一去到，佢既外牆已經好吸睛，玫瑰花既BACKGROUND對港女黎講係完全冇抵抗力
去既時候係過左聖誕節冇耐，佢D裝飾仲未拆走，成個天花板都係紅色金色波波，好浪漫好有氣氛
一入到去，STAFF好快就放低左餐包，熱辣辣得黎富有麵包香
咖哩蟹黃飯端出黎個賣相，老實講就真係麻麻地。
不過我食左第一淡之後就立即改觀!
首先佢個蟹皇味好皇，係可以張住個口既個種。
第二就係食到滿滿既蟹肉絲，唔係一咬就散開，而係一梳梳既。
叫左個菜清清地，本身冇咩期望，但意料之外，咖哩個味唔會搶走蔬菜新鮮既甜味。
砵酒雞份量極多，同埋D雞好明顯唔係求其貨色，件件肉嫩多汁，落足半隻雞比你食到唔同部位。
個汁帶有微微酒香而帶有甜味，好易入口係甘食!
1
叫條鱸魚既時候，完全冇諗過係原條上，大條到甘
魚肉質地偏鞋纖維粗，呢樣就未必個個都岩食。
佢個汁雖然係紅色，但個味就唔係茄汁或紅咖哩，反而係洋蔥味強!
乳豬飯!重頭戲!
呢道菜對於我黎講係好驚豔
乳豬皮脆不在話下、肥瘦適中、肉香油香係處於平衝狀態
個飯仲特別，係粉紅色的，有提子乾，酸酸地好開胃，同乳豬個油香MERGE埋，係天作之合啊!!!
