15
2
0
Level4
224
2
2017-04-24 2263 views
《一次生,兩次熟》最岩就係用黎形容我地同《皇雀》之間既關係,第一次我地好多野傻豬豬,連有免費水都唔知,比錢叫左支水飲,到今次我地除左有免費水飲仲有埋9折添!CP值大幅提高!其實9折好易有!只要你去威尼斯賭場入面申請做金莎會會員就得,免費嫁,夠21歲入去就可以!因為呢間係米芝蓮餐廳,賴生爲左尊重場合,專誠研究左一下餐桌禮儀!首先,唔好自己拉櫈坐,要等Waiter幫你,跟住連餐巾都唔好掂,佢地會幫你嫁啦,之後佢就會比drink menu你,通常有mineral water同sparkling water,但都要錢嫁,只要你話唔駛佢就會比普通水你(免費既) (屈小姐就無理咁多,一心淨係等野食炸)之後,當你落左order叫野食,仲會有個免費脆餅籃拎黎比你食住等嫁啦!因為所有野都即叫即煮,大約要30分鐘嫁!當日我地叫左2個前菜,2個main同3份naan,班waiters就好緊張(因為有1個main 同naan係後加既⋯),佢地勁驚我地覺得佢地服務唔好,又或者啲野有問題,其實係我地大食者,我地見其他枱一般叫1個main同2份naan share嫁咋!所以佢地好驚我地食唔晒!咪傻啦,有賴生係度麻!
Read full review
《一次生,兩次熟》最岩就係用黎形容我地同《皇雀》之間既關係
,第一次我地好多野傻豬豬,連有免費水都唔知,比錢叫左支水飲,到今次我地除左有免費水飲仲有埋9折添
!CP值大幅提高!

其實9折好易有!只要你去威尼斯賭場入面申請做金莎會會員就得,免費嫁,夠21歲入去就可以!


因為呢間係米芝蓮餐廳,賴生爲左尊重場合,專誠研究左一下餐桌禮儀!首先,唔好自己拉櫈坐,要等Waiter幫你,跟住連餐巾都唔好掂,佢地會幫你嫁啦,之後佢就會比drink menu你,通常有mineral water同sparkling water,但都要錢嫁,只要你話唔駛佢就會比普通水你(免費既)
 (屈小姐就無理咁多,一心淨係等野食炸
)

之後,當你落左order叫野食,仲會有個免費脆餅籃拎黎比你食住等嫁啦!因為所有野都即叫即煮,大約要30分鐘嫁


當日我地叫左2個前菜,2個main同3份naan,班waiters就好緊張(因為有1個main 同naan係後加既⋯),佢地勁驚我地覺得佢地服務唔好,又或者啲野有問題,其實係我地大食者
,我地見其他枱一般叫1個main同2份naan share嫁咋!所以佢地好驚我地食唔晒


咪傻啦,有賴生係度麻
免費麵包籃
40 views
2 likes
0 comments
1)免費脆餅籃:⭐️⭐️⭐️⭐️


只要一落完order就會送,每次都唔同款既脆餅,今次果幾隻係條狀爲主,好脆!點上啡黑色個醬甜甜地幾好食!
印度烤鱈魚配秘制芒果酸辣醬
$148
56 views
1 likes
0 comments
2)印香燒鱈魚伴秘制芒果酸辣醬:⭐️⭐️⭐️⭐️⭐️

《皇雀》拎米芝蓮其中一個原因係佢既擺盤呀
,好靚又吸引到你既食慾


魚肉好實淨唔會散嫁!鱈魚味好出,配埋秘制芒果酸辣醬,酸酸甜甜又微辣,開胃又好味!
烤黑胡椒有機蜂蜜羊肉串
$108
54 views
0 likes
0 comments
3) 烤黑胡椒有機蜂蜜羊肉串:⭐️⭐️⭐️⭐️

老實講,碟野同我地想像中既唔一樣,我地原本以為係一串串拮住既羊肉串,但係佢係免治羊肉煎出黎既肉卷
 羊肉味都有既,而且唔酥!而黑椒辣辣地配埋蜂蜜既微甜更加突出左佢本身既羊肉味,整體不錯,我地都幾鍾意!
印度洋蔥燴羊小腿
$158
73 views
0 likes
0 comments
4) 印式洋蔥燴羊小腿 : ⭐️⭐️⭐️⭐️⭐️


呢道菜就係第一次我地黎食果陣已經覺得驚艷既菜式!
羊小腿炆得超淋,一刀切落去就骨肉分離,最正既係佢連D筋都煮淋埋
,賴生同屈小姐都爭食筋位呢!(謎之聲:賴生明明想比屈小姐食晒嫁麻,但被強逼進食⋯
)!

加上個醬汁惹味,微酸但辣勁凌厲,辣味當你吞落去先係喉嚨湧番上黎!超正,點Naan一流!
(雖然今次個辣無上次咁辣,同後勁咁凌厲,不過都好好味!)
印式焗牛油雞
$118
56 views
0 likes
0 comments
5)印式牛油雞 : ⭐️⭐️⭐️⭐️⭐️


呢樣就係我地追加既小菜,旅行大食症又發作啦!係咖哩雞同牛油雞既選擇下,賴生揀左牛油雞,因為未試過麻!
果然冇揀錯,個牛油雞好正哦!!


本身有6大件去左骨既雞件,又滑又啖啖肉,雞味亦濃郁冇雪味!超得


更特別係佢個汁,比一般咖哩更杰!牛油融化晒係個汁入面,香得黎又令個汁起砂,食落好滑口又帶粒粒口感,好特別!另外牛油令個汁好香甜,甜得黎又唔會遮到個辣味,好岩唔太食得辣既人試
!而且因爲呢道主菜,我地專登叫多份Naan去點佢黎食,實在太好食啦!


點解我地會話一次生,兩次熟呢?因為第一次去見到個餐牌有幾種Naan,有選擇困難,而我地係好想試晒嫁,奈何我地個胃空間有限!順帶一提呢度既Naan清一色$38一份!
為左避免同一情況發生,屈小姐早於出發去澳門前已經細心做定功課,研究定唔同Naan既分別 (所以話,為左食,屈小姐真係會比200%心機架
,就等我地比D意見你啦⋯⋯
(識少少係度扮下代表先
)
印度茴香松餅
$38
51 views
0 likes
0 comments
6)印式茴香飛餅 Qarqui Paratha:⭐️⭐️⭐️⭐️

飛餅係由印式餡餅轉變過黎,係將餡餅摺疊多幾層營造有幾層酥既層次,所以個餅係咁多中入面最脆嫁!
不過茴香味唔夠同埋只有2塊,除非你真係好鐘意脆既口感,如果唔係單食就一般,點醬食還可以!
印式餡餅
$38
57 views
0 likes
0 comments
7) 印式餡餅 Kulcha (Amritsari): ⭐️⭐️⭐️⭐️⭐️


而餡餅就由Naan進化出黎既,係Naan入面加入要夾既餡,塊餅係由2層餅皮形成,中間係可以打開既,所有餡料都晒中間入面!D餡基本上唔會跌/甩出黎嫁!

呢度既印式餡餅唔錯嫁,有4塊,口感亦偏脆,但冇飛餅咁脆,味道就比飛餅好
,就咁食又得,點醬食都得!我地叫呢個就包左幾種餡係入面,有蔥啦,洋蔥等等,都幾香好惹味!
風乾蕃茄辣椒Naan
$38
52 views
0 likes
0 comments
8)風乾蕃茄辣椒乾Naan:⭐️⭐️⭐️⭐️⭐️


我地一致認為呢款係最好食既! Naan就只係得1層分唔開既,咁D料點加呢?就係就咁鋪係Naan面,口感就係最軟熟果隻!

佢最好味既原因係:本身味道已經好正!風乾蕃茄酸味好出,配上辣椒乾,酸酸辣辣好正!
,當然,點醬食又另一味風味!




最後,我地叫得多過上次,但反而仲平呀,CP值大幅提升!雖然食唔到屈小姐本來想食果個石榴撻,因為太飽啦
屈小姐同到賴生一齊食到咁多好西,食少個甜品又有咩所謂呀!最緊要見到賴生食飽飽個滿足樣!不過賴生應承屈小姐,下次請你食番


#值得拎米芝蓮

#另一澳門必食餐廳

#旅行大食症後群

#謝謝妳的溫柔體貼

#食辣食上癮

#真心推薦

#Fine Dining
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2017-03-21
Dining Method
Dine In
Spending Per Head
$320 (Dinner)
Recommended Dishes
免費麵包籃
印度烤鱈魚配秘制芒果酸辣醬
$ 148
烤黑胡椒有機蜂蜜羊肉串
$ 108
印度洋蔥燴羊小腿
$ 158
印式焗牛油雞
$ 118
印度茴香松餅
$ 38
印式餡餅
$ 38
風乾蕃茄辣椒Naan
$ 38
  • 印式洋蔥燴羊小腿
  • 印香燒鱈魚伴秘制芒果酸辣醬
  • 風乾蕃茄辣椒烤餅
  • 免費脆餅籃