金利麵食

Open Now

Now Closed

週末去咗澳門玩，除咗試咗豬扒包同埋葡撻等等地道小食，亦都上網睇到呢間金利食店，聽人講最出名係咖喱雞米粉，一場嚟到梗係要試吓。去到門口見排晒長龍，就知道一定有返咁上下水準。好彩都好快有位，雖然地方比較淺窄，但係咁先至夠地道風味㗎嘛。坐低就叫咗個咖喱雞湯米，當然要大辣啦，碗野嚟到見到咁多辣椒油喺面就心諗冇死啦，就算唔夠味都起碼夠辣。食咗第一啖之後，我就知道自己諗多咗，除咗夠味之外，仲好好味，香濃嘅咖喱湯底配埋嫩滑嘅雞，食完一啖又一啖，好快就食晒，如果唔係見咁多人等緊位，又要趕住去賭場，我一定嗌多碗嚟食，而家有啲後悔，返到嚟香港都仲係念念不忘。