瑪嘉烈蛋撻店

Open Now

Now Closed

食完午餐過咗冇幾耐又係下午茶時間嘞，我哋就同阿媽去咗呢間喺澳門都幾紅嘅瑪嘉烈蛋撻店。雖然話係閒日，但係去到都係好多人，要一陣先搵到位坐低，叫咗： 葡撻：呢間店必吃之選，熱辣辣，撻皮鬆化，入面嘅蛋唔會太甜，好正！原本我叫咗三個預每人一個，當我都仲未攞得切相機影相，阿媽已經食緊一個嘞，影咗一張之後就得番一隻！都係食咗先，唔係連呢隻一陣都唔見埋！ 蒜蓉多士：上枱嘅時候已經係凍嘅，唔好食！ 煙肉批：$12 四分一個，其實同 quiche 差唔多，有好香濃嘅蛋味，唔夠熱嘅話店方亦可代為加熱，招呼都算週到！ 凍咖啡：$10 最正係冇冰而且亦夠濃！下次我都會再嚟食！