牛記咖喱美食

平時黎澳門都好鐘意去十月初五街牛記食, 之前喺氹仔想搵牛記總店, 的士司機老點我哋, 求其喺官也街放底我哋話行入去就見到, 最後梗係搵唔到啦。 今次決定一定要搵到為止, 問吓人, 終於俾我哋搵到。  

呢度比十月初五街間鋪大好多, 坐位之間好闊, 客人亦無嗰邊咁多, 可能因為呢度唔係遊客區。
黎到牛記梗係要食最邪惡既蟹黃撈麵啦, 呢度既蟹黃一樣咁正, 不過啲麵質同十月初五街既唔同, 唔夠爽口彈牙, 亦比較粗

蟹黃撈麵

$35

燴牛尾同嗰邊一樣咁好味, 又夠林又夠濃味, 淨係啲汁都可以用黎撈個白飯黎食。

燴牛尾

$62

蝦膠釀尖椒既蝦膠好爽口彈牙, 啲尖椒都幾辣, 炸得啱啱好, 唔會太乾, 唔錯。

1

蝦膠釀尖椒

$52

香煎墨魚餅亦做得唔錯, 同樣係爽口彈牙。

香煎墨魚餅

$52

除咗係啲麵質差啲之外, 其餘食物都同十月初五街差不多, 不過今次無食到清湯腩, 下次再黎試吓。

2

3