nicthereal0811's Profile

突然想食鐵板燒，但見出面閑閑地都要成千幾起跳。上網搵搵下見到尖沙咀呢到價錢都幾抵，就book左個lunch 黎試下佢。餐廳裏面嘅環境都幾舒適，仲有日本清酒可以叫。下次一定要同啲friend嚟一定要試吓佢。 咁自己就叫咗一個lunch set （澳洲龍蝦配美國Prime 肉眼薄燒既午市套餐）1. 煙燻雞肉、明太子沙律、胡麻醬豆腐-唔錯既開胃小菜，特別個沙律幾refreshing，令到你更加期待之後嘅嘢食🤤2.茶碗蒸-好香黑松露味，配上鰹魚湯，好鮮甜好好味😋3. 澳洲龍蝦- 師傅燒到啲龍蝦爽口彈牙，因為佢燒嗰陣時會放一張竹葉以防overcooked ，加上用龍蝦膏製成的醬汁，一個字「爽」！4. 美國Prime肉眼薄燒卷配燒日本野菜美國Prime肉眼薄燒卷，配埋啲燒日本蔬菜，不會太油膩～ 而且擺盤都好靚，唔錯唔錯😌5.櫻花蝦炒飯師傅將木魚、白飯魚、櫻花蝦、酸梅炒埋一齊炒飯加左酸梅之後好特別，酸酸味味咁但如果你覺得太酸呢，都可以加鰹魚湯比你當作茶漬飯咁食。6. 龍蝦麵豉湯食完嘅龍蝦既殼，師傅亦會攞嚟熬湯7. 甜品：焦糖多士另加咗一個焦糖多士啦，甜甜地好香口好脆, 同埋個擺盤都好IGable😂…Read More

係東涌outlet 行街shopping 完之後，突然之間想食下中菜，咁發現羲和小館有個$138 lunch set，就入左黎試一試。首先，整體黎講，餐廳環境乾淨，內部的裝潢就比較現代中國風。座位寛闊舒適，擺埋買到既戰利品，都唔會覺得迫👍。咁叫左個$138 lunch set，因為都幾抵食😝咁前菜就有呢個蜜汁脆芋絲，脆芋絲外皮金黃酥脆，加上蜜汁嘅調味令都幾開胃。到湯既部分，湯嘅口感滑嫩，濃郁，充滿海鮮嘅鮮味。湯入面嘅海鮮成分好豐富，幾足料。最後就係呢道櫻花蝦炒飯，炒飯炒得色香味滿溢！份量好足夠，非常適合同家人或者朋友一齊分享。另外，試左羲和既紅燒煙燻乳鴿同青梅小排骨。，都值得一試！先講紅燒煙燻乳鴿，乳鴿經過煙燻之後，肉質更加鮮嫩多汁。紅燒嘅調味使得乳鴿肉質入味，每一口好正👅同埋個青梅小排骨都幾令人驚艷！肉質鮮嫩多汁，同青梅嘅酸甜味道搭配得好平衡。青梅嘅酸味中和排骨嘅油膩感，令人食極唔停🤣…Read More

最近放假同屋企人去尖沙咀尚苑飲茶。 餐廳嘅地方都幾方便，就喺尖東嘅位置 。而餐廳入面環境舒適，侍應嘅服務都幾周到，而且佢嘅點心都幾抵讚！ 1. 上海生煎包：生煎包好好味啊！外皮金黃酥脆，一口咬下去，裡面嘅湯汁就會流出來，好滋味！2. 鍋貼：鍋貼係我最愛嘅小吃之一！呢款鍋貼皮薄餡多，煎到底部金黃酥脆，好香好脆！入口之後，可以食到裡面嘅肉餡嘅鮮美，真係令人停唔到口3. 紅油抄手：抄手皮薄餡多，餡料入口即化，加上香辣嘅紅油同特製醬汁，味道好濃郁好開胃。4. $1人蔘湯鮮蝦餃：$1咁平，真係超值！鮮蝦餃好鮮甜好多汁，配上滋補嘅人蔘湯，味道清爽又開胃。5. 黑金流沙奶皇包：一咬落去，裡面有濃郁嘅流沙奶黃就會流出嚟，鍾意食奶皇包嘅人一定要試6. 田園甘筍鹹水角：呢款鹹水角外表打扮成甘筍咁嘅樣，真係幾得意。鹹水角嘅外皮酥脆，內裡嘅餡料鮮美多汁，每一口都好滿足！7. 小籠包：皮薄肉嫩，入口即化。每一個小籠包都有濃郁嘅肉汁，加上特製嘅醬料，更加美味。如果去尖沙咀飲茶，真係一定要試下！…Read More

今日趁長假期去食餐好D咁就黎左天后一棟好多餐廳的大廈一到左餐廳樓層就好有寧靜庭院的感覺我地點左個 $628的套餐首先第一道菜係茶碗蒸心思之處就係面頭係魷魚乾，而蛋入面就係熟魷魚仲有我最鍾意食嘅菇下道前菜就係 富山縣螢光魷魚刺身配上薑蓉和豉油 看似中式食法，但食落去味道好配合之後係九州佐賀蠔蠔身飽滿有 volume柚子汁 jelly 就做到調味的作用而赤貝都唔洗多講，爽口接落黎就係安康魚肝明太子混合後一齊蒸熟，感覺 creamy 然後就係天婦羅三拼分別有舞茸菇、蝦同埋秋葵份量真係唔少炸槳落左鹽，好有心思之後就到壽司時間首先係骨膠原雕壽司師傅聲稱係𩶘魚以骨膠原餵食口感一流然後就係墨魚壽司+竹炭鹽切碎左，黏口同好有鹽鮮味深海池魚壽司中拖羅無乜筋肥美，油香，厚滑右口魚，唔係左口魚🤣三層分別用左三個型態鰭、肝醬同魚肉刺身豐富層次同埋口感完全係三個唔同感覺之後就係右口魚手卷充滿油香跟住就到海膽飯分別白海膽（前）+馬糞海膽（後）我鍾意馬糞海膽，較鮮甜蔥拖羅卷本身以為就咁係拖羅魚蓉+飯點知仲加左日本蘿蔔+天婦羅炸漿令到無咁肥膩然後就係焗蛋師傅話用左湖北+日本蛋焗45 分鐘，入口都好滑最後就係麵豉湯同甜品-芝麻雪糕今餐份量真係喜出望外而食物質素都唔會渣流灘CP 值超高值得再黎幫襯！…Read More

Jagger有分開室外同室內位置，今次同朋友黎食就坐左餐廳入面。餐廳環境舒適，佈置雅緻，清潔衛生，用餐舒服既！而且野食都幾高質( ´▽｀) 1. 炭燒牛柳配黑松露蘑菇醬：超級好吃！叫左5成熟，肉質嫩嫩的，咬下去多汁多汁的，再配上黑松露蘑菇醬，味道超濃郁，真係好搭配！口感層次豐富，超級推薦！👍👍👍2. 煙肉芝士忌廉三色螺絲粉：我地轉左意粉，意粉軟硬適中，醬汁好濃郁。入面有勁多bacon同洋蔥，增加了好多口感和香味！👅👅3. 心太軟：外面酥酥脆脆的，一咬裡面就溶化了！每一啖都係濃濃的巧克力味道，好食！😹4. 意式蒜香牛油汁配藍青口及蜆：牛油汁帶著濃濃的蒜香味，搭配新鮮的藍青口和蜆。仲有蒜蓉包，可以配埋啲汁食。唔錯唔錯🤤…Read More

今日去左鮨石黎試下omakase地點好方便就腳，行完街就可以行過黎食一入到黎餐廳，裝修好有日式庭園感覺，感受到一片寧靜，無左鬧市嘅繁囂。唔好講咁多，即刻就揀左一個名為iwa的午市set。首先上嘅就係頭盤，係愛媛縣蕃茄同海草，再加上淡雪鹽，確實好開到胃口。接住落黎就係茶碗蒸。師傅喺我地入到黎就已經開始蒸㗎啦，賣相好似同普通茶碗蒸差不多，最特別嘅係食落去入面有好滑嘅魚肉，營養度一流！之後就日本明蝦，以砂煲奉上，並配以蘿蔔同柚子汁，有溫暖的感覺。終於黎到左壽司的部分。總共有十件，廚師都好用心推介，喺切之前都 show up 一次所有魚生，好吸引。金目鯛 - 作為第一道，味道唔會太重，溫度適中，飯粒均勻赤貝 - 師傅奉上前先拍打魚生，令到佢收縮同更加爽脆，加埋檸檬汁同海鹽，更加深刻。池魚 - 食材新鮮之餘，加左蔥同紫蘇葉令到唔會太膩。石湖雕配海膽 - 經典之配搭，好夾冲繩車海老 - 初頭以為係普通熟蝦，點知原來食落去係半生熟，鮮甜得黎，又彈牙大拖羅 - 我最愛的其中一款，口感真係難以形容。而食落去少少酸酸地，師傅話，呢個係自帶氨基酸，唔油膩。拖羅卷 - 小小一啖，配以紫蘇葉，剛剛好腦天 - 呢個詞係解額頭位，食落去同拖羅的感覺更唔同，真係做到入口即溶嘅感覺！不過唔知係呢個部位特色定點，係食到有少少筋的。灸燒左口魚 - 始終食左咁多件，味蕾都有D遲鈍，呢一道溫度比較暖，同鹹香來得剛好！海膽飯 - 亦都絕不欺場，海膽鮮甜剛好配搭好每一飯粒。值得一讚的係呢度所有壽司飯量都好少，適合唔需要攝取太多碳水的朋友。最後當然就以經典的吸物同哈密瓜作結。用左八分一楷，好重本啊！而家打返呢篇食評，都想再去食多次😋😋…Read More

假期當然要捐窿捐罅搵好野食，今次黎到太和唔食熟食市場，試試馬拉菜小店—果子！幾時食Lunch set都係最抵，加埋野飲🍹同小食🍢都唔肉痛！無骨海南雞+油飯+熱latte 海南雞係雞胸部位，雖然食雞髀先正，但而家大家崇尚健康，而且雞胸都做到好滑。可以免費轉油飯，比較乾身但我中意。餐廳latte本身都冇乜預期，但居然加咗2隻貓耳拉花，有誠意！肉骨茶飯+凍檸檬薏米水個肉骨茶湯底冇坊間咁重藥材味，不過反而啱我口味！材料豐富：一字骨、雞蛋、豆卜，好養生🤣檸檬薏米水就比較普通啦🙈小食：沙嗲雞肉串燒$20必嗌！醃得好好味，雞肉鮮甜～香辣魚餅$15比較重香茅味同袖珍🤣都唔錯！唔錯！可以再encore☺️…Read More

喺ig見到呢間cafe，試過一次就愛上了😍每次過黎上環上堂都一定會黎～💓Shakshuka $88黎第3次先試到！呢個北非菜係呢度既名物，果然唔錯，連我唔中意食番茄🍅都覺得好好味！酸種包點上poached egg + 番茄，少少辣～正！💓最愛呢個香烤雞肉沙律 $108雞肉用啤酒醃過，烤得好香，但又唔會好焦沙律有牛油果、鷹嘴豆、開心果、各種沙律菜，個truffle dressing昇華哂成個dish😍💓最最愛呢個scone!!! $50/2我覺得好食過酒店high tea既scone!! 好香牛油味，配上clotted cream簡直perfecto🫶🏻下次再黎試試佢既甜品🥳…Read More

呢間牧羊少年新cafe開左一段時間，今次終於有機會一試喇！不同於其他分店，呢間好似行比較高檔既路線，座落文化中心入面，成間餐廳好似融入其中，裝修又精緻，坐得好舒服～Beetroot cured salmon, burrata cheese, tomato & grape $158完全無法抗拒burrata cheese，擺盤好靚😍第一次見咁樣既三文魚，用紅菜頭漬醃～好特別💓避風塘單骨雞翼 $98香口～貼心既店員拎埋隻碟比我地裝骨～加分🫶🏻水牛芝士雞胸青醬貓耳朵 $148唔小心嗌錯左青醬，但錯有錯著好好味！原來仲有水牛芝士好驚喜，口感再豐富左！份量都幾多，2個女仔食都食唔哂🙈西瓜士多啤梨奶配仙草 $52好特別既配搭，配上仙草好台式feel💓見佢地不時有啲文化活動，大家可以多多支持🫶🏻…Read More

好耐無同屋企人食飲茶喇，經開尖咀見到呢間點心店，價錢ok又多人食，就坐低嘆返2件了。原來呢間餐廳由前米芝連師傅打理，唔怪得咁多人黎食啦。雖然標榜米芝連師傅，但價錢堅平民，廿幾三十蚊一碟，尖沙咀黎講非常ok！1. 紅燒乳鴿 $52太耐無食過喇！必嗌！炸得岩岩好，唔會太燶，香口好食！2. 古法馬拉糕 $29一上碟漲卜卜，賣相好好👍🏼 應該用上左黑糖，同出面食既有啲唔同，但好食！3. 小籠包 $33皮薄多汁，湯鮮甜，抵食呀！4. 叉燒腸粉 $29滑捋捋既腸粉，叉燒入味👍🏼5. 魷魚鬚 $58 炸得好香口，但略嫌唔太夠味6. 鮮竹卷 $30 蝦鮮皮脆，點埋喼汁一流7. 香芒大蝦脆脆卷 $30 第一次試呢款點心，可惜咬嗰舊無芒果🫢…Read More

Weekend同屋企人食返餐好既～未有得去日本既日子留喺香港都可以好chill🍻Enso裝修日式骨緻，好舒服～啲餐具都好和風！I like it💓野食都好好味！最重要屋企人都話好岩食！👍🏼👍🏼蒲燒鰻魚伴玉子燒配鰹魚湯烏冬 $108鰻魚燒得火喉岩岩好，皮焦脆，魚好有油香，啲汁甜甜地正！🐟真花魚一夜干$108非常中意食魚既我又再order魚🤣比起鰻魚，真花魚脂肪唔多，肉質細緻。配上檸檬汁更顯鮮甜！再order好多小食😋每樣價錢都比較經濟實惠，嗌多幾樣都冇咁肉赤。🐮厚切牛舌芯串$68🐖豚腩串$48黎居酒屋必點牛舌！我覺得睇餐廳整牛舌既功架就睇得出佢整體食物水平，Enso整得唔錯！厚切得黎入面肉質係嫩滑唔韌多汁！豚腩串油脂豐富，微焦香口！送野飲一流！🐤柚子胡椒雞軟骨$68柚子味好開胃！nice one! 🐔芝麻雞翼$58炸得好香脆，岩哂中意香口野既我💛🍤吉列炸蝦$52有5條，蝦肉新鮮，配沙律醬冇咁油膩！開心發掘到呢間小店！屋企人又食得開心🥳大推🫶🏻…Read More

今次黎到利舞臺18樓既韓式炸雞餐廳dodam chicken 。餐廳風格少少似西餐廳，主要是黑色配搭木既色調，而座位都幾闊落，營造一個幾舒服既用餐環境。當日就叫左3個餸加1杯野飲1. 韓式魚片湯先黎既係魚片湯，清清地但好入味，而且料都好豐富👍👍 2. Yuzu yogurt smoothie 當然要叫杯野開下胃，smoothie大大杯，係夏日炎炎之下十分解渴。而且食住炸雞炸芝士，柚子就十分解膩啦XD 3. 烤芝士豬肋骨Ok啦，芝士多到拉到絲，但係豬肋骨有啲焗過龍，少少乾。4. 蜂蜜牛油炸雞今次既主角炸雞，炸雞炸得好嫩滑，配上蜂蜜牛油，簡直冇得嘆。但建議大家點無骨炸雞食落更加啖啖肉👅最後，都要讚下上菜速度，唔洗等太耐就有得食。下次要再黎試下佢既水冷麵^o^…Read More

忙完成個星期，星期五收工想食下串燒，飲下酒，輕鬆下，就黎到尖沙咀厚福街呢間大樹燒烤。環境乾淨坐得舒服，而每枱都有燒熱爐可保暖串燒，幾細心，唔怕吹水期間令到啲野食凍哂。重點推介以下野食：1.       七味雞泡魚乾 ($43) 唔會燒得太乾，用黎送酒一流!2.       鮮烤白鱔($48)，外表金黃色，魚皮烤過後好焦脆，肉厚又嫩，搞到我地再encore3.       即開即燒生蠔($70)，生蠔比想像中大隻，好鮮甜好juicy，大力推介可以一試4.       大大大茄子($38)，大過塊面既燒茄子，大量蒜蓉鋪面，茄子肉厚，多汁正。5.       薄切照燒牛舌($38)，燒得剛剛好，保留到肉汁之餘，仲好香嘅牛味。6.       手切肥牛串($18) 啖啖烤過嘅牛香加埋嫩肉仲有叫其他串燒／炸物，都幾高質，而且可以再按自己口味加辣，有別於出面其他的串燒店，要比個like先得!…Read More

今次朋友生日，就帶左佢食山林道-銀座13樓既呢間樓上西餐廳Deep Sea Oyster & Steak慶祝。首先，餐廳環境舒適寧靜，都幾適合同朋友敘舊／慶祝生日。咁我地就單點左幾道菜:1.松露烤薯條 $88-薯條個portion好大，而松露醬嗰味好出，最岩就係傾住計食住薯條等其他野食XD2.燒牛舌心串$58-第二樣黎既係牛舌芯，比一般出面食既厚，而且肉汁都豐富，鐘意食牛舌的人可以一試!!👍👍👍3.松露蟹膏意粉 $138-意粉al dente既, 配埋啲蟹膏又幾易入口4.美國安格斯肉眼 $298-我地叫左Medium-rare，牛排粉嫩，口感腍身，而牛肉味濃，配上烤蔬菜(翠玉瓜和蘿蔔）和薯角，讚👅👅👅5.朱古力慕絲蛋糕 $38-女店主好細心幫我地加左蠟燭同即場寫左名👍👍-而蛋糕朱古力味好濃，但又唔會死甜，壽星公話係佢今年最好食的生日蛋糕 ps好快比佢食哂Haha！！最後，食得好飽，壽星公都非常滿足！！ 經開山林道既你不妨上黎試下佢XD…Read More

呢間pokebowl之前喺D2 place已經試過，可惜嗰時唔識欣賞，今次黎到石門要搵健康野食就即刻spot out左佢了！Protein可選二：簡左 tandoori雞胸、泰式青檸熟蝦配菜：和風配菜，有烤南瓜、玉子燒、炸豆腐、四季豆、毛豆Base：黃薑椰菜花+糙米飯中意佢既protein好多選擇，唔係只得慢煮雞胸/三文魚/吞拿魚etc…而配菜咩都有，滿足貪心人士！第一次試椰菜花飯，可能配左黃薑味，我麻麻地中意，好在仲有一半糙米飯🥹$90性價比算高，可以encore！…Read More