喵Miu's Profile

絕對同意服務好差，開始時我見門口有個晚餐大牌見到都啱食，所以入去，入到去見到冇晚餐menu, 問個女職員係咪有晚餐，個女職員答：冇喎，我問咁點解門口有個晚餐牌，佢答我：我唔知喎，跟住即刻走開左。算，諗住睇下仲有其他咩野食，我6點45坐低，已經有好多野食已經售罄，是什麼情况?最後我冇幫襯到走左。間餐廳睇落去新同靚，但Services極差，唔會再有下次。…Read More

諗住同朋友搵間餐廳食，冇限時又好似坐得幾舒服，就決定揀呢間了果然唔多人，又坐得幾舒服，但食物質素就真係好麻麻，先講杯野飲，冇冰仲要暖冇乜味，真係好難飲，咁熱天時諗住飲杯凍飲，結果.......跟著到個意粉又勁咸，咸到我地不停飲水，味精勁重，食左少少已經咸到唔想食，到另一個意粉見賣相不錯，諗住應該會好D, 結果是勁乾，食落仲好硬咁，食左2啖就放棄了。比較好食d既應該係個黑松露薯條，都叫做熱同個醬正常，不過最後我地冇乜點食就走左，唔會再有下次，唔怪得之假期前夕都唔full, 食野又冇限時，大家都明架啦，係算平既，但質素就，之後我地唯有去第2度食過…Read More

見到新開張，又未試過，經過見到好多人等，環境亦不錯，就試一下了，等左1個鐘終於有位。裏面環境OK, 食物選擇唔算多，叫了壽司發覺塊紫菜勁淋，好似放左好耐漏哂氣咁，好耐冇試過咁煙韌既紫菜🤨到了最期待想食既海膽到了，水汪汪的海膽，第一下覺得又係放左好耐出哂水咁，真係唔敢食，即刻叫侍應換過碟，或者取消呢碟唔要了。最後侍應換過另一碟給我。服務是正常的，沒有特別好或差。其他食品都好一般，甜品個心太軟，同朱古力蛋糕沒有什麼分別，焦糖奶凍是全餐最好味的食物，壽司郎既食物質素，選擇亦較多，性價比高，呢間? 試一次就夠，失望😔😔…Read More

觀塘駱駝漆大厦内有很多餐廳，而當中有很多亦是不錯的，今次和幾位朋友揀了Tasty Fabio, 裡面坐位不算太多，但勝在夠靜，夠舒適，很適合三五朋友喜歡靜靜的傾偈。我們點了三份晚餐，有沙律，餐湯，主菜，甜品及飲品，Roasted Canadian Pork Ribs, 味道很好，肉質亦很嫩，賣相亦不错，German Sausage Platter, 有不同類型的腸，加上配菜，味道亦很不错，有點像去了德國餐，我們差不多吃完。Oven Baked Seabass（爐魚）雖然我不大喜歡食魚，但朋友點了也不妨試試，竟然一點也不腥，肉質新鮮，味道亦很香，我也忍不住食多件。最後的甜品Panna Cotta 賣相已相當吸引，味道亦不太甜很適中，很香，十分喜歡。…Read More

今日第一次幫襯呢間食肆，見客人不是太多，坐位尚算舒適，於是入内一試。點了一份意粉餐和沙律餐，10分鐘後来了餐湯和飲品，再等20分鐘仍然未有食物到，追問下竟然說厨房電腦壞了，所有單無落到，要重頭入單，结果一共等了45分鐘沙律先到，件炸雞就差不多等了一小時。侍應表示每樣食物都即叫即煮，這點倒是真的，最欣賞是他的炸雞，外皮鬆脆而裏面肉質嫩滑，咬第一啖後裏面仍然出煙，熱騰騰的，真的好好味，基於因為我趕時間，否則一定叫多一件再食。沙律亦很新鮮，意粉配料醬汁亦很配合，若果不是太趕時間的話，下次可以再来。…Read More

第一次來這間餐廳，見comment不錯，所以來試試。餐廳没有booking 服務，我們唯有2:30來排隊等3:00的下午茶（tea）我們等到2:45, 服務員先安排我們入坐，可先看看餐牌，3:00先order食物。環境舒適。我們order 了一個下午茶set, 另外見厨櫃亦有多款cake，最後我們選擇多個La  Rose Cake, 下午茶set配了兩款特别的sauce，我特別喜歡他的自製草莓醬，好香好甜，又不太過甜，配起cake更可口，有他的獨特味道。另外不得不讚那個La Rose Cake, 以荔枝作底層，味道十分清新，上層的蛋糕亦很好味，外面紅色配搭埋上面的金薄，絕對稱得上色香味區全，下次一定要再試下其他cake.…Read More

早二天同朋友來食晚餐，環境不差，坐下後看看餐牌，打算叫牛扒配黑松露食，落單時侍應説今天牛扒唔靚，叫我地揀第二道菜，於是我再揀豬扒，佢又話豬扒都唔靚，提議我地揀魚，最後我地揀左魚，菜到時隻碟好大顯得塊魚超細，我想大約半隻手掌咁大，又冇乜配菜，食完好似冇食過咁，以一個差不多三百蚊既晚餐冇包飲品，的確有d 失望！:(…Read More