Video
Read full review
2010-10-24
96 views
打電話去訂位, 不過星期一晚人唔多, 餐廳只有一半full.呢間位於住宅區的餐廳, 就算路過, 睇個款, 都以為是會員制. 膽小如我, 若非得到傳媒介紹, 絕對唔敢推門入內幫襯.裏頭又真係飯堂格局, 勝在地方乾淨, 服務員好有禮貌.兩個人, 真係唔可以大龍鳯, 係咁意點了幾個菜.餐酒點了今期推介的Roquevale Tinto 2005, MOP160, 冇預期葡國酒的泥土味, 唔知唔做特價時幾錢呢?1. 薯仔青菜湯(MOP36), 老公好快飲哂, 連相都影唔切, 佢話湯裏頭有切薄片的葡式香腸, 比以前飲過同類湯惹味.2. 我點了蔬菜沙律(好似係MOP60), 個汁酸咗啲, 碟沙律的份量, 我諗係俾六個人食的, 唉, 兩個人......3. 燴牛舌 (MOP70), 好味好味好味, 若果炆多半小時腍啲啲仲好食添.4. 葡國雞(MOP65例牌), 呢個係無意中叫的, 本來我想叫非洲雞, 但老公話想試葡國雞, 我一向唔鍾意葡國雞陣椰汁味, 但老細出到聲咪遷就下佢囉, 點知呢度啲葡國雞落椰汁好輕手, 重香料味, 而且跟飯, 啲汁滲透入雞肉裏面, 真係好食到唔停得口.5. 木糠蛋糕(MO
呢間位於住宅區的餐廳, 就算路過, 睇個款, 都以為是會員制. 膽小如我, 若非得到傳媒介紹, 絕對唔敢推門入內幫襯.
裏頭又真係飯堂格局, 勝在地方乾淨, 服務員好有禮貌.
兩個人, 真係唔可以大龍鳯, 係咁意點了幾個菜.
餐酒點了今期推介的Roquevale Tinto 2005, MOP160, 冇預期葡國酒的泥土味, 唔知唔做特價時幾錢呢?
1. 薯仔青菜湯(MOP36), 老公好快飲哂, 連相都影唔切, 佢話湯裏頭有切薄片的葡式香腸, 比以前飲過同類湯惹味.
2. 我點了蔬菜沙律(好似係MOP60), 個汁酸咗啲, 碟沙律的份量, 我諗係俾六個人食的, 唉, 兩個人......
3. 燴牛舌 (MOP70), 好味好味好味, 若果炆多半小時腍啲啲仲好食添.
4. 葡國雞(MOP65例牌), 呢個係無意中叫的, 本來我想叫非洲雞, 但老公話想試葡國雞, 我一向唔鍾意葡國雞陣椰汁味, 但老細出到聲咪遷就下佢囉, 點知呢度啲葡國雞落椰汁好輕手, 重香料味, 而且跟飯, 啲汁滲透入雞肉裏面, 真係好食到唔停得口.
5. 木糠蛋糕(MOP18), 甜品就失手啦, 蛋糕明顯雪得太凍, 水多過奶, 水份仲雪成冰, 好嚡口, 不過收18蚊, 要求唔可以太高罷了.
下次要班馬去叫多幾樣嘢至得.
Post
