一次過試左佢地6款唔同口味的蛋撻，真係款款有驚喜。淨係個撻皮的牛油香同酥脆已經成為小編同朋友encore的原因!!!
葡式芝士蛋撻的芝士好濃厚，同雞蛋做到完美融合，輕輕烤香左表面，就更加多左份焦香味，算係簡單做成不平凡的系列之選～
作為士多啤梨控的小編就梗係推介大家試佢哋既草莓蛋撻，比起芝士蛋撻，草莓蛋撻的蛋底相對更加嫩滑，蛋香味濃，甜味會高番少少..士多啤梨就係偏酸，所以一齊食就會甜甜酸酸有中和的味道~ 果香味濃！
另外，近排大熱的開心果味同樣值得大家一試！開心果味好出，而且會有少少果仁的鹹香味同粒粒口感，又係另一風味~
