烤蟶子
上台熱氣夠，蟶子肉飽滿又嫩，咬落滿口海鮮甜，調味唔會太濃，突出到食材本身嘅鮮，配埋檸檬汁，清爽又解膩，食到停唔到口！
蒜蓉蝦
蒜蓉炒得夠香，鋪滿成碟蝦上面，蝦身大隻彈牙，咬開蝦肉飽滿，鮮味滲到每啖肉裡，雖然份量唔係好多，但作為餐前tapas 好開胃！
西班牙海鮮墨汁天使面
天使面煮得夠彈，掛滿墨汁唔會黐埋一舊，每啖都有濃郁嘅海鮮香，蝦爽口彈牙，配埋魷魚圈等海鮮，墨汁味夠但唔會蓋過海鮮鮮，食完嘴唇烏卒卒都覺得值！
煸蟹肉釀蟹蓋
幾有驚喜，蟹蓋裡面塞滿蟹肉，焗完之後芝士香同蟹鮮味好夾，蟹肉唔散，仲配上幾塊烤得脆卜卜嘅多士，一齊食增加層次感！
總體嚟講，食材新鮮、烹調又夠用心，兩國菜式嘅特色都做得好到位，想喺澳門一次食好西葡味，呢間絕對要試，食完仲想再嚟試其他餸！澳門想一次過試哂西班牙同葡萄牙菜，揀咗唐吉柯德，好似係澳門暫時唯一一間可以同時食到西班牙菜同葡萄牙菜嘅餐廳！
