Video
Read full review
2020-07-08
331 views
「虎咬堂」外賣店主要做麵包，近期多埋飯類同沙律，店面醒神的橙色門面好易搵，舊城區店外只有一張長凳坐低食，夏天咁熱基本上大家以外賣為主😅，即叫即整，麵包有得揀白包(牛油包)/黑包(竹炭包)，大約等10分鐘左右有得食，邊等邊睇佢地點整啦😎！.鋪頭以脆皮乳豬包同油封鴨腿肉包做主打，出品好有特色，有乳豬包、鴨腿肉、炸牛油果、啄啄薑糖、鹹蛋黃奶昔等，記得要試招牌乳豬包無得外賣，要親自自取，確保個皮夠脆咁話。.虎咬豬 ($65)虎咬鴨 ($60)秘制醬油蜜糖雞翼 ($14/2隻).麵包鬆軟又香牛油味，乳豬果然名不虛傳，乳豬肉厚身又大件，皮脆肉嫩，咬落乳豬皮卜卜脆，油香感爆出來，醬汁用左酸甜芒果醬，試前聽朋友講又甜又鹹有點奇怪，但我個人又意外地覺得食落好開胃，中和下油膩感，果然口味係好個人！而油封鴨腿包有主角手撕鴨肉，加上芝士焦香味，用左蜜糖做醬汁，兩款包將平日漢堡常用生菜換成火箭菜，係幾特別的，出品好新鮮，味道也不錯👍，單點包價錢有啲少貴，套餐包埋飲品同小食更抵食，下次想試下飯類。（偷偷講句個虎咬鴨比我壓扁左🤣🤣）
「虎咬堂」外賣店主要做麵包，近期多埋飯類同沙律，店面醒神的橙色門面好易搵，舊城區店外只有一張長凳坐低食，夏天咁熱基本上大家以外賣為主😅，即叫即整，麵包有得揀白包(牛油包)/黑包(竹炭包)，大約等10分鐘左右有得食，邊等邊睇佢地點整啦😎！
.
鋪頭以脆皮乳豬包同油封鴨腿肉包做主打，出品好有特色，有乳豬包、鴨腿肉、炸牛油果、啄啄薑糖、鹹蛋黃奶昔等，記得要試招牌乳豬包無得外賣，要親自自取，確保個皮夠脆咁話。
.
虎咬豬 ($65)
虎咬鴨 ($60)
秘制醬油蜜糖雞翼 ($14/2隻)
.
麵包鬆軟又香牛油味，乳豬果然名不虛傳，乳豬肉厚身又大件，皮脆肉嫩，咬落乳豬皮卜卜脆，油香感爆出來，醬汁用左酸甜芒果醬，試前聽朋友講又甜又鹹有點奇怪，但我個人又意外地覺得食落好開胃，中和下油膩感，果然口味係好個人！而油封鴨腿包有主角手撕鴨肉，加上芝士焦香味，用左蜜糖做醬汁，兩款包將平日漢堡常用生菜換成火箭菜，係幾特別的，出品好新鮮，味道也不錯👍，單點包價錢有啲少貴，套餐包埋飲品同小食更抵食，下次想試下飯類。（偷偷講句個虎咬鴨比我壓扁左🤣🤣）
Post
