路邊茶檔

Open Now

Now Closed

今日放假，去咗澳門一天遊，係氹仔碼頭坐26號巴士（筷子基北灣），我去到連勝/鏡湖醫院落車，因為對澳門啲路唔熟識，但又想周圍去睇下，行下行下有啲餓，見到間舖有啲特別，細細間，入面得2個坐位，有3個職員工作。我望咗一陣先諗到食咩，之後我叫咗最新推介《芝士手抓餅配沙律醬》+《咸金桔檸檬(熱)》，等咗大約7分鐘就有得食。涼涼地既天氣，飲番杯熱飲，感覺好正。芝士手抓餅配沙律醬 16元有菜有芝士，配沙律醬原來好夾，無覺得好好味，雖然有少少油，但我鍾意食。咸金桔檸檬(熱) 20元咸金桔檸檬比我想像中夠味，真係有真咸金桔既味(因為平日出面飲既味好似沖劑咁)而呢杯我好like，又咸又好飲。