黃枝記

Open Now

Now Closed

一直都對呢間麵館的蝦子撈念念不忘。呢間麵館風光時期喺中環有分店，可惜而家風光不在，已經撤出香港市場。近日嚟到澳門旅遊，特意嚟到呢間麵館，原來對上一次試到呢間麵館的手勢已經係七年前嘅事。呢間麵館位於著名旅遊景點議事亭前地，基本上就唔難搵。一如以往員工就冇乜招呼，亦都唔會算坐得太舒服，不過入面嘅裝修都係行古典風，別有一番風味。咁我本人當然就叫咗一份蝦子撈麵，味道同七年前一模一樣，仍然維持高水準，一啲鹼水味都冇，美中不足嘅係份量太少 。整體嚟講，我仍然覺得值得一試。