Don Quijote de la Mancha

等唔切雙十一，又買咗船飛去澳門一日遊(˶‾᷄ ⁻̫ ‾᷅˵)除咗掛住佢個葡撻雞蛋仔之外，葡國菜亦都係另一樣會令我心心念念嘅菜式，始終香港真係冇一間特別出色。

呢一間係澳門唯一一間同時提供正宗西班牙菜同地道葡萄牙菜嘅餐廳，所以食物嘅種類都相對多元化。

特別推薦佢個西班牙海鮮飯，食落去唔會太鹹，米飯亦都唔會過硬，每一啖都混雜住海鮮嘅香氣，就咁睇個擺盤都見到配料有幾咁豐富！！！！

而佢個蒜蓉小章魚🐙亦都值得一試，章魚最怕整得過火，令到口感好難咬，但係餐廳完美拿捏！！！蒜蓉味嘅香口，再加上爽彈嘅章魚，真係會令人食唔停口。不過要小心，因為上枱嘅時候都比較熱，千祈唔好掂到個碗邊！！

一日真係唔夠，澳門我哋下次見啦。