eat_ho_d的個人專頁

見到多個平台宣傳，港島$500人均 omakase,有彩羽太卷，就去試下首先，而家係2024年11月，menu 已經要加120每人先可以食到彩羽太拳，係每人$120….. $20都可以加，$120不了食唔到彩羽太卷，其他壽司水平水準偏差，食到魚肉部份好多時都有冰冷感覺，融雪解凍未做得好，啲壽司調味好古怪，一係好鹹，一係冇味再說服務，壽司師傅係零溝通，零講解。只可以講係貴價壽司郎，但係壽司郎好食啲。而家食完都有少少腸胃炎感覺。最後，甜品係冇刨冰我唔明點解會有100幾個開心，完全係大失所望，同網上好多KOL講嘅完全唔同，大家小心，救得一個得一個🙏🏻…查看更多

餐廳獲獎無數，當中包括 Bloomberg「全球最佳漢堡2020」、「亞洲50間最佳漢堡店」當中排行第十三位。質素自然有保證。海港城分店座位只有十幾個，排隊輪候無可避免，不過我初一12:00去食，唔洗等直入，Yeah🤪✌🏻——————————-Cheese Burger $98 麵包鬆軟，能夠輕易將Burger壓扁，一啖食晒所有材料。漢堡扒鬆軟多汁，醬汁少少辣，更能帶出肉味。芝士、青瓜、洋蔥、生菜味道突出而且清晰，口感豐富。不得不認同，真係好好味🤤果然係最佳漢堡店🥇Lemonade $38 Very fresh! 可以解除油膩感，夾Burger 一流！———————————-Honbo 價錢雖然唔平，但味道有驚喜，絕對值得去朝聖。特別係海港城分店，對住個海食Burger ，感覺So Chill 😎 新一年祝大家虎虎生威，日日有食神😋🥳🧧…查看更多

真韓國人主理既街頭小食餐廳！主打韓國熱狗🌭️ 即叫即整😍仲有好多韓式小食，風味十足。———————————-S1 熱狗拼盤組合 $120 組合包括兩款熱狗口味+ 年糕香腸串+芝士球（4粒）。熱狗即叫即炸，要等大約10分鐘。熱辣辣香噴噴，可以自己加額外醬汁🤤我就鍾意淨係加茄汁😝薯條鴛鴦芝腸熱狗棒 英文係All in one，咩材料都有。外層麵包夾雜薯條，一啖咬落去，好似成口薯條咁😂好滿足。熱狗頭半段係芝士餡，好香。去到後半段就係香腸🤤🤤有唔同層次。如果第一次食韓國熱狗，我會推薦食呢一款，一次過試哂各種材料。車打芝士熱狗棒同樣炸得香脆，雖然口感冇咁豐富，但係芝士味更濃同有成條香腸 年糕香腸串年糕煙韌不過香腸好辣🔥食得辣既可以挑戰下😂我食到流眼淚😂😂$120既組合幾抵食，芝士球當甜品，兩個人Share都會好飽🐷魷魚味魚糕棒 $25 魷魚形狀好吸引😍有粒粒魷魚粒好好味😋大推！阿里郎炒年糕 $35 次次食韓國嘢一定會Order 😂我當飯咁食！水蜜桃梳打 $18 ———————————————Arirang Hot Dog 味道正宗，真實還原韓國感覺。搞到我好掛住韓國啊😩幾時先可以去旅行呀🥲歡迎去我IG Follow 我，有更多美食分享🥰IG : Eat_Ho_D…查看更多

全部即叫即整，新鮮熱辣辣。三文治特登切開一半 ，可以睇到裏面豐富嘅材料，賣相好好，輕鬆打個靚卡。——————————————-勁芫荽餐肉滑蛋三文治 $32食材組合好有香港特色🤣午餐肉厚身煎香左，脆脆地，勁邪惡🤤。芫荽同滑蛋午餐肉味道好夾，好味！芉泥肉鬆三文治 $32滿滿嘅芉泥，仲食到有啲芋頭添。我最鍾意佢唔會太甜，反而真係食到芋頭嗰嗰味道。唔錯！椒鹽炸燒賣 $10/6粒炸得啱啱好，唔會太乾身。少少椒鹽唔會死鹹，$10 有6粒抵食！祛濕薏米水 /凍利賓納 +$7買三文治+$7可以加飲品。有涼茶（羅漢果、薏米水）選擇。唔會加入額外糖分，淡淡地清下熱👍🏻——————————————-一個三文治都幾飽肚，加埋飲品都唔過$40。製作認真又有咁多選擇，早午晚三餐、假日掃街都係好選擇😋…查看更多

上網見到佢有一個甜品叫「芝士忌廉拿破崙配士多啤梨」個樣似pancake，但其實係拿破崙，咁有創意，一心想去試吓🥲點知原來已經停咗好耐😞希望將來會出返荃灣分店裝修粉紅少女風，啱哂打卡。侍應服務細心，落單時會提醒甜品製作需時，見我食到咁上下，主動詢問可否現在為我準備，咁我就唔洗等食到啱啱出爐嘅甜品👍🏻———————————-意式蕃茄水牛芝士意粉配煎三文魚扒 $95 三文魚扒乾咗少少，不過都算厚身，皮煎得香脆，只有一條軟刺，都ok 。芝士份量唔係好多，唔係太食得出芝士味，反而個蕃茄汁做得幾好，酸酸地帶起返成個意粉。意粉份量多，軟硬適中，幾飽肚。厚焗鬆餅配宇洽金時 $60 鬆餅啱啱出爐暖粒粒，蛋味好香，外脆內軟，入口即溶，配雪糕食，一暖一凍，感覺好正 🤤宇治金時有紅豆、白玉、黑糖、綠茶雪糕多種配料，口感豐富。個鬆餅有成隻手掌咁大，強烈建議二人分享😂 諗起都想再食🤤好唔錯呀————————————HeSheEat 雖然已經有三間分店，但食物質素同服務都仲係keep得幾好。出品認真，尤其係甜品，絕對值得一試🤤…查看更多

出名價廉物美，主要做街坊生意。用餐環境、服務就唔可以要求太多。鍾意食佢個阿拉斯加長腳蟹，唔貴又大隻，一家人食飯慳水慳力。最近發現晚市多咗串燒選擇，價錢貼近全港最平，性價比十足——————————黑松露醬燒蟶子 $27/隻 蟶子大大隻厚肉，勁彈牙，少少黑松露醬唔會搶走蟶子鮮味，重點係只賣$27隻🤪出面起碼收你$50-60。抵到爆磯燒金錢鱔 $48 皮脆肉嫩，表面少少焦香，送酒一流🤤$48有4件，性價比極高北海道元貝皇 $53 帶子肉偏細，調味亦太重手，呢個麻麻哋皇阿瑪鮑魚雞煲 $148 一煲有四隻鮑魚，雞件味道正常分量足，可自選辣道，飽肚之選百威酒(600ml）$18.8 一個字：平🤣——————————-海港晚市餐牌選擇繁多，想平平哋飲下啤酒、食下海鮮串燒，係唔錯選擇🍻🥲估唔到今晚係最後一日有晚市，希望快D開返😔…查看更多

要去Oldish首先要喺上環地鐵站一路慢慢行上東街，一路暗斜，睇Google map 有D擔心，還好行下行下10分鐘左右就到，遠比想像中輕鬆🚶🏽週六12:30到，已經差唔多全場坐滿，好彩有Book位，被安排係2樓位置。餐廳裝修別樹一格，古英倫風，坐得都幾舒服，好啱打下卡，Chill 下，傾下計。隨意Order 左幾樣食物，質素都好好，超乎預期👏🏻———————————-Oldish Four Cheese Beef Burger $158出嚟個樣已經夠晒霸氣，輕鬆打個靚卡。四重芝士並唔係浪得虛明，淨係外層個個脆硬芝士當薯片咁食已經好正🤤其他芝士同burger完美融合，多重滋味多重享受。牛肉又厚，keep到粉嫩。仲有，原來個包係提子包，一咬落去有D提子乾甜甜地，芝士牛肉鹹鹹地，天呀！太完美😳😳😳呢個Burger掂呀！手工啤 $68 苦澀味較重，但香港本土出品，支持下。夾Burger 薯條都Ok既Seafood Risotto $168海鮮材料爽口彈牙，Risotto 軟硬適中配上蕃茄醬汁，酸酸地同海鮮好夾，Nice！Oldish Tiramisu $78口感似雪糕，面頭鋪滿可可粉，整到成個冬甩咁，方便客人食之前，係中間倒入一杯Espresso ，每一啖都有好濃嘅咖啡味，超水準之作。難怪每一台客人都有Order。—————————————-Oldish 嘅食物超級驚喜🤤點解可以咁好食！ 唔怪之得咁一早就Full House!…查看更多

餐廳Menu 由最邪惡嘅自暴自棄系列（炸豬扒雞胸魚餅炸蝦😈）到超級健康生酮系列（慢煮雞胸）都有。要放縱定要食得健康自由選擇。—————————————慢煮嫰雞胸柳+健康芋絲 （$35）+菜底送飲品（+$25）+多一份慢煮雞扒（+$20）慢煮雞胸非常健康，每日新鮮處理，滿滿蛋白質，正正係減脂時候所需要嘅。唔鞋嫩滑，另外有唔同醬汁選擇，食落冇咁寡。最鍾意佢個菜底，非常新鮮，爽脆有口感，而且一份菜底包含多種蔬菜，青瓜、西蘭花、白西蘭花、節瓜、蘿蔔，豐富營養，食得出餐廳好有心思。作為一個健康餐係唔錯嘅選擇，份量起碼多過出邊啲雞胸沙律好多，飽肚又健康。如果驚唔夠飽，可以學我咁加多一份慢煮雞胸（+$20）分量多到懷疑人生😆咁就可以飽住瘦！—————————————-以健康減肥餐來講，呢個價錢呢個質素，絕對係外食好選擇。除咗健康餐，之前試過餐廳嘅自暴自棄系列😈 同樣好掂😆所以每次點餐，都要好好抵抗誘惑🤣祝大家新一年越食越瘦🥳日日有食神🤤…查看更多

聖誕節夜晚去咗食炸串😝咁啱餐廳做緊活動，所有酒精飲品買一送一🤩Lucky! 飲品有比較少有既日本番薯燒酎($65）😍酒精濃度高，幾烈下，但入口好純，夾串燒炸串幾正。因為張枱好細，所以食物分咗幾round order.———————————-前菜炸雞軟骨 $48 鮟鱇魚肝 $78 炸雞軟骨份量多。鮟鱇魚肝味濃，大愛😍串燒雖然只有六款選擇。但勝在貴精不貴多，全部都幾好食。鹽燒厚牛舌 $68 雞頸肉 $32 雞心 $32 雞皮 $32 特別係個牛舌，好厚。雞頸肉滑，雞心濃，雞皮脆，唔錯唔錯。最後梗係試下主打嘅炸串啦。炸串有水準，一D都唔油，可以配餐廳自家製嘅酸汁。或者間中可以食下生菜解膩。帶子三文魚子 $58 紫蘇芝士荷蘭豚肉卷 $42 蔥荷蘭豚肉卷 $42 安格斯牛西冷$58 水牛芝士 $38 日本鯡魚子昆布 $58 其中帶子三文魚子同日本鯡魚子昆布係我覺得最好食。帶子仲保持到幼滑，三文魚子新鮮。賣相好靚。鯡魚子個質感好特別，好似食緊爆炸糖咁，一粒粒爆開，口感好正。其他炸串都做得好好，外表香脆，裏面不失色食材原味。最後食埋個蕎麥麵（$58）就飽飽LU 。————————————Mo Mo Kushiage無論係食物同飲品都幾有特色，真實還原日本小酒館感覺。特別係炸串，好食唔油膩。未食過可以試吓。餐廳優點✅位置方便✅唔難book位（OpenRice可Book)✅侍應熱情服務餐廳缺點❌有時要等好耐部電梯先上到去❌張枱真係太細，用餐位置不足❌用餐環境狹窄，好難影到張靚既食物相🥲打卡困難…查看更多

中環蘭桂坊新開摩登地中海西班牙菜，裝修優雅富現代感，非常IGable。餐牌選擇繁多，想大吃一餐又得，想叫 Tapas 飲返杯chill 下亦得。——————————Southern Seas $168 帶子刺身配搭牛油果溶，帶子肉質鮮甜，好開胃。Bikini Sobrasada $56（半份)幾有驚喜嘅菜式，多士沾上糖漿煎到金黃色，包住滿滿芝士，外面甜裏面鹹🤤真係冇得頂。侍應見我哋兩個人食，主動話幫我哋做半份，細心。Pulpo a la Gallega $178 切片嘅八爪魚配薯仔沙律，八爪魚彈牙，冇overcook，不過如果佢唔切片，原條上，打卡會靚啲Suckling Pig $268 餐廳嘅Signature 菜式，乳豬皮脆肉嫩，食落味道似脆皮嘅麥當勞豬柳漢堡🤣用嚟送酒都OK既Lobster a-la Louie $458 龍蝦拆晒骨，食既時候好方便，打卡賣相一流。size 正常，整體唔錯，肉略嫌乾身，不過$458都算係咁Quiero Más Sangria (Tinto) $68 Quiero Más Sangria (Blanco/Cava) $68 Thyme is Always Now $78 食西班牙菜一定要飲Sangria 😂 我個人鍾意飲紅酒Sangria多D，白酒Sangria好甜。Cocktail-Thyme is always now 甜甜地有啲薑味，調得幾好星期六7點前都仲有happy hour 價，開心！———————————食完飯咪走住，佢仲有個天台酒吧，萬家燈火半山景，環境浪漫，可以轉場上去坐下談談心👩‍❤️‍💋‍👨so romantic 😍雖然味道、性價比中規中矩，但勝在用餐環境浪漫舒適，地中海西班牙菜比較特別，都係拍拖約會好地方。…查看更多

今年<<拉麵來>>係尖沙咀開咗新分店，裝修昭和時代復古日本風，頗為特別。座位比一般拉麵店寬敞。尖沙咀店主打牛尾湯底同海老湯底。午市有Lunch set ，$92起有拉麵、小食、飲品。——————————-海老吟釀拉麵配牛舌包飲品 $104以日本白蝦頭、蝦味噌同日本清酒烹調，蝦味濃郁，比較杰身，成碗蕃茄湯咁。既能保持拉麵熱度，亦令麵條更掛汁，每一口拉麵都有蝦味，味道唔錯。配料較為失望，只有三隻蝦，蝦帶殼，食起嚟唔係咁方便。霉霉地亦偏細，比較普通。小食牛舌同樣一般，牛舌偏向淋身，欠缺回彈口感。———————————-成個Lunch Set 唯一亮點係湯底。但話哂都成$100，冇紫菜又冇溫泉蛋，實在性價比不高。難怪中午午市客人亦不多。…查看更多

原來而家傷心酸辣粉出左雞煲/烤魚放題，最平$79 有多種口味選擇，有辣有唔辣。2個人起可以試一款，4個人可以食2款添。今次試左烤魚火鍋，特別D、唔係成日食到😌$79咁平，估唔到質素有驚喜❗️———————————老壇酸菜味烤魚（唔辣）條魚比想像中大條，魚皮煎得香脆，魚肉厚身好滑，最緊要係冇骨，可以大啖大啖咁食，正！配搭下酸菜一齊食，好味！外面仲有好多火鍋配料任食🤪雖然質素同平時火鍋放題差唔多，但又有蝦又有肥牛，幾有誠意，冇因為價錢hea你。我仲煮左個麵，勁吸汁🤤酸酸地，忍唔住又食晒😂食到勁飽。最後，飲品都係任飲…仲包埋啤酒😨吓…. 回本0難度…抵到難以想像。講真，平時去食米線、車仔麵叫多兩個餸連嘢飲都$79蚊啦。價錢$79/位 -18:00前離開座位食90分鐘，18:00後就$99/位，不過可以食120分鐘。都係唔過$100😈 ————————————-我諗全香港最抵食、又好味既烤魚應該就係佢啦掛🤣…查看更多

最近天氣轉冷，就開始掛住喺韓國去旅行食炸雞飲米酒嘅日子🥲 餐廳地點方便，銅鑼灣站C出口一行出來就到。主打由韓國人主理，味道正宗！環境韓風🇰🇷播住K-Pop，So Chill 。另設有特色自修室位，私隱度高，啱哂情侶可以坐close D 👩‍❤️‍👨本身想叫醬油蟹🥲可惜冇貨————————🐷豬腳 $290 Oppa 店員熱情推介！ 上枱呆咗😨咁大碟既😂明明Menu張圖冇咁多嫁，2個人點食呀😂😂隻豬腳已經切好咗，食既時候好方便。好大份，絕對足夠四個人Share。想食肥D , 豬皮嘅位置又得，食瘦D ，淨瘦肉又得。我鐘意食肥少少個位，好多骨膠原，煙煙韌韌，真係好正🤤本身已經包埋生菜、泡菜、酸蘿蔔、韓式辣醬仲可以整生菜包食🥰開心！一大班人食必點！🐔蜂蜜黃油無骨炸雞 （半份$130)半份炸雞都有6件，2個人食啱啱好。炸雞炸得好好，唔會好厚粉。一啖咬落去有少少辣，肉厚多汁，唔覺油膩，出色！有兩種醬汁同酸蘿蔔包埋，我最鍾意蜜糖芥末醬🤤味道再昇華。🦑原隻炸魷魚海鮮炸醬麵原隻炸魷魚打卡好靚！店員好細心，話等我哋影完相，先幫我哋剪開隻魷魚💁🏼‍♀️海鮮仲有其他配料，蝦、蜆、青口，都幾豐富。麵條煙韌掛汁，醬汁甜甜地，唔錯。————————————-Bingo &cook 菜式份量偏大份，人均$200-300都食到飽哂，位置方便，坐得舒服，好食又抵食，絕對係成班Friend gather 好地方，Cheers🥂…查看更多

先講座位，都坐得幾迫下，當自己去茶餐廳食飯嘅心態就差唔多。———————————-慢煮頂級牛肉成丼 （200g) $98佢用嘅碗係好平身，凸顯出成個飯，打卡好靚📷肉量好多，感覺澎湃，係食肉獸嘅好選擇。生雞蛋，醬汁調味做得唔錯。牛肉雖然不是入口即溶，但也沒有筋，$98 有這個質素，算係幾好。整體牛肉生熟程度大約3成，唔食得太生嘅朋友要注意⚠️歡迎去我IG Follow 我，有更多美食分享🥰IG : Eat_Ho_D…查看更多

Bookmark左好耐嘅黃店💛餐廳周圍都係創作壁畫，裝修、餐牌設計、菜名都玩味十足，極具創意。座位亦算寬躺，價錢唔貴提供多種中西快餐美食。————————————-巨無罅 Big Gap 配薯條汽水 $48 惡搞著名快餐店嘅巨無霸漢堡，味道賣樣有九成似。不過食落有啲失望。最鍾意食巨無霸嘅青瓜，不過巨無罅個青瓜好細塊，酸味唔突出。醬汁千島醬太多，影響口感。漢堡扒偏油，D油多到流埋落個盒到…. 感覺油膩🥲唔係話難食嘅，但真心真係可以做好啲薯條味道正常，但份量相對偏少。—————————————我明白餐廳嘅理念係想大家唔食藍店都可以食返習慣嘅味道，亦欣賞餐廳嘅創意。不過餐廳最核心嘅價值係提供美味嘅食物。如果只係惡搞模仿，只會係噱頭。點解唔做好少少去超越佢呢。香港人，爭氣啊！歡迎去我IG Follow 我，有更多美食分享🥰IG : Eat_Ho_D…查看更多