yanhui1012's Profile

通關後上內地嘅次數多咗，但係香港食飯嘅時間少咗，搞到有啲之前成日去嘅餐廳都少咗去，最近同個住附近嘅friend食飯，好耐冇食過串燒，所以嗰晚就約咗佢過黎食，順便睇吓咁耐冇食，啲質素有冇變化嗰日星期二晚去，可能比較早一放工就過去，未咁多人，一去到就有位坐未睇嘢食，大家已經嗌杯酒乾番杯先🤣我就比較鍾意飲frozen beer，因為有啲碎冰喺上面，比起普通泡特別啲，咁我個friend就飲draught beer，兩杯都好濃郁而串燒嘅選擇都係咁多樣化，基本上種類都冇太大變化，而選擇真係我食過咁多間串燒嚟講，數一數二選擇比較多，係真係可以揀到好多唔同自己想食嘅嘢我哋兩個人總共叫咗幾十串，有幾樣特別到有印象，聖子王本身都好鮮甜，燒得啱啱好唔會太老；而宮崎雞腿扒，亦都係我同朋友基本上次次都會嗌，酥香嘅脆皮，加上嫩嫩嘅雞肉；之後當然仲有羊架、牛舌、菠蘿等等等等，其實真係食吓飲吓，傾吓偈其實就幾個鐘。總括來講其實佢每一串串燒價錢，正正常常，我同朋友真係喺大埔食飯傾偈，呢間都真係我經常嘅選擇，想搵個飲嘢傾偈嘅地方，呢個真係一個好嘅選擇…Read More

襯平日k11 musea泊車優惠，過嚟食個晏入到去餐廳感覺都幾舒服，好似有啲熱帶雨林既感覺，依間餐廳係食新加坡菜Lunch set既話包咗熱飲，我揀咗個白胡椒肉骨茶，有得揀配飯定麵線，平時出面都係得飯，今次揀咗麵線用個鍋上嚟到熱辣辣，個湯都重胡椒味，但唔算好辣佢啲麵線同喇沙既麵線咁，一啖湯加麵線，好好味。個鍋既肉都份量多，有好多舊，唔係剩係得骨，有肉食架我朋友嗌咗個帶子喇沙，帶子都有幾粒，仲有大大粒添！依到既喇沙都唔算好辣，都好惹味既另外再嗌個辣魚餅，酸酸辣辣，幾開胃個餐加咗杯芒果菠蘿梳打，甜甜既，好解渴埋單400蚊左右，lunch都值得嘅，食物幾好，坐得又舒服，下次都會再尼食…Read More

好耐無同屋企人出去食晚飯，今日放工就同屋企人去食呢間，見到餐牌食物種類都好多，諗好就可以掃QR code自己手機落單，咁我地就叫左三樣野美人鍋套餐 有6個step揀1骨膠原湯 - 都有膠原味甜甜地感覺幾好2明太子芝士免治雞肉 - 有明太子既免治雞肉會有口感多啲，雞肉嫩滑整體幾正3 豚腩肉 - 建議唔洗淥咁耐咁先嫩口4蔬菜盛合 - 色彩鮮艷5 配料和醬汁 - 好多選擇 去自助吧攞就可以 6 日本羽衣麵 - 爽口彈牙，滑嘟嘟都唔錯海老牛油果美人卷外皮晶凝通透簿簿包住，蝦都算新鮮，如果牛油果可以重味啲就更好梳乎厘玉子燒呢個玉子燒就算無餡料都好正，出邊嗰層滑入面個層更加嫩滑，要小心一上枱就食嘅話入邊都幾熱下加$38可以享用自助吧，主要有飲品同甜品可以仼攞，如果一個人加，全枱人都一定要加…Read More

大埔太和既隱世法國菜，我同老婆每幾個月都會黎品嘗享受一次🥰由知名酒店總廚主理，每次黎食都帶比我唔同既享受，每次menu都會有變化，真係好佩服做廚師的創意！佢有好幾款set比您選擇，而我每次都鐘意Lunch過黎食，因為覺得性價比最高，人均都係$500左右已經食到一個咁高級既法國菜dining，我同老婆分別叫左傳統法式鵝肝牛柳同法式西鰽鱸既main course~ ⭐️鯛魚刺身 肉淡清新 爽口新鮮👍🏼加上淡紫色的蝶豆花 感覺零舍唔同⭐️酒釀葡萄法式鵝肝凍 賣相十分精緻，葡萄十分入味，鵝肝凍食既質感特別，有點似雪糕，不過係鹹味的🤣⭐️是日餐湯 飲落好creamy&濃郁 蒜蓉包十分香脆⭐️傳統法式鵝肝牛柳 牛柳厚身，5成熟岩岩好🥰切開係粉嫩色，充滿牛味，鵝肝外脆內院入口即溶👍🏼⭐️法式西鰽鱸 魚煮得好完美 亮白的魚肉配上煎得金香的魚皮，作為一個魚既愛好者，呢個的確好高分！最後就係甜品環節🥰擺盤都十分講究，色彩繽紛，仲有馬卡龍，為成餐dining畫圓美句號，值得我地幾個月黎食一次🥰…Read More

每次，想同朋友談天說地既時候，一定會想飲返杯食下啲小食，我住大埔既每次都諗起佢，因為在大埔，餐廳環境好而且又有串燒可以叫黎慢慢食既地方，呢個真係我首選，我都已經唔知黎過幾多次，最近呢半年因為疫症，搞到連夜晚食飯既地方都冇…慶幸呢半年艱苦嘅日子，佢地仲頂得純，所以都想同大家分享下，希望令咁好既地方繼續有💪🏼💪🏼食物主要係串燒為主，另外仲有一些特色既海鮮等，串燒係即叫既燒，同埋等候時間都可以，仲可以叫住杯酒傾住計慢慢等，有時候有football match，呢間鋪仲會爆哂咁濟😂我同朋友都鐘意飲Frozen Beer，因為有碎冰係上面，連埋啤酒入口清涼，有些飲下飲下就飲左幾杯😂叫到成枱都係…😂不過飲下酒吹下水唔經唔覺就清哂🍟炸厚切薯片即叫即炸新鮮之餘，外脆內軟，好有台灣夜市既風味⭐️鳳梨燒：香甜多汁，我每次食串燒都叫😆⭐️香蒜燒鮮鮑魚：6隻鮑魚，Size偏細，但肉質彈牙爽口，熟成嘅程度啱啱好，食到鮑魚嘅鮮味⭐️燒宮崎去骨雞腿：雞皮香脆不帶油脂，雞腿嫩滑多汁⭐️鹽燒及水牛城雞翼：燒得岩岩好，外皮香脆，入面肉汁豐滿，水牛城又唔會太辣，幾入味總括嚟講，食下串燒飲酒傾計，呢度的確係一個好好既地方，最近終於有返晚市堂食，黎緊又想再約朋友過嚟輕鬆下🤣誠心推薦比大家👍🏼…Read More

今日因工作關係，到柯士甸附近見客，客戶朋友比左呢間餐廳既地址我，係呢度一齊食lunch好少可黎到柯士甸呢頭食飯，估唔到有驚喜，以為係一間普通既酒樓類餐廳，點知到埗望落原來都幾精緻，係有裝潢同格調既煲仔飯餐廳香菇滑雞煲仔飯一開蓋嘅時候，新鮮出嚟，十分之香，雞煮得岩岩好唔會老，再加上頭抽、蒽、芫荽，成件事十分夾。加上食完成個飯之後，飯焦都十分出色，好香口脆口，最緊要唔會有燶味，所以我地都食哂咁濟！甜蜜咕嚕肉上菜時熱辣辣，配搭三色椒、紫洋蔥，加上十分香甜既新鮮菠蘿，酸酸甜甜，十分合適送飯👍🏼最後要多碟小唐菜，健健康康，今餐午飯的確幾有驚喜，估唔到柯士甸呢頭有間唔錯既餐廳，值得推介…Read More

香香宮煮難得六、日可以休息下，同老婆去完2日1夜的露營後，夜晚book左呢間火鍋黎食下，為星期一返工前叉叉電🥺而家出街食，真係要提前book定位，基本上你walk-in都唔會有位😅所以要食好野真係要幾日甚至乎幾個星期諗定🥲呢度我最鐘意食既就係呢個冬瓜瑤柱鍋，湯底清甜，唔會咁燥熱，而且冬瓜又係我打邊爐本身好鐘意落既材料，所以都幾岩我心水今次我叫左個手切匙皮牛肉試下，牛味非常濃郁，脂肪比例唔算好多，食落去肉質實淨又唔會韌👍🏼蟹黃餃蟹黃味道濃郁，配冬瓜湯底唔會太膩魚滑蝦滑就唔洗講，邊爐必備，最後叫埋個竹蔗茅根，成餐飯就剛剛好~不過邊爐真係多人啲開心啲，叫既野食又可以多啲，所以下次再黎試，真係叫多兩個朋友先得！…Read More

食蒸氣火鍋，我就覺得出街食最好。一來屋企無工具，二來自己買海鮮麻煩而且都唔會平過出面好多。呢度399，唔洗煩洗野買野，已經食到近十款海鮮，性價比其實算高，又蝦又龍蝦又蟹。食海鮮最重要就係衛生乾淨，其次就係新鮮。呢度二個條件都滿足到，會先幫你高溫消毒食具。首先由門口到餐廳內部，地下都拖得乾乾淨淨，唔會話有水積。佢哋會幫你整埋，令到蒸嘅時間啱啱好，仲會由淡味到濃味咁整，仲有啲小知識同你講，一開始打頭陣大虎蝦大隻爽口彈牙，台灣九孔鮑魚有咬口，珍珠蠔好爽好鮮，去到後期，大西洋野生青口、紐西蘭刀貝蚌、月亮蚌開始會建議你就咁食唔好點豉油，非常同意，會食到好濃既海水味好新鮮。蟹方面就非常多膏，罕有大黃奄蟹肉唔多主要啜下佢既膏同鮮味，近鏡既太平洋饅頭蟹肉質鮮嫩仲有好多膏。龍蝦多肉鮮嫩，有剩既蟹膏仲可以放落個粥度調味。蒸氣火鍋，可以嚐到最原汁原味既海鮮，因為唔似得打邊爐咁，海鮮既水份會流失落個湯度。食完海鮮會蒸菜同埋粟米，好鮮甜，而係蒸爐下面既粥底，亦會因為海鮮既倒汗水變得帶點海水味，味道偏重。最後嘅糖水都好值得一提，椰汁燉雪燕，食完比較重味既粥食碗冰凍清爽既糖水非常合適。…Read More

今日同女朋友放假，去左港島個邊行下，去到鰂魚涌個邊都lunch時間，開始有啲餓，上openrice搵左陣，見呢間啲麻辣野望落好似幾正，咁岩個日又凍凍地，就過去食返餐~佢就係濱海大廈一個巷仔入面，唔係好顯眼既位置，鋪頭細細間，但都幾多人食，好彩我地接近2pm先去，如果唔係lunch時間有排等有客飯或者粉面既套餐，我女朋友最想飯個個羊肉湯面賣哂🥺。。。要試下次真係要早啲最後我地叫左個四川椒麻雞飯同麻辣牛肉蘿白湯麵餐，加埋$6要個大波波魚蛋！個賣相幾正咁，我要左小辣，費時食太辣下午要成日去柯🤣同佢個名一樣，麻同辣兼備，配搭比例好好，而材料亦好豐盛，味道同價值都不錯👍🏼椒麻雞飯~雖然佢話唔辣，但麻個種感覺好強烈，食落口會有少少痹，幾惹味~鐘意食川菜既人值得黎試下~…Read More

朋友想食得舒適啲，之前好似嚟過一次覺得呢度環境幾好幾寧靜，所以就推介朋友黎晚餐是日餐湯幾濃郁入味，配料足，仲食到舊牛肉香辣白酒蜆肉蒜片意粉 $88意粉比較乾身爽口，口感偏硬少少不過都幾岩我，辣味都比較重帶少許白酒味道，蜆肉都幾入味，如果可以完全無沙就更好蒲燒鰻魚飯 $88肉質嫩，骨刺基本上唔多覺，腥味都唔覺，甜鹹適中，唔會搶過左鰻魚既味，仲有冬菇同蛋做配菜，感覺豐富手工巴斯克芝士蛋糕 $32手工精細，口感細滑柔軟，芝士味適中，唔會食到好漏鮮忌廉朱古力 $42好creamy朱古力味非常香濃幼滑鮮奶咖啡 $38如果鮮奶比重可以多啲就更好，感覺比重係咖啡大於鮮奶…Read More

之前朋友介紹過呢間性價比高既pizza，今日就同屋企人黎食個晚餐，我地叫左三樣share食星級夏威夷心形薄餅薄餅非常鬆脆，同傳統嗰啲薄餅底有啲唔同，有少許拉絲，材料亦都好足: 有菠蘿、洋蔥、香草腸、火腿等等，配合埋千島醬底，口感豐富檸檬蜜糖雞翼 (8隻)雞翼帶少許酸甜，有淡淡檸檬味亦有蜜糖既甜味，好符合個名普普通通都算清新之選招牌肉醬焗意粉意粉硬度適中，蕃茄肉醬都幾多幾開胃食到尾感覺會重味少少咸啲，整體都唔錯呢度唔算好大，個環境都可以，同屋企人食到好飽，都傾左陣先番屋企…Read More

首先想講既就係呢度啲前菜份量超大份，出面通常比細細碟泡菜你就算，呢度泡菜，沙律，醃蘿蔔同青瓜全部都係大大碟。泡菜醃得夠晒味。牛舌薄切 $148燒20秒左右就已經可以食，非常爽口，推薦配上粗鹽食，更能突顯牛肉味道。喜來五花肉配上特製醬油 $138厚厚嘅脂肪，一燒嘅時候豬油出晒嚟，香氣十足。本身醬油已經醃製得比較重味，個人認為唔需要另外再點醬食。調味醬油雞肉 $110雞肉都係比較肥嘅部位，大約有四塊大大塊嘅雞扒咁。都係已經醃製好，可以加少少蒜頭一齊燒，更加有特色風味。不過如果肉質可以再嫩滑啲就更好。個人認為值得一提就係呢度嘅服務非常之好，蛋汁任加不特止，仲好密幫我地換鐵板，至少玩左四五次唔係講笑。…Read More

Mr. Maki 雖然睇落似外賣店既格局, 但係都有提供少量座位堂食. 主打壽司, 但就唔係賣傳統既壽司. 主要賣特色卷物, 每款係出面都無食過, 全部自家創作, 創意十足我地今次叫左魚全部都係魚有拖羅，三文魚，蟹籽和脆趣. 魚油油香十足 個人覺得吞拿魚拖羅最正同埋帶子被困火焰山芝士份量足料, 加上蟹子,牛油果, 味道帶有層次, 基本上唔洗加豉油都OK夠味另外都推薦大家加個小食set. 因為只需要$15-$20左右, 就可以有一款炸物, 沙律同埋野飲. 炸雞多汁嫩滑. 野飲方面除左普通汽水, 仲有罐裝波子汽水, 都比較少見俾錢嗰時見到+$2可加配黑松露沙律醬咁就加左 咁就既可以食到炸雞/番薯薯條既原汁原味 又可以品嘗到黑松露沙律醬…Read More

今日去葵芳新都會行街，好自然諗住喺嗰邊食埋野，基本上想平靚正又飽肚就會諗起孖寶車仔麵我同朋友一人叫左一個三餸麵套餐$48 叫左杯凍奶茶 (+$3)油麵幾爽口份量都多，仲有辣菜甫自己決定落幾多，五香豬頸肉依然覺得係必食，肥瘦適中肉質軟嫩淡淡肉沙嗲牛肉(另+ $4)今次既內質比起上次好似爭少少，但醬汁依然好濃郁入味朋友上次食左魚肉春卷，所以我今次都叫黎試下，原來同車仔麵都幾夾，外層好似腐皮咁，入面有魚肉既口感仲要充滿湯汁咁後來仲叫左一串牛雜過下口癮，不過唔記得相機食先哈哈，分量算多，同埋牛雜既豬大腸比起車仔麵叫餸既豬大腸更爽口入味…Read More

上一次過嚟食既時候，同我女朋友係食炸雞個啲，今次想同佢試吓其他嘢，所以今次下午有時間，同佢就過咗去午餐上次就係同佢食炒年糕呢一堆其中一個，係幾正既，不過今次我哋就冇食呢啲啦因為見到其他呢啲都幾特別都想試吓韓式烤牛肉~一上枱嘅時候，放喺鐵板上熱辣辣炸炸聲好好聽，牛肉食落冇起根有牛味，味道唔錯。唯一一個比較可以改善嘅地方，我覺得啲金菇可以煮一煮熟咗少少先，咁樣我唔知點食好😂韓國嘢點少得泡菜煎餅，呢個定必叫，非常吸引，煎餅嘅粉漿好少，唔會食到成啖都係粉漿，同埋泡菜好清新，又唔會話太油膩，呢間整得幾好味짬 뽕 ！韓國菜入邊我其中一個最鍾意食嘅菜式，簡單啲來講即係辣嘅海鮮面🤣呢碗海鮮麵嘅用料非常豐富，起碼入邊有成四五種海鮮，而辣到亦都唔係話太辣令到自己食得好辛苦，總括嚟講配搭唔錯！基本上呢一間長期係我bookmark既list, 得閒嘅話我估我都會得閒嚟食下🤣…Read More