嘢嘅同時，可以睇到意粉嘅製作過程😀侍應非常專業，會介紹菜單上嘅special menu, 而你想知啲意粉有咩特別，佢都會答到你👍係時候講下食物，先上一袋麵包，配橄欖油同醋，我點左pappardelle 係寬麵條，配埋慢煮牛肉，簡直係perfect match😍意粉硬度適中，每一啖都有種好濃嘅蛋味，可能係手工意粉先食到呢個味道雖然Pici 係有啲貴，但食物質素加埋環境同服務，真係值得試下。用去Europe 食pasta 嘅機票錢去Pici 啦😆…查看更多

通常都會係台式食店食到嘅魯肉飯，係一起食堂就有新嘅嘗試，蔥油土雞肉飯😗聽落個名同魯肉飯好唔同，但便當黎到面前，我就覺得係「雞肉版」魯肉飯，食落感覺幾新鮮🤣便當有三款小食，仲有個湯，另外加左杯冬瓜茶同一碟小食炸花枝丸😙花枝丸丸上枱個陣熱辣辣，唔好成粒放入口，小心啲，但又唔好放到涷左先食，有啲微溫個陣就最滋味😆…查看更多

係中環返工想食好嘢唔難，但好多都真係貴到傻🙄我覺得Italian club 用$58嘅價錢比到一個starter, 一個main dish同一杯嘢飲，真係難得一見（weekend 都有得食）🤔餐廳環境唔錯，感覺上係貴價西餐，但望下lunch set menu, 原來有驚喜😂我同朋友share 左2個lunch sets, 有烤薯仔加燒雜菜做前菜，味道唔會太濃，作為前菜唔會蓋過主菜嘅味道，可惜係薯仔可以再烤軟啲，易啲入口😗其後嘅主菜有巴馬火腿pizza同香辣蒜蓉意粉，味道濃，唯一令我嚇一跳就係意粉碟嘅油多到有啲跨張，好似浸住啲意粉咁😧overall, 個人認為係抵食嘅👍…查看更多

中上環地區有不少川菜餐廳，呢間相對黎講有較貼地嘅價錢😗我同朋友各自點左一碗重慶酸辣粉，而辣度有唔同選擇，我地試左小辣，唔係太辣，可能要辣辣啲先有感覺😂鐘意食辣嘅朋友，我建議食中辣或以上👍薯粉嘅麵質堅韌，幾彈口，但份量實在有啲少🤔另外，仲有小食涼拌牛柏葉，有某啲牛柏葉就唔夠爽口，但加埋啲辣辣汁，都可以架😆…查看更多

花盃我每年都去食一至兩次，今次終於有機會可以寫返個review!❤️佢哋嘅午市鐵板燒(一人前)有四款：松，竹，梅，菊。之前咁多次我都係食竹(有大蝦，銀雪魚，牛肉)，今次試試新意思就食咗松(南非鮑魚，銀雪魚，牛肉)😍牛肉可以係薄切或者厚切，薄切嘅話，片牛肉中間會夾住蒜片同埋蔥，厚切嘅話就會係牛柳粒~係真正燒之前，有蔬菜沙律同埋蛋沙律食！之後廚師就會上場，係食客面前開始燒嘢食。今次嘅廚師都好Nice，會介紹食材，同我哋都有講有笑😃廚師會放塊麵包喺食客前面，用嚟裝住燒完嘅食物，而係塊包隔離都會放少少鹽同埋胡椒粉比食客點。廚師將鮑魚切開一片片嚟燒，味道鮮甜而且食落唔會太韌😋銀雪魚燒到金黃色，又甜又香👍🏼叫咗薄燒牛肉，肉汁鮮嫩，加埋蒜片同蔥，配搭簡直一流❤️❤️師傅最後會整多一個炒飯同埋芽菜，我覺得炒飯比較乾身，係成個餐唯一一個不足之處，芽菜就不過不失，不過有埋味增湯感覺就冇咁寡😃到成個餐嘅最後先嗌嘢飲🤣以成個餐嘅質素，都只係$400，我覺得真係好食加抵食!!!!!❤️❤️👍🏼…查看更多

同朋友行街無意中見到呢間墨西哥菜，見到佢嘅外觀設計好colourful好特別，所以就入去試吓佢嘅午餐！🤩佢哋嘅set lunch有前菜(湯/沙律)，主菜加嘢飲，都只係$98，所以我同朋友都叫咗set lunch~我叫咗個half quesadillas (chicken)，湯加杯可樂。個湯應該係蔬菜湯，味道辣辣地，幾搞笑😹個half quesadillas上嘅時候有啲嚇親，因為冇諗過原來半份嘅份量都可以係咁多(有成4塊咁多)😹😹個quesadillas好足料(墨西哥辣椒，紅蔥，菠菜，甜椒)，而且我好鍾意食辣野，所以我覺得幾好食。除咗餡餅，仲有沙律醬，蕃茄同埋bean paste，食到好飽😋👍🏼杯可樂係用一個骷髏骨頭型嘅杯裝住，非常特別！整體來講，足料加好食，下次一點會再嚟食過👍🏼👍🏼…查看更多

好耐冇食過印度野，所以就同朋友去咗一間佢介紹喺屯門抵食嘅印度餐廳😃我哋大概一點入去食，嗰度比較受學生歡迎(因為有學生優惠)，而咁啱我哋去食嘅時候係佢哋放學嘅時候，所以座位幾乎滿曬~一入到去個侍應就比咗碗例湯我哋，原來係免費嘅！😍佢哋嘅lunch menu好簡單，除咗揀肉類之外其他配料都係一樣。我同我朋友都揀咗食羊肉(要加$10)，而配料方面有naan，飯，薯條，雜菜，野飲我就叫咗拉茶(都要加$10)！咖喱味香，唔會太辣😋，羊肉嘅份量適中，其餘嘅配料都不過不失，但係我覺得可以唔使咁多塊naan(4塊)，因為本身已經有飯，再加埋啲naan真係會食唔晒🤣🤣個拉茶上得比較遲(我諗佢哋好忙)，但係估唔到佢哋竟然會即場喺我面前拉我杯茶，感覺好新鮮😆拉茶上面比較多泡，飲落去個味道好特別，好鐘意呢種香料嘅味道😚整體嚟講，係平靚正嘅印度餐廳!!!👍🏼👍🏼👍🏼…查看更多

尋日同我屋企人去咗呢間開咗冇幾耐嘅冰室食午餐(知道佢係黃店)💛話到明係黃店，店裏面嘅設計當然唔少得唔同嘅畫報，為冰室增添唔少色彩！因為疫情嘅關係，枱與枱之間都會有屏障，令食客覺得安全啲👍🏼👍🏼呢一個冰室每一日都會有唔同嘅午市套餐，都有四五款餐選擇，而且食物都幾多樣化。我就叫咗黃金蟹肉軟殼蟹意粉🍝 加凍檸茶~個軟殼蟹意粉好重蛋黃同忌廉味，軟殼蟹亦都煮得唔會好油膩，蟹嘅份量亦都唔少~成個餐加埋嘢飲都只係$61，整體十分唔錯😋👍🏼下次會再嚟呢間高質黃店!!!💛💛…查看更多

今日同朋友夜晚去咗呢間台式食店食晚飯。去到見到好多人排隊(因為係黃店)，最終等左大概半個鐘到先入到去食飯!我叫咗個滷肉飯(只係$28!!)，而我朋友就嗌咗個牛筋麵，我哋亦都share咗溏心蛋，皮蛋豆腐同埋一杯冬瓜茶。滷肉飯嘅size比我想像中少咗啲但係竟然都幾飽肚!!滷肉嘅份量適中，而且飯入面有好多汁，所以食起上嚟唔會好乾，$28嚟講算係唔錯!!👍🏼牛筋麵加麵望落去份量足夠，湯底係微微川辣味道，感覺唔差。牛筋軟硬適中。大食嘅朋友，落單前記得同侍應講加麵，係免費嘅。上碟溏心蛋嘅時候已經漏咗好多黃出嚟，不過味道都還可以，唔會太甜。而皮蛋豆腐真係唔錯!佢嘅擺法係一磚豆腐係中間然後有四片皮蛋圍住，上面仲有好多蔥，魷魚絲同埋鹹鹹地嘅醬汁，豆腐食落去好軟身同埋唔會有散修修嘅感覺!😋 冬瓜茶就不過不失啦!…查看更多

今日晏晝同朋友試咗人生第一次嘅立食，即係個餐廳係唔會提供櫈，所以成程要企係到食!🤣我哋大概1:30去到，唔使等位。餐廳入面只有11-12個位，而其中5個係圍住主廚食，而我同朋友就係其中兩位，感覺好有趣!!😆由於我自己有某部份嘅魚生都唔食，所以就冇叫到omakase(廚師發板)，叫咗個角切魚生丼飯，甜蝦壽司同埋北海道海膽壽司！角切魚生丼飯有甜蝦，三文魚，帆立貝，吞拿魚同埋鮪魚。甜蝦爽口清甜，吞拿魚腩入口即溶，而其他魚生都好新鮮，真係好好食!!而且佢嘅價錢只係$118，個人認為性價比非常高!😋😋😋另外叫咗嘅甜蝦壽司都係非常清甜可口，其中一樣主廚同我哋講嘅係佢地嘅壽司係會加咗少少芥辣，如果你本身唔鍾意食嘅可以同佢哋講聲!之後就到我好期待嘅北海道海膽壽司啦!!本身我嗌嘅係韓國海膽壽司，但係主廚同我地解釋韓國海膽本身重海水味所以比較鹹，而北海道嘅海膽就比較甜所以配壽司嘅話北海道嘅海膽會比較好啲。所以最後我決定轉咗食北海道海膽壽司!哇!!我可以講呢個北海道海膽係我人生食過最好食嘅海膽，食落去嘅感覺好新鮮，好鮮甜，而且冇苦澀味，吞咗落肚之後嗰陣海膽嘅甜味仲縈繞係我嘅喉嚨度!!!😍😍雖然佢係略貴($58)，但係個人認為好值得試下!!整體嚟講，食物非常好食，而且主廚好好人，佢嘅解釋都好仔細，埋單一個人都唔使$200(仲唔收加一添㗎!!!!)。我一定會返嚟再食過!!💛💛…查看更多