cat_fish的個人專頁

復活節到澳門旅遊, 預計滿街都是香港人, 港人一向熱衷旅遊, 遠近不拘,好像一有機會就要逃離忙碌的生活, 到外地方可鬆一口氣。雖然當日澳門到處都是人, 但亦帶來一個好處, 就是方便遊客按人氣指數找尋好食肆。當日遊完大三巴後, 漫無目的地走著, 行經果欄街, 突見沿途有很多人捧著一個白膠杯邊走邊吃, 當即與同行友人加快腳步向前行。在不遠處見到有一群人圍在一間店舖門外, 原來就是洪馨椰子, 見嬸嬸不斷將一杯杯自製雪糕倒進門前的凍櫃內, 另一方面又要應付不斷到來購買的人潮, 真有點應接不暇。好不容易終於搶到一杯椰子雪糕在手(其實12元一杯雪榚真的有點貴), 急不及待將雪糕放入口, 第一口的感覺卻有點不以為然, 因為滿心期待的是濃郁的椰汁味, 但吃進口卻是甚感清淡的椰青味, 心裏著實有點失望,但仔細品嚐之下, 味道仍算清新可喜:)除椰子雪糕外, 洪馨亦有椰汁及芒果雪糕, 下次去澳門途經該店都想試吓!…查看更多

逛街逛得有點累, 想找一處小店小休一會, 誤打誤撞闖入勝利,既來之則安之, 先觀察枱旁客人愛點那些招牌菜, 發現很多人均在吃咖哩飯或焗飯, 此外, 亦愛點一客吉列豬扒包分甘同味, 由於仍未感肚餓, 故只想要一點輕食, 於是點選了豬扒包及熱咖啡, 同行友人則點了奶油多, 雖然我對吉列製的食物不甚喜愛,怕食物會變得乾硬, 但見幾乎每枱一客, 一定有其過人之處, 所以破例試試。吉列豬扒包豬扒頗大塊及厚身, 麵包則一般, 豬扒表面雖然經過油炸, 但內部仍有肉汁, 但吉列外層始終較油膩, 並有少少刮口的感覺, 最後我把大部份外層剝走, 用麵包夾着豬扒吃, 則有吃傳統豬扒包的感覺, 但此食法令人覺得質素無甚特別, 但喜歡香口食物的朋友, 則不妨一試。奶油多士朋友認為水準一般, 如此簡單的食物, 並無期望有特別驚喜。熱咖啡:(味淡無咖啡香味, 還是香港的茶餐廳質素較佳。順帶一提, 那日我們等了差不多二十分鐘仍未見食物送上, 不知是待應忘記入單, 還是製作需時, 經兩次催促後, 等到三十分鐘後方見豬扒包的芳踪, 趕時間的朋友要注意:( …查看更多

去澳門前響Openrice見到南屏雅敘嘅食評, 睇見佢嘅招牌作 - 南屏三文治啲相, 就決定到澳門時一定要試吓 (本人為茶餐廳fans, 尤好三文治) 在澳門的小街內穿梭, 卒之揾到南屏雅敘, 佢嘅格局及內裏裝修都好有「花樣年華」feel, 令我回憶起小時候外公帶我去屋邨茶餐廳食至愛西多士同紅荳冰嘅情境, 不過一入到去就有小小後悔, 因為煙霧迷漫, 裏面多枱均坐着街坊同老人家, 有不少正在食煙, 我先醒起身在澳門, 食肆並無禁煙, 唯有快快叫嘢食, 希望可盡快離開。南屏三文治見到份三文治真係好開心, 一見佢就唔知點解想起屋企嘅床褥，佢內涵豐富包括大量雞蛋仲有火腿同义燒，由於係新鮮熱棘整嘅, 雖然材料普通, 但都幾好食。熱咖啡及奶茶:(始終同香港茶餐廳嘅水準有一定距離，試過澳門好多間茶餐廰，基本上都係味淡及不夠香濃。下次來澳門將會試吓其他茶餐廰, 不過只會試吓佢地嘅招牌菜, 其他食品相信無香港嘅水準。…查看更多

復活節再到澳門進行兩日一夜的美食之旅, 立誓要一日食足七餐之前已上定Openrice搜集資料, 印埋地圖, 由於同行友人都是路癡,所以我就順理成章做埋導遊, 負責帶路同揾地方開餐, 雖然勞心啲,但享受到不同美食(尤其嗰啲香港食唔到嘅), 辛苦啲都值得。好似我地剛剛喺南屏雅敍食完重量級南屏三文治, 向前直行就見到黃枝記, 雖然剛食完兩餐(我地喺下午二時先到澳門, 嗰時仲只係下午四時多), 但既然係上天嘅安排, 要我地抬頭就見到佢個招牌, 咁就不如順應天意, 入去食第三餐, 由於真係好飽嘅關係, 所以都只係每人叫咗碟蝦子撈麵!!:) 蝦子撈麵果然名不虛傳, 麵條爽口, 最緊要無梘水味, 鮮香嘅蝦子雪花蓋頂,雖然麵條較少, 但少食多知味, 我地都以狂風掃落葉嘅姿態清碟。 淨豬雜食完麵本來想走, 但見到餐牌上有豬雜賣, 響香港街邊牛雜就食得多,豬雜就好少見, 所以又忍唔住要叫一碟來share......嘩! 真係超正, 由於係白灼無落太多調味料, 所以食得出好有「豬」味,相信係材料新鮮關係, 無需多加調味已經好好食, 加上一碟包含多款內臟同豬紅, 口感豐富, 比起港式以濃醬遮掩雪藏味嘅牛雜, 真係不可同日而語。食完今次之後, 總覺得香港黃枝記分店比起澳門老店真係爭啲。…查看更多

同朋友們去到新世紀廣場搵食, 最終選擇了湘川滬, 裝修及門面唔錯, 可惜食物質素強差人意, 由餐前小食到餸及湯均淡而無味, 完全無晒上海菜濃油赤醬嘅神髓:(餐前小食花生: 無味, 唔鹹亦唔甜, 仲有小小油益味。醃篤鮮: 煲湯來到已見到有一層黃油浮面, 以為好香濃, 點知得個樣, 湯多料少, 見到十件八件 鹹肉在湯面飄浮, 唔知點解用鹹肉煲湯, 味道都可以咁淡, 一啲都唔鹹鮮雞絲拌粉皮: 味道算正常, 芝麻醬帶有花生碎, 幾香, 但粉皮較厚及偏大塊, 影響口感。鎮江肴肉: 賣相及味道不俗。榨菜肉末: 用榨菜炒肉碎, 應該較濃味及帶鹹, 配叉子燒餅一流, 但唔知點解個廚師一樣可以 整到無晒榨菜味, 見其形而不覺其味, 高人也叉子燒餅: 噢! 應該叫烘燶叉子燒餅, 六件裏面有四件係烘燶咗, 唔知仲以為呢個係非洲特色菜, 但都仲夠膽攞上枱比客食, 果然夠guts....(烘燶程度請參考附圖, 呢啲已經係我地 叫佢換過無咁燶ga la)干煸四季豆: 豆有豆味, 肉有肉味, 但兩樣味道係獨立嘅, 溝唔埋。菊花鱸魚球: 粉漿超厚, 但內裏小鱸魚球尚算嫩滑。這是我們第一次光顧這間食店, 相信亦會係最後一次, 但推薦這間餐廳予愛健康食品及口味清淡嘅朋友, 我地呢類愛傳統濃味京川滬菜嘅人, 都係返去幫襯金滿庭同滬江啱啲。…查看更多

同兩個best friends去澳門渡週末(2日1夜美食之旅), 立誓一定要日食七餐至罷休!其中一個friend話有人推介呢間越南餐廳比佢, 於是就去試吓啦, 講真食物質素算ok,但係以MOP40以上嘅價錢食一碗牛肉同豬手湯米, 就唔係幾值, 係澳門來講, 咁嘅價錢應該可以有更多選擇!嗰日中午食飯, 我地order 咗:-1. 蝦豬肉卷: 蝦幾大隻, 但略嫌香草味遮咗啲蝦同豬肉鮮味2. 豬手牛肉湯米: 雖然湯底不錯, 但得一舊豬手, 唔通豬手在越南係好矜貴嘅食材? :(3. 海鮮豬肉湯米: 都係嗰句..湯底清甜, 但幾片白烚豬肉無味:(4. 生牛肉湯米: 味道同牛肉份量ok, 算係三碗湯米當中最好:)5. 香茅花甲: 好重香茅味, 花甲都新鮮同大隻, 價錢當然係...........時價啦!6. 蝦醬炒通菜: 蝦醬落得少, 唔夠味, 似蒜蓉炒通菜多啲7. 另加三杯咸檸七類飲品 (每杯都要廿幾蚊MOP架)最後埋單, 三個人食咗MOP470多元, 是否物有所值真係見人見智, 但我地就唔會再去囉!…查看更多

期待已久的澳門美食之旅終於成行, 與好友們一起飲飲食食真係人生一大樂事出發前在OpenRice看到ESCADA的食評不錯, 決定試吓, 不過餐廳位於橫街較難找, 記住在新馬路郵政總局旁邊條石樓梯行上去就揾到餐廳由西式舊樓改建, 好有懷舊feel, 氣氛cozzy, 係朋友敍舊及情侶fine-dining的好地方因為係香港好難食到地道葡國菜, 雖然得三個人都叫咗好多菜試:-1. 蘋果吞拿魚醬沙律.....蘋果新鮮, 點吞拿魚醬, 味道清新, 如果拿魚醬有多啲魚肉更好:)2. 炸蝦餅.....份量細, 得三件, 但蝦膠好彈牙, 食得出無溝粉:)3. 葡式燒乳豬......乳豬皮好香脆, 唔肥, 仲有大量炸薯條伴碟, 不錯:)4. 鹽燒沙甸魚配青椒沙律.....有四大條, 原條燒好有魚味, 不過碎骨極多,食時要小心:)5. 焗鴨飯.....飯帶橙色, 睇落似西炒飯, 看似平平無奇, 原來飯裏面已撈埋鴨肉絲一齊焗, 飯有肉香, 好好味:)6. 記得試吓餐前送既mini 硬豬仔包, 樣子好cute, 熱辣辣, 加埋牛油, 正:) ! Waiter見我地咁欣賞, 仲問我地要唔要encore, 我地梗係要啦, 不過埋單先知, 原來encore 係要付出代價嘅總括而言, 呢間餐廳嘅食物質素平均, so far 所點嘅食物亦無令我地失望, 不過碟頭真係細咗啲, 男仔去食真係要叫多幾碟, 女仔就ok啦....唔知關唔關我地大食事呢?…查看更多