Video
Introduction
Spicy lovers can enjoy Chongqing sour & spicy potato noodle, Sichuan dandan noodle and mala chicken in this Sichuan restaurant. The dishes are served with reasonable prices and good to pair with homemade spicy sauces.
continue reading
Opening Hours
Today
11:00 - 23:00
Mon - Sun
11:00 - 23:00
Above information is for reference only. Please check details with the restaurant.
天后電氣道成條街都係食肆，甚至橫街窄巷都有好多選擇。今晚突然想食四川菜，捐窿捐罅，跟友人找到一間小店，裝潢古式，明淨環境, 不錯。看過門前餐牌，價錢非常實惠。四川擔擔麵人氣推介。揀選了微辣，辣度剛好。麵質爽口，掛湯好。肉碎，芽菜增添口感。追加了手打牛丸和小雲吞。牛丸果然自家打製，爆汁，十分爽脆。小雲吞細細粒，皮薄，餡料十足，口感豐富。香油鹽水雞嘩啦啦！入口微微鹹味，雞肉嫰滑無比，皮下脂肪不多，啖啖肉香。
continue reading
川亭 (電氣道) (天后)天后電氣道74-78號金基大廈地下3A號舖小店賣四川粉麵同食物，有酸辣粉同口水雞等，價錢公道，是街坊小店經營。同朋友食完都好滿意，小食試了手拍蒜泥青瓜同皮蛋，可謂兩個完全唔同，一個唔辣食蒜香同清爽，皮蛋就是個辣濃的角色。主食要鹽水雞，有點似白切雞，鹽水味突出，肉食落去是鹹鹹香香咁。主食擔擔麵 同雞是這裡的招牌菜。擔擔麵小辣，湯中帶肉碎.麻辣小麵濃口味，喜歡麻且辣的人，推薦以上咁多才是$188 ，仲包飲品。
continue reading
好似我呢啲餐餐都要食啲辣先覺得好味嘅人，川菜真係好吸引我哋。但有陣時食川菜，又要茶介又要+1，好似唔係好抵食咁。但天后呢間川亭，唔使茶介，唔使+1，明碼實價，所以我成日放咗工都會嚟呢度食。今晚我哋叫咗以下菜式。蒜泥手拍青瓜（$28）：青瓜係手拍更加吸收醬汁同蒜泥嘅味道。青瓜口感爽脆，味道清新。有大量嘅蒜泥，好有益。青椒皮蛋（$30）：青椒係煎熟嘅，有啲係少少辣味，有啲辣啲。皮蛋嘅蛋黃呈金黃色，呈流心嘅狀態，好吸引。麻辣牛腱（$52）：見到好多人都嗌呢個，所以我又叫嚟試吓。份量都幾多。牛腱切得夠薄，好易咬開。牛腱同麻辣味都好夾。沙薑雞-例牌（$62）：沙薑味非常重，啱晒我。雞嘅肉質嫩滑. 雞皮唔會好厚脂肪。水煮魚片（$123）：用上龍脷柳魚片。菜式仲包括豬紅，芽菜，青瓜條同埋薯粉。龍脷魚柳片份量多。薯粉煙煙韌韌。豬紅有咬口，唔會一夾就散。清湯米線（加配價$10）：米線口感彈牙，唔會一夾就斷。入邊仲有幾條生菜. 無糖烏龍茶，忌廉汽水（$10@）：有幾款無糖茶，豆漿，罐裝飲品同紙包飲品比大家選擇，無論健康派定非健康派都有照顧到。
continue reading
今晚屋企無煮飯，所以只好食自己🥹臨放工時用Openrice叫定外賣自取，有折之餘仲非常方便，一去到就拎得，啱哂唔鍾意等候嘅我😆✴️涼拌紅薯粉✴️唔食得辣所以叫咗微辣，食落都有明顯辣味，但可以接受🌶️不過碗粉嘅味道整係得辣油味，同我預期嘅有少許不同，如果可以加啲酸味可能味道上會更豐富～另外可能係外賣關係，薯粉有少少淋，無Q彈嘅口感，較為可惜🧐✴️沙薑雞✴️個人幾鍾意依個沙薑雞❤️雞肉好嫩滑，而且份量多，啖啖肉！沙薑汁濃郁味重，用嚟撈薯粉食加分👍🏼✴️蒜泥拍青瓜✴️蒜蓉味極重，大愛❤️❤️❤️
continue reading
突然間想食口水雞，聽聞川亭好抵食，而咁啱行開天后個頭，就一於去試下。川亭舖面細細，大約都係得五六張檯，但好彩唔洗等就有位，我叫左個川亭招牌套餐，可以揀一個餸再揀個麵，仲送埋飲品，唔洗諗，我就叫咗口水雞同擔擔麵再加罐可樂，埋單都係66蚊，至於味道方面，口水雞唔會太辣，啱哂我依啲唔食得太辣既人，而雞肉嫩滑，非常好味，而擔擔麵麵質彈牙，擔擔麵湯底香濃唔太辣，總括而言，依個餐係一個性價比高既選擇，值得推薦。
continue reading