4
4人行過澳門玩, 順道搵探o下澳門朋友~
夜晚佢地帶我地去食正宗葡國菜~
一行6人叫o左好多o野食~
全部份量都大wor~
我最鍾意馬介休薯仔球~
真係炸得好好味~ 而且薯仔o既份量好o岩比例~ 唔會好實好硬~
馬介休份量又唔會太多搞到好咸~ 必食推介!!!
另一道好味o既就係海鮮燴飯~ 真係超足料超多海鮮~
而且好甜好好味~ d飯林得嚟又唔會爛到一pat pat~
大家都勁讚呢個燴飯~
鴨飯都好味~ 面頭有葡國腸~ 呢d咁咸o既腸一定要送飯食先得...
鴨飯又唔會話好咸~ 加埋碟底o既鴨肉真係好滋味~
白酒煮蜆都好正~ 新鮮得嚟又無沙~ 而且好大碟~
燒牛仔骨好香口~ 個邊脆脆地~ 唔錯~
仲有八爪魚沙律都幾特別~ 酸酸地~ 又唔會話好韌~ 平時都少咁樣食法~
呢度勝在唔多人...環境好舒服~ 同朋友一齊食飯傾計真係好開心~
