金利食店

Open Now

Now Closed

早前朋友話有個KOL介紹一間出名食咖哩粉既小店，聲名遠播咁話。當日閒日下午3點零到達，已經有唔少食客，當中仲有唔少本地食客。由於粉麵都係d簡單食物，所以上枱快、食客食得快、人流亦跟住快，短短十五分鐘，隔離枱已經轉左兩次人。朋友話呢度出名食咖哩雞粉，而且一定要食辣，因為呢度既辣椒醬亦係其中一個賣點!! 辣椒醬原來除左辣椒之外，仲加入左蒜片一整炒，所以食落多左一份蒜香味，唔會只有辣味咁dry，個粉加左呢個辣醬真係生色不少!!咖哩雞炆到好淋，煮到骨肉分離，一d都唔韌，加上全部都係雞脾位，肉質唔會鞋。米紛好爽身，唔會好粉，係好食既米粉。全個麵味道整體唔錯，不過我唯一唔中意既係個湯既質地，好似d芡汁，杰噠撻，但呢個質地卻係餐廳既賣點之一。朋友點左個腩汁牛腩米粉，佢話食落無咖哩咁甜，牛腩味亦好香，值得一試。