咖喱榮 (Closed)

望吓山望吓海Macau旅行，去完一輪買手信之後，好肚餓！是但喺新馬路搵啲嘢食住先啦。喺（營地）大街，俾派街招嘅阿姐嘅熱情打動，一於就去呢間咖喱榮試吓啦。咖喱榮正舖嘅另一邊，有另一個舖位，入邊有啲枱凳。order完之後就喺嗰度等開餐☺️，一等，等咗三四個字先上菜！其實餐廳都幾貼心，俾左對手套🧤我哋食豬扒包。豬扒唔係好厚，唔難𡁻；但豬扒有啲細骨要小心啲食，否則咬崩牙。麵包熱熱地都OK，飲埋一支熱嘅維他奶，呢餐感覺都幾圓滿。正當我等食豬扒包等到想發爛渣嘅時候，隔離枱不單遲過我落order, 到我個包上菜果陣，人們都差唔多食完走得啦！唉😮‍💨呢個故事教訓你，人哋嘅招牌都寫到明佢嘅招牌菜係咖喱，你就走去叫豬扒包，分明係想拆人招牌姐 （曲）🤪😂！下次，想食豬扒包，都係去返傳統果幾間食會比較正宗。又或者，黎咖喱榮，食返人哋出名既咖喱牛雜啦