Gareth Bale's Profile

慢慢慢慢慢慢！沒兩小時午飯時間不用來了。閒日午飯來，先在門口等十分鐘，合理！落單後，碗牛肉麵半小時都未黎，只得一杯凍檸樂。唔單只係我地，其他人客都冇野食，原來廚師在做外賣，呢半個中基本上沒出過餐比堂食既食客咁滯，唔怪之得門口大排長龍............半個中過後，終於有麵到，不過已餓過飢，食乜都冇味了。溫馨提示，lunch 時間得一粒中或個半中既朋友，諗都唔駛諗，野食到又要趕頭趕命咁食，食完搭的士返去都未必趕得切。…Read More

一進餐廳，店內空空如也，我跟女朋友進餐廳被安排坐二人位置，由於我倆一個背包，兩袋物品，便問店內員工能否坐四人位置，結果馬上被拒絕了，「四人先坐得架！」話語鏗鏘有力！之後我們便跟店員說要拿櫈仔放行李，店員知道我們行李多，便跟主管問能否轉我們到四人座位，換來是一句更大聲的話語：「唔得！！！！！！」結果店員只拿了一張櫈給我們放行李，這當然不夠，結果我女朋友便要把兩袋物品放在自己的櫈後面。今時今日香港服務質素為人垢病，絕對不是無中生有，直情是滿地開花，隨處可見！現談食物質素，客觀分析不把「私人感情」放在此。一碗50大元的蚵仔麵線你會期待得到怎樣的質素呢？在台灣一碗只售50-70台幣的美食，即使在香港，八方xx只售20-30港幣一碗，在這裡當然會有很高的期待。結果，是極難食！這麼稀的湯，加上這麼少的麵，配搭不夠味的湯，絕配！而且無端百事加了紅羅白在麵裡，予人感覺畫蛇添足。最後，蒜香麻辣豬耳，豬耳是暖，青瓜是冷。在我有生之年，我不會再讓他賺到我多一分一毫。…Read More

朋友咁耐冇見, 大家都話想食放題, 咁岩上網見到呢間, 我地不理網友負評一心諗住本死無大害的心態試試無妨, 點知真係中伏 ! 今日試完之後番到屋企真係一肚火, 即刻開個新account 打呢篇野, 等大家睇完後再慢慢諗下去唔去打大佬好...一開始上菜的是刺身, 淨睇圖都流晒口水, 事實上味道只算是不過不失, 係呢度唔提咁多.之後戲肉黎喇, 先係呢個冬菇薯蓉, 真係離晒大譜, 唔係吹水唔係搵笨唔係呃你, 個薯蓉是凍的....... 啖而無味, 感覺就好似食緊泥膠一樣.之後, 到呢個鮑魚粥, 冇錯, 呢碗就係, 我唔係諗住真係有隻大西洋野生南非鮑魚係碗粥入面, 但我覺得真係唔可以咁過馱囉, 當為免浪費食物, 免為其難, 硬住頭皮, 試一啖呢碗連鮑魚菇都冇粒既粟米粥既時候, 對唔住, 真係不能接受 !! 鹹過鹹魚 !! 牛乳火鍋, 入面條菜是苦的.....點第二轉刺身希望食番D正常野, 跟住出晒事 !! 等左20分鐘先到, 同一開始上的大家可以對比一下, 呢一轉真係厚切, 肥唔新鮮不特止, 而且食落仲有筋 !! 之後再點拉面, 呢個唔係唔好食, 而係入面足足有兩個面底, 淨係食呢個已經足夠滯到唔駛食其他野 !! 仲有其他凍到結冰既溫泉蛋, 白開水式的冷烏冬 等等在此唔想再談, 最後想講既係, 係呢度打大佬要 > HKD 200.........…Read More