blackangelmon's Profile

同朋友聚會特登選擇帝京花月庭，交通方便而且性價比唔差！有食足四小時，同只有兩小時選擇，我們都忙，八點才入到場，有兩小時選就節省一點！必食有燒牛肉同生蠔！特別想感謝蠔吧師父，開蠔快有禮貌而且衛生做足！就算每次攞兩隻，排多兩轉都唔會用太多時間！龍蝦本來好食，但唔好加白汁！都麻煩龍蝦師父！熟食區就普通，日式燒烤個鰻魚串都幾好，有任飲飲品要加分！甜品還可以吧，榴槤酥榴槤味幾重，軟雪糕就加分位！已約定下次再來！…Read More

同家人來食飯，估唔到來到一間好食、招呼好、性價比高的餐廳！環境寧靜舒適，好適合家人朋友食飯，或同____撐枱腳😎！其中有幾樣嘢推介！你估唔到佢個是日餐湯係竟然好有誠意，又夠滑又夠濃！經理特別推介一個龍蝦湯，咁我貪得意叫咗一個一齊分享，龍蝦味好足，而且佢係類似茶碗湯咁樣，有啲嘢影吓打卡，你知呢個時代打卡係幾重要㗎喇？！到主菜啦，黑毛豬同蝴蝶雞都好好食，聽經理講呢個係大廚嘅慢煮推介，兩個都嫩滑肉味重有肉汁！我自己就好鍾意食個蝴蝶雞，因為除咗嫩滑雞肉外，外皮仲煎香脆左！記住，食雞唔食皮係死罪！我冇試其他嘢，不過問屋企人，其他嘢都好好食！到甜品，個法式焦糖燉蛋，經理話蛋係意大利！因為我唔識煮嘢，唔知道點形容俾大家聽，只能夠講香滑香濃蛋味重，令人回味（有屋企人唔食甜嘢所以我食咗三個😍）No sugar no life!感謝經理不厭其煩咁樣介紹唔同嘅菜式俾我哋，亦都教導我哋每道菜嘅小知識！另外其他侍應生嘅招呼都好好！希望有機會再嚟食，而家已經好掛住個燉蛋！…Read More

叫外賣，因為大厦唔俾外賣上樓，所以要叫樓下幫手收住先，我立即九衝落去俾錢！點知一落嚟俾錢，條外賣佬已經俾曬說話我聽，問番樓下，叫佢放枱面，但個外賣佬就咁幾袋外賣放地下！有冇啲衛生意識㗎？我收到你電話已經九衝落嚟啦！唔通我要下下企定定係樓下等你！一係你預早打嚟話就行到，咁我咪識早啲落嚟等囉！你趕時間又唔想等，咪唔好接外賣單囉！叫份外賣都要叫到一肚氣！大家叫呢間外賣，記住一落完單好跑落樓下企定定係度等啦，人地外賣佬好忙嫁！…Read More

朋友請食生日飯，知我浮誇港女愛打卡(利申我係麻甩佬)，加上知呢間野就嚟俾業主逼遷，所以帶我嚟食呢度師傅發板午餐！食物就不過不失魚生都好新鮮，刺身帶子厚身…可惜服務態度簡直係地獄級地差！混亂到啲客要同侍應講“我趕住返工㗎可唔可以快少少”日本餐廳上茶，可以講係必須你飲完杯茶幾分鐘內要有加茶，但佢根本忙到冇人會做呢樣嘢！跟餐入邊本來有蒸蛋，原來冇貨又唔同個客講自己改咗做第二樣嘢！上壽司師傅發板套餐，上咗個主菜所有嘅烏冬啊前菜啊全部都冇上，要追佢三次先到，第一個餐影要等半個鐘頭有多，第二個餐直情接近等咗一個鐘！員工訓練及危機意識不足，根本追唔到個客嘅進度！係，你哋就嚟俾業主逼遷係好慘，你哋係同路人小店都應該支持，但你係一間中高級嘅日本餐廳，除咗食物OK之外招呼都要有基本！對唔住講句你仲差過茶餐廳！最尾嗰杯咖啡個杯就好靚啦，但咖啡你竟然上白砂糖俾我！你好嘢啊我真係服咗你！其實同路人小店可唔可以爭氣！同一個理念只係會令你人多一個幫襯你嘅理由，唔可以因為有理念而沒有質素！希望貴店如果有機會重開的話，注意下服務質素！認真今次生日飯真係食到一肚氣！…Read More

一個人去銅記拍片，點知落雨就求其找間餐廳躲!問老闆娘有乜推介，佢話嗰日係【 窩夫之日】，咪試下囉!首試【 黑朱古力烤棉花糖窩夫】，驚喜!本身我個人好鐘意甜食，但芳間有啲甜品得個甜字，唔識點講，感覺好【死甜】!但呢間的甜好【活】! 甜而不膩!好好食!見仲 落緊好大雨，就叫多個【 雪糕香蕉焦糖窩夫】， 香蕉焦糖雪糕 配合得天衣無縫， 好似一家人咁! 雪糕非常幼滑!下次試下佢嘅正餐係點! 好期待!…Read More