海島船葡國餐廳 (Closed)

原本睇咗openrice，諗住坐的士去覓食，點知司機唔識路，仲表示本地人會去海島船這間食肆，表示比較經濟。咁就變咗水魚！推門入去，只有一枱男人正在用膳，都照膽粗粗入去囉！看著餐牌，樣樣都好貴，最重要真的不太吸引。看了一會，老闆坐在身邊不斷介紹食品，最終好不容易先點了乳豬焗飯約MOP290，先著老闆落此ORDER，打算再看看餐牌才再ORDER，但老細唔肯走，好似一定要我們再點多樣食品。我心諗，兩個人叫一個飯，平均消費已經MOP150，好失禮嗎？唯有硬著頭皮再點了一道牛柳大蝦MOP188。點知，老細仲問我們飲咩，因沒有水供應，好唔情願點了一個椰青MOP38，老闆對於我們兩個人只點一樣飲品好像不太滿意！乳豬焗飯，乳豬皮脆，比港式的好食。但D飯偏凍，沒配料，只是橙色的飯，食唔出咩味！牛柳大蝦，賣樣超樣衰，件牛用了“嗱”粉，仲衰過排王之王同椰林閣，難食！大蝦好硬，唔鮮甜，以MOP188這個價錢，我覺得不能接受！食物唔係熱騰騰上枱，暖與冷之間，MOP500多，仲要加一，超唔抵！以這個價錢，相信有許多更浪漫的環境、味道更佳的食肆選擇！發誓不會再惠顧！