Passione Café (Closed)

其實果日去到，完全冇人，就得我同我女朋友，我入去果刻都有D猶擬。間店空冇一人，冇人食？！

我地選左樓上座位，坐位是沙發，坐得十分舒服，而且有優閒既音樂係度播放，心情十分舒坦。我同女朋友叫左個心太軟同窩夫。

雪糕＋朱古力心太軟

朱古力心太軟，當一切開佢，熱呼呼GE朱古力漿湧出來，正丫。而且睇得出有落足心機擺切。視覺同味覺既享受。

一切開，朱古力就湧出來。

窩夫我覺得就中規中舉，窩夫夾住既CREAM幾滑，整體黎講OK。

足料的窩夫

如果行開舊城區，想抖下嘆下下午茶，可以一試。