肥肥德's Profile

大埔嘅非齋舖素食選擇少之又少( ･᷄ὢ･᷅ )最近發現咗呢間手工意粉有蛋奶素嘅意粉/risotto 已經比起出面食到厭嘅黑松露意粉多個選擇我嗌咗忌廉芝士磨菇闊條麵+ 椰菜花湯+燕麥雪糕個湯好可愛咁畫咗店主隻狗仔嘅樣飲落有椰菜花嘅清甜(⁎⁍̴̛ᴗ⁍̴̛⁎)闊條麵仲要煮出Al dente 口感忌廉芝士香味濃郁 但又唔會好漏嗰種啱啱好媲美西環食過$200蚊一碟嘅質素餐廳唔多位 但都坐得舒服仲有老闆娘畫嘅狗仔/畫包圍住喺親民嘅小餐廳食高汁西餐嘅感覺值得encore嘅小店…Read More

由港島搬返入大西北，要搵高質素食難度大增，好彩有呢間一素店外賣，營養均衡又好味嘅選擇，而且可以揀嘅種類好多，冇傳統齋舖咁油膩，食完好清爽冇負擔(⁎⁍̴̛ᴗ⁍̴̛⁎)單嗌一個飯份量對一個（細胃）女仔有啲多，但好彩我搵多兩個人share可以樣樣試啲～最愛香樁松子炒飯+金菇卷松子如圖落得好多，每啖都有松子加其他蔬菜，配埋香樁醬獨特嘅鹹香，啲飯擺咗陣又仲feel到個鑊氣同粒粒分明，實在搵唔到挑剔嘅地方🥹金菇卷：茄子包住嘅金菇卷加照燒汁，卡滋卡滋嘅口感～…Read More

今日路過見冇人諗住試食下，俾個職員老點亂排隊，排錯點我搵個唔識落餐嘅職員點餐，搞完一大輪慢半拍落單都算，冇人問我個餐跟乜飲，出餐都等左一陣， 個職員都係遊魂咁唔知做乜行黎行去同冇幫到我地落野飲，叫左個豬扒蕎麥飯+洋蔥汁，超級鹹，啲菜好似餸頭餸尾咁乜菜都執啲，豬扒就普通素料；雖然佢寫自己係vegan但多數啲素扒都有機會有蛋奶⋯最後食左小半盒就成盒dum咗，唔怪之得冇咩人食，仲要原來係藍店，唔會再幫襯！…Read More

見到有新開嘅舖頭又有素食餐牌就碌左去試～我食蛋奶素叫左個有大啡菇南瓜意大利飯，另一半就食蒜片海蝦意粉（非素食），驚唔夠飽嗌多左個薯條～相比區內其他素食餐點價錢相對可以接受，味道都好對得住個價錢～而且環境幾闊落幾好坐大啡菇南瓜意大利飯：一般意大利飯好多時得堆醬好容易食膩，但呢個有啲蔬菜碎平衡返～細食如我可以繼續食落去～不過食到最後先知另外有素食餐牌點，下次再試下其他～蒜片海蝦意粉：偏辣，另一半食得好滋味我係平日lunch時間去食，可能新開未好多人知～之後應該會變做飯堂…Read More