前菜揀左風乾火腿，佢地喺廳即刻切㗎，幾香幾開胃，夾住蜜瓜食都唔太咸，做前菜啱晒。
前菜仲叫左蟶子、青口、蟹肉牛油果、蟹肉帶子，份量唔算太多，價錢都唔算貴，mop90-120左右一碟，所以我地沒有壓力下叫多左幾款。中意食海鮮的人真喺大滿足。材料都新鮮，最好味喺白酒煮青口，好乾淨，沒有海草、沒有沙，加左白酒煮好香好濃，配酒食一流。
主菜食左侍應推介蒜油焗大蝦，因為口感比龍蝦更札實，我地食落蒜蓉味好香濃，蝦好新鮮，口感好夠，只喺三隻蝦兩個人分可能要爭食。
最後，老闆請我地食牛奶布甸，好香好滑幾有誠意，我地真喺要攬住個肚仔走。
另外，值得一提，侍應都識啲廣東話，可以中文落單。佢地主動幫我地換碟、倒酒，跟單，態度好唔錯。
