PETERYING9681's Profile

疫情期間，飯聚令的約束之下，已很久沒有打邊爐～同朋友去唔到外地旅行，都可以用美食來補償一下吧！同朋友終於的起心肝上網搵下附水近有冇D好美食試吓，拉左呢間好多人推的老百姓刺身火鍋。餐廳裝修設計意念獨特頗花心思，一入門口已經感覺到好高級。妙計錦囊湯（原隻豬肚包雞湯）是帶乳白的湯底，湯滾起後，我先嚐一碗雞湯，鮮甜滋潤，帶少少胡椒香味，暖心又暖胃。雞件預先煮至七至八成熟，煲到咁上下，職員幫忙剪開豬肚和雞肉，豬肚乾淨爽口，雞肉嫩滑，大大碟份量好多。 呢個湯底好特掂啊。牛頸脊的肉質幾唔錯又有牛味，牛味特別濃。油花充足，有咬口，肉質鮮嫩爽滑，我覺得呢個部位的肉質最嫩滑，厚薄均勻，只係幾秒便可以吃，唔需要沾醬都好夠味，有一啲入口即溶嘅感覺，鍾意食牛既要試下。跳舞田雞肉質飽滿脹卜卜，新鮮即宰的，我十分欣中賞這一點，畢竟來到高質火鍋店，食的食材就是不一樣！！看見碟子上的田雞尚會跳動，十分生猛。切細件亦都好容易食，田雞腿肉質鮮嫩夠甜，肥美可口，食到舔舔脷西洋菜$38，西洋菜食得出很新鮮，味道很不錯。來一瓶竹蔗茅根$68，清新又健康。食完真係超級飽，下次再黎食返餐勁先！…Read More

點既係比目魚扒，賣相同擺碟好吸引。魚扒外皮煎得好脆身，同軟嫩既魚肉形成強烈既對比，口感豐富，再配埋伴碟香草忌廉汁，令人回味無窮。最後當然要嗌個甜品，為呢餐晚飯畫上完美既句號，估唔到妹仔大過主人婆，甜品更令人喜出望外。我地嗌左個心太軟，價錢只係$38，比出面甜品舖平好多。但即叫即整，上枱時熱辣辣，一叉開流心朱古力好似熔岩流出，苦甜度適中，心太軟外脆內軟，配埋雪糕食又係另一種滋味！更值得嘉許既係店員友善親切既服務態度，依家好少食肆係賣服務，我地坐左近三個鐘都完全無趕客，如果想搵間西餐舒舒服服鋸下扒傾下計，呢度不失為一個好選擇。…Read More

終於又到星期五，同朋友收工之後想食好啲但又唔想咁迫人可以吹下水，於是朋友去咗銅鑼灣一間樓上既居酒屋，叫心之食堂。入到去見到裝修都唔錯，暗暗地有日式居酒屋既味道，同埋坐得都幾舒服。我地點左呢度既招牌菜心之火焰鐵板牛柳粒，上菜果陣會幫我地點火，立即成條著哂火，成個場啲人都望過黎。味道上牛肉非常惹味，肉質軟腍多汁，食完下面仲有塊菠蘿，清一清口味。跟住就嗌左個壽喜燒，黎到個感覺就好似升級版既吉邊咁，啲牛靚左，湯甜左，配料多左，同朋友烚烚下吹水一流。仲有嗌左個芝士炸雞，有兩種芝士，有種喺底比你撈雞，一種就係面頭既芝士碎，食落芝士味好香濃，仲有得玩下拉芝，啲雞亦都炸得香脆，入面肉質都滑，一流。呢間同朋友食飯吹水一流，下次再約一班人去。…Read More

今日就入左元朗開工。搵晚餐時，上Openrice見到呢間拉麵店有唔少好評，咁就把心一橫決定左去食。 去到發現都有唔少人食。另外，舖頭裝修都不錯，成個感覺同格局都好舒服。入翻正題，野食方面，我就叫左碗辛子黑蒜拉麵。個麵同個湯既配搭幾好，味道好開胃。另外我仲追加左隻蛋，亦都係煮得好出色。另外，大食既我仲叫左個小食。由於好少見有薯餅食，所以叫左個黎試，一份有齊牛肉薯餅同栗子薯餅。牛肉薯餅幾好食，而栗子薯餅好出色，仲要有栗子碎響裡面！食埋真係好飽。呢個小食都係值得推薦！食左咁多野，雖然d野飲少少貴但我都忍唔住叫左杯可爾必思飲，話晒都特別同少見。飲落有d似甜既寶礦力，但又幾開胃，配我食咁多野，簡直一流。價錢方面都算幾好，雖然少少貴，但味道值晒！…Read More

貼心為客人考慮的放題店平時喜歡去不同的餐廳食放題，今次去了大本瀛試他們家的放題。預約了八點吃，八點多上到去看見有很多人在排隊，老闆(?)很快便為我們安排座位，避免我們等太久，之後人流減少後，更為我們安排到一個較寬敞的地方坐下。坐下後便開始點食物，首先叫了刺身，這間店的刺身都算新鮮，特別是泰式生蝦和珍寶赤蝦，赤蝦很大隻，泰式生蝦配搭醬料非常開胃，甜蝦也很乾淨，最怕看見蝦背沒有清理乾淨。之後也叫了一些熟食和湯類，特別喜歡他們的冬蔭公湯，非常足料和美味，有豆腐、番茄、娃娃菜、金針菇等，還有很多蝦，熱乎乎地端上桌面，非常棒。不過兩個人吃會有點多，如果能因人數而調整份量或是能選擇份量就更好。大本瀛的吉列炸蝦卷也是十分推薦的，不但脆口，還十分惹味，他們附上沙拉醬，不過我認為不沾沙拉醬更能吃到炸蝦卷的味道。另外必吃的就是椒鹽雞軟骨，表面撒上七味粉，微辣又脆口，令人不能停下來，他們其他的炸物也炸得很脆口，不會吃起來像放了很久軟軟的，十分推薦。在壽司方面，大本瀛的壽司較其他店的小，但這也是我最喜歡的，因為吃放題就是想嘗試不同的食物，最怕每種食物的份量都很多，因此他們家的壽司大小正好配合我這種類型的客人，他們的手卷也是十分迷你，更有海膽壽司提供，而且也挺新鮮。員工態度整體不錯，很快送上食物和幫我們下單，下次有機會會再到這間放題店。…Read More

今天去了朋友介紹的《火薈中日火鍋》，太子A出口，都好易搵。book了9:00pm，都仲係咁多人食緊。周圍的環境都是以黑色為主，夠寬敞。點了蝦蟹雞煲(小辣)($298)，一次過滿足了我想食蝦蟹同雞既慾望。個雞煲很足料，我哋四個人食，每人都有點4分1嘅蟹腳，仲有勁多膏既蟹蓋，好新鮮嘅蝦，啲雞好滑。個湯底仲有好多配料例如：菇、芫荽、菜，個湯底唔會太咸，啱啱好，最緊要係有蝦蟹既鮮味。叫既所有材料都好新鮮！特別係個蝦滑，勁彈牙！我哋仲點了本地手切鮮牛肉 大($288)，都好有牛味，同埋好林。仲有好彈牙既蟹籽鮮蝦滑!($78) 見到就想再食。椒鹽鮮魷($78)，大家值得一試，炸到金黃色，岩岩好。(竹)刺生拼盤($168) 刺生都好新鮮，味道鮮甜。呢間火鍋店真係值得呢個價錢，因為它們的食物質素高，夠新鮮。服務態度也不錯。一定會再介紹朋友來的!!!!!!!…Read More

今日去左太古睇戲，睇完都七點啦。有啲肚餓，係商場搵嘢食，行下行下見到前邊間嘢排長龍，原來係丸龜製面。荃灣行街見過好多次，佢個名好特別，但係就未試過。今次咁有緣就試試啦！原來呢到係點一個主食面，師父即場係面前整，唔洗兩分鐘就有啦。如果想食飽啲可以另外加餸。而啲餸已經整好左係面前，可以自取，揀哂之後就可以埋單嫁啦。而我就揀左明太子溫泉蛋拌烏冬，即係撈烏冬。個醬汁係自己落嘅，師生建議我地落一至兩圈。我就貪心啲落左兩圈，發現鹹得濟。我建議食淡嘅朋友可以試落半圈，而其他朋友落一圈就好夠。整體黎講個面都唔錯，相當彈牙。即使有啲過鹹，我依然成個食哂！另外仲加左野菜魷魚同野菜天婦羅。可能因為整定嘅關係，同埋我係最後先食嘅，所以凍哂啦！但係個野菜魷魚味道都唔錯，好似魚滑咁嘅味，都相當香！我建議大家最好食左啲小食先再食主食，以防佢地凍左！如果係熱嘅相當會更好食！整體黎講今餐都唔錯，埋單75蚊。如果大家鍾情於開放式廚房都可以黎試試！…Read More

今日同女朋友出石澳玩， 約咗喺筲箕灣集合。 平時返工食開連鎖餐廳，嚟到美食眾多嘅筲箕灣，緊喺要食返啲特色嘅餐廳啦！ 我哋嚟到商場地下， 畀大大嘅burger廣告吸引住，於是入咗去打算試試。睇完餐牌令我好意外，原來呢度選擇都好多，唔單止有burger ，仲有熱狗焗飯同意粉添！呢排我哋食得肥膩野多，都係選擇食飯同意粉啦！女友就揀左焗黑白鴛鴦意粉， 而我就揀咗白汁焗田園素菜雜菌飯。 每買滿60蚊仲有免費一杯餐飲送添！唔使一陣就嚟齊咗！首先係個意粉，黑白鴛鴦係指黑椒汁同白汁，配埋漢堡扒同魚柳。一種 意粉，兩種食法！而且漢堡扒同黑椒汁配合得好好，相當入味！而我嘅雜菌飯，都相當健康，由西蘭花同蘑菇，仲有粟米粒組成。而家好已經少有咁健康嘅焗飯了，真係令我食得安心！而餐廳嘅員工都相當客氣，我想調位就即刻幫我安排，十分感激！埋單都只係99蚊，平均每位50蚊都唔使添！下次減完肥一定會再嚟試一試佢哋嘅招牌特色Burger先！…Read More

今日九點先收工，心血來潮好想食日本嘢。近近哋去咗最近嘅江戶前。都好耐冇食啦，每次嚟到我都會食佢嘅特價壽司。今日嘅特價壽司係，特大帶子壽司，帶子好大件， 先係賣緊11蚊一件，咋好抵食！ 我例牌都會叫返個刺身拼盤，有三文魚，甜蝦，鯛魚，北寄貝，希靈魚子同魷魚，每樣兩件先賣88蚊咋！我其實唔算太餓叫咗個刺身沙律冷麵，媽咪就大食啲叫左個三文魚魚子飯。 冷麵真係好彈牙，配埋沙律醬同魚生，雪雪聲就食曬啦。而三文魚子飯都相當入味，煮熟嘅三文魚又有另一番風味。呢到一個煮食都係60蚊咋，好抵食！令人驚喜嘅係，呢度仲有甜品食添呀。每食夠100蚊就可以用五蚊加一個甜品，真係超抵！我哋叫咗柚子蛋糕同香桃蛋糕，雖然說不上係上上品，但係諗起只係5蚊件，食起上黎津津有味！最後，留返江戶前嘅收據，今次消費嘅10%可以當作現金卷下次使用，可以話免左加1，相當吸引！好期待再黎幫襯…Read More

今日同女朋友行街，不知不覺已經七點了，肚仔餓喇！ 行下行下見到間759車仔麵！ 係女朋友最鍾意嘅麵檔！二話不說帶咗我入去排隊了。 條龍好長呀！ 睇嚟呢間麵檔都相當受歡迎。 女朋友揀咗佢最鍾意嘅米線，配料方面係腸仔、生菜同埋雞扒。而我呢就揀咗最鍾意嘅粗麵，仲有豬大腸、牛孖筋，同埋我最鍾意嘅豬紅！坐低唔使五分鐘就係有嘢食啦！咁多配料入面，我最鍾意係雞扒，因為佢好入味，應該醃製咗好耐啦！ 同淡淡嘅腩汁湯底形成咗先明嘅對比。 其次，我最鍾意嘅係豬紅，佢相當有口感！而令我比較失望嘅係牛孖筋，可能煮得太耐， 變得太軟，冇乜口感。 而我果碗粗麵都相當入味，食完好飽肚，好有滿足感！最緊要價錢都相當親民，都只係32蚊咋！出街食黎講已經算超抵啦！ 如果大家行街路過九龍灣不妨試下佢啦！…Read More

有幸地 友人送左一張Ruby Tuesday嘅六折Coupon我便同女友黎呢間定價較高嘅西餐廳 打算試試佢嘅下午茶餐可惜黎到先知道該 Coupon不適用於Tea set而主餐牌的菜色普通都要$200或以上 折後最平都要$120相對之下 Tea set的價錢卻相當親民 連飲品只係$35-$45經討論後 我地都係揀食tea 張Coupon都係留返下次我地揀左意式雞肉雜菜湯通粉同香草芝士墨西哥烤薄餅而餐飲方面 叫左兩杯凍檸茶少甜少冰首先黎既係兩杯凍檸茶 相當大杯 應該都有500 mL而少甜後味道對我黎講岩岩好 好易入口 飲品方面 相當正評阿!跟住就係女朋友叫既意式雞肉雜菜湯通粉份量方面都好理想 當相於一份午餐而味道方面 似乎就一般 酸酸甜甜的 冇咩特別可能本人鐘意食啲重味既食物吧最後就係我叫既香草芝士墨西哥烤薄餅賣相方面也不錯 跟埋sour cream, salsa醬 仲有超辣墨西哥辣椒 愛辣人士不妨一試!由於餅身充滿香油 攞起塊薄餅 已經聞陣香噴噴既油餅味也因此食落去果陣 唔會覺得乾身而餅餡中既芝士相當香甜 而且柔軟比平時係印度餐廳嘅乾身烤薄餅好食太多了平時唔食薄餅既女友都爭住食 仲食左半份阿!可見呢份烤薄餅唔講得笑 強烈推薦！埋單 兩位連加一都係77蚊 經過荃灣西既朋友不訪一試!…Read More