KaWaiNg2808's Profile

烤魚真係食極都唔會厭，呢間烤魚好大條，配料都特別多，加上白飯任裝，細食嘅真係淨食魚都食飽，另外仲有雞煲同串燒重慶豆花烤魚(凌波魚) $258配料都幾多，除咗滑嫩嘅凌波魚，仲有滑嘟嘟嘅豆花，同埋入味嘅薯仔等等，而且個湯底都幾夠辣，真係惹味鮮香呀！佢本身嘅配料兩個人食都夠晒飽，如果多人嘅話仲可以單點其他配料，好似打邊爐咁正萵筍 $28我發覺好多人食烤魚/打邊爐都好少會叫萵筍嚟食，但其實呢個配搭真係一絕，萵筍係完全吸哂湯底嘅精華，同時間又可以保持脆口，未試過一定要試下燒原條茄子 $38 中辣燒菠蘿 $20叫得做烤吧就一定有原因嘅，呢兩款串燒可以話係最common但都好考功夫嘅，火侯要掌握得好好，令到佢有燒烤嘅味道之餘仲保留到蔬果嗰種juicy…Read More

一向都好鐘意食酸菜魚，最近見到有唔少YouTuber都有介紹呢間酸菜魚就去試下啦，眼見枱枱都有叫酸菜魚，價錢都幾抵食，全港都有4間分店㗎老壇酸菜魚 (標準) $188酸菜魚有分標準同加大，標準份量夠3個人食，辣度自選，有小、中、大同魔辣4個等級，唔食得辣嘅朋友都可以走辣，每塊魚都勁大塊，嫩滑得嚟又冇骨，而湯底嘅酸同辣嘅味道均勻得嚟亦都帶有魚湯嘅鮮味，真係會飲唔停口，名乎其實嘅魚好吃湯更好喝回鍋肉飯 $58呢間野嘅回鍋肉飯都夠晒正宗好味，口味惹味獨特，回鍋肉色澤紅亮，食落口肥而不膩，送飯一流，下午茶時段14:00-16:00仲有八五折…Read More

九龍城開通咗地鐵之後真係方便咗好多，今次就試咗間由泰國華僑開嘅泰國菜館，味道保證地道正宗，價錢都好親民泰式燒豬頸肉 $82燒豬頸肉肉邊微焦，質感厚身，食落爽口帶油香泰式菠蘿焗飯 $78材料主要有大蝦、菠蘿、青豆、腰果同肉鬆，焗飯用咗菠蘿殼上，好有泰式風味泰式炸蝦餅 $78外層好鬆脆，肉質爽口彈牙，配埋泰式酸甜汁零舍惹味，仲有6大塊咁多好抵食冬蔭功湯(小) $75湯頭配料有秀珍菇、大蝦、蕃茄仔同豐富嘅香料，味道酸香清甜帶微辣泰式馬拉盞通菜 $58通菜新鮮爽脆，吸收晒馬拉盞鹹香濃郁嘅味道…Read More

有一排冇去太子酒吧街搵食了，見到有新面孔即刻試吓，餐廳主打西班牙菜，亦都有少量嘅泰國菜式，格局都幾特別，一邊劃分咗做酒吧區，另一邊就係餐廳香煎鵝肝配紅酒蘋果 $78鵝肝兩邊煎香，厚切肥美，口感細膩軟滑，上面仲放咗酸酸甜甜嘅紅酒蘋果，可以中和番鵝肝嘅油膩感泰式生蝦刺身 $78生蝦用shot杯裝住好特別呀，打卡一流！生蝦質感緊實有彈性，味道爽甜鮮美，配上泰式酸辣汁，令蝦嘅鮮甜更加突出法式焗釀春雞 $158烤雞外層香脆，肉質柔軟濕潤，雞皮同雞肉之間釀咗黑松露炒雜菇，一切開雞身就聞到好香嘅黑松露味，配菜有蘆筍、蕃茄仔同酥脆鹹香嘅薯仔片西班牙馬鈴薯蛋餅 $48微脆嘅蛋皮夾帶住鬆軟綿密嘅馬鈴薯同洋蔥，蛋餅表面仲灑咗少量七味粉，食落有少少辣辣哋更加惹味泰式烤豬頸肉捲餅 $48薄薄嘅捲餅包住香口惹味嘅燒豬頸肉同新鮮爽脆嘅蘿蔔絲、生菜絲，口感豐富同朋友一人叫咗一杯mocktail，味道酸酸甜甜，啱晒炎熱嘅夏天Passion Dream $68passionfruit, mint, pineapple, orangeMuze Punch $68 orange juice, pineapple juice, banana…Read More

住元朗又鐘意食辣嘅朋友有口福啦，今次要介紹嘅係一間川菜小店，味道都幾正宗，而且份量十足，價錢合理，絕對值得一試麻辣豬肚雞煲 $138半隻雞煲味道濃郁，舖頭仲好細心咁提供埋個gas爐等你可以一路食一路滾住個雞煲令佢唔會攤到凍晒，但係就算一路煲住都好，佢嘅雞同豬肚都可以keep到嫩滑，味道麻辣惹味，愈食愈過癮酸菜魚片 $128魚片每塊都好大件同夠厚度，食落好有滿足感，最重要係冇魚骨，啱晒怕吐骨嘅我！湯底嘅辣味同酸味都好溫和，入口唔會太嗆口，但佢嘅辣度係絕對夠嘅，面頭舖滿晒辣椒粉麻辣牛肉涼麵 $38麻辣牛肉用嘅係牛後腿嘅牛腱肉，呢個部位運動最多，所以牛肉味係最香濃嘅，你仲可以睇到結締組織將啲瘦肉包住，層次分明，食落特別爽口，配埋彈牙嘅涼麵真係好夾…Read More

估唔到串燒店都有酸辣粉食，叫咗碗同朋友share，酸辣粉 $29 配料好豐富，有肉碎、花生、榨菜、蔥花、芫荽等，我仲加咗餛飩 $12 同豬大腸 $8，小辣其實都唔太辣，食得辣嘅朋友可以揀中辣或以上上湯煮花蛤 $58花蛤好新鮮，配埋洋蔥嘅鮮甜湯頭真係甜上加甜，份量仲好多，CP值超高酒糟雞卷 $26醉雞卷嫩滑入味，酒味濃得嚟又唔會苦，冰冰涼涼啱晒夏天食紫心香芋丸(4件) $24香芋嘅味道都幾濃郁，外皮炸到金黃，食落卜卜脆菠蘿 $24菠蘿燒得啱啱好，鮮甜又多汁，食左咁多辣野用嚟解辣就啱晒韭菜 $16韭菜食落略帶香甜，而且一啲都唔油膩，烤嘅火侯都係啱啱好，食落唔會痴牙…Read More

串燒即叫即燒，餐牌有超過90款菜式，最平十幾蚊就有交易，呢到仲有自家製嘅調味粉同醬汁，絕對有獨立一樽樽賣出街嘅質素叫咗幾款肉類串燒都唔錯，既有燒烤嘅香口，同時間又保留到原本嘅肉汁，特別推介孜然羊肉 $22 同叉燒 $18，配埋老闆自家製嘅印尼沙嗲醬同泰式酸辣汁，真係食到舔舔脷原隻燒聖子 $120聖子非常新鮮彈牙，簡單咁加啲蒜蓉同蔥花去稍微調味已經非常之鮮美麻辣蒜蓉焗蜆 $42蜆夠新鮮，每一隻都多肉而且彈牙，麻辣汁嘅辣度同調味亦都啱啱好鹽燒香脆雞皮 $20燒雞皮要整到皮脆而又唔乾係好考功夫，呢度嘅雞皮卜卜脆之餘仲保留咗佢嘅水份，火侯掌握得好好燒焦糖菠蘿 $16菠蘿已經批晒皮，仲有少少焦糖係面，食嘅時候除咗有平時菠蘿嘅鮮甜，仲多一鼓微微嘅焦糖甜味…Read More

天氣開始熱特別想食辣，屯門雅都商場有間川菜小店都幾好食，價錢合理，唔敢講係咪正宗，不過就好啱我胃口，可以再encore!水煮飄香毛血旺 $118毛血旺可以話係一道著名嘅四川傳統菜式，佢係用鴨血作為製作嘅主料，配埋一嘅毛肚雜碎，即係牛肚，豬大腸同午餐肉嘅材料，咁多種唔同嘅食材真係各有風味，水煮湯底辣得夠過癮香辣椒鹽豬扒 $80豬扒肉質食落鬆化軟滑，肉味濃郁，特別嘅係佢地用左美極嚟調味，香味十足，但係食落又唔會死鹹螞蟻上樹 $70「螞蟻上樹」都係另一道經典嘅川菜，而佢個名就係因為啲肉末細到好似螞蟻咁佈滿晒係粉絲上面，十足十係樹上爬爬螞蟻而得名嘅！呢度嘅螞蟻上樹夠晒獲氣，將爆香之後嘅肉末同埋吸滿晒辛辣調味料的粉絲一齊快炒，非常惹味蒜蓉炒萵筍 $60有陣時好食嘅野唔一定要好複雜，就好似呢道蒜蓉炒萵筍咁，新鮮萵筍夠清爽脆口，加少少蒜蓉調味，簡簡單單已經好好味…Read More

元朗出名多平民美食，精緻西餐選擇唔算太多，其中一間推介嘅就係The Yell-Owl Seafood And Grill，set dinner都只係$238，價錢合理，CP值非常高❗️自選海鮮拼盤4份 $288海鮮總共有9款選擇，我地要咗4份包括龍蝦半隻、虎蝦2隻、日本帶子4隻同鮑魚4隻，每一款海鮮都非常新鮮，食落爽口得嚟又夠彈牙，配埋淡淡嘅蒜蓉牛油口味真係好夾Set Dinner $238頭盤有燒意式青瓜青醬沙律同煙肉薯仔湯，薯仔湯味道夠濃，而且仲有粒粒嘅薯仔蓉同煙肉，主菜就揀咗白酒忌廉汁牛油果蟹肉意大利飯，軟滑嘅牛油果同埋新鮮蟹肉真係好夾，令到個意大利飯食落更加香濃同creamy，set dinner仲有個甜品係tiramisu，忌廉入口香滑輕身，甜度適中Passion of Yell $58熱情果同菠蘿嘅組合真係冇得輸，配埋lime juice嘅酸味就中和番個甜度，酸酸甜甜咁啱哂夏天飲呀Baby Colada $58賣相勁靚！隻藍色就好似係夏天嘅藍天咁，新鮮嘅橙汁同菠蘿汁唔會太甜，而且飲落仲有淡淡嘅椰子味出嚟…Read More

呢間野真係抵食夾大件呀一百蚊鬆d已經可以食到勁飽魚柳炸得好出色夠哂乾身，但係佢set死左係跟蕃茄汁就冇得轉呢樣野真係有d扣分但最正都係個凍檸茶，因為佢係已經幫你整碎左，但一定要叫少甜，如果唔係蓋過左陣檸味就唔好啦:)…Read More

呢杯麻糬芝麻烏龍鮮奶茶既賣相好吸引，水墨畫風茶飲真係幾特別，打卡一流📸，味道方面，芝麻醬、烏龍茶同鮮奶呢個組合都幾夾，有啲似飲緊輕盈版嘅芝麻糊，都幾飽肚㗎😂…Read More

土瓜灣呢個地方對我呢個新界人嚟講真係好陌生 可以話係十年都唔會去一次既地方 今次都係有住附近既朋友帶路先識去呢間餐廳食野朋友推薦一定要試佢個兩款招牌湯麵 一個係椰子雞湯 另一個係蟲草花膠雞湯 碗麵一上到嚟其實真係嚇左跳 因為佢真係足料到痺我諗佢隻雞都差不多有半隻 明明己經食左四五舊但原來個碗入面仲有 睇唔到係因為俾碗湯蓋過左湯嚟講佢都十分夠味 重要係食得出一d味精都冇落 飲哂成碗都完全唔會口乾椰子雞湯比較清甜 雞味同椰子味個平衡做得好好而蟲草花膠雞就相對濃味 同埋花膠係真係平時屋企煲湯個隻size而且仲有五大舊咁多 真係唔知佢點回本串燒方面都叫左幾款試試佢 有娃娃菜，雞脾菇，金菇肥牛同埋茄子 每款都係水準之上燒既時間啱啱好唔會有好燶既情況 調味粉都落得啱啱好唔會太重手 食得出食材本身既味道最後一定要提既就係佢既麻辣豆腐 真係整得好過唔少川菜館 豆腐豆味足 撈埋面頭個層麻辣醬真係食到停唔到口 因為佢隻麻辣醬食落有少少特別既藥材味 真係啱哂我口味 最後成碟野我個fd淨係有機會食到一舊 因為其餘個五舊己經俾我食左如果佢獨立為呢款醬出一樽樽俾人客買走更加好啦…Read More

去親葵涌廣場都係掃街多今次一於坐低試下呢間雞湯麵店雞湯配搭非常豐富呢砂鍋花膠雞湯翅湯底勁足料 花膠超厚實 有兩大塊雞湯又白又濃 完全唔油膩雞肉都嫩滑 我自己鐘意點少少辣椒醬食泡椒花膠酸菜魚期間限定嘅酸菜魚 唔食魚仲可以轉雞酸菜入味 湯頭唔算太油膩鱸魚片爽滑冇骨 刀削麵好彈牙 厚薄均勻…Read More

終於都試到嘉寶漢堡 次次經過都見到勁多人係門口排隊佢既漢堡包選擇真係非常多 豬牛雞羊蝦乜都有外賣拎到返屋企雖然係冇咁熱辣辣 但都仲好好食至於想堂食嘅朋友記得用THE GULU app拎定籌啦漢堡扒好鬆軟juicy醬汁辣辣地幾惹味成個包食落口感好豐富雞扒好厚肉 煎得好香唔油膩輕輕燒過嘅菠蘿好甜好juicy蜜糖芥末醬唔會太少太多 個包仲好鬆脆佢地既雞塊加咗粟米片去炸特別脆口另外仲有4款醬咁多 無論你鍾意食咩名都實有一款啱你…Read More

咁岩今日早收工 經過屋企附近有間新開既燒味舖 就決定斬料番屋企孝敬下老豆老母呢間野真係好多選擇 賣相又靚 所以一唔小心就叫左四樣野食,有叉燒,有鹽焗雞,有燒腩仔,仲有海蜇拼五香牛展叉燒個蜜汁真係無得彈,而且呢食叉燒最緊要係要有少少燶邊!佢完全做到呢個效果!燒腩仔同鹽焗雞我老豆老母本身都好鍾意食,食左幾十年咁話,如果話佢地係專家都唔過份!佢地都俾呢兩款燒味好高評價!又入味又啖啖肉!最後碟海蜇拼五香牛展真係食唔落,因為實在太飽於是乎就留番黎做宵夜,一路睇歐國盃一路食又係好入味,雪凍左拎番出黎配啤酒食真係一流呀!…Read More