Read full review
2017-04-09
1430 views
又發作啦又發作啦！屈小姐又話要去見小四啦賴生唯有再帶佢去澳門見佢啦 - 《安德魯》既葡撻（其實賴生都好想食）雖然我地唔係澳門人，但點解屈小姐都會迷上呢個小四既呢？好簡單⋯因為係澳門都鼓吹《瑪X烈》同《安德魯》2間葡撻既對決！不過，第1次由賴生同屈小姐親身試過之後，高下立見！論蛋漿同撻皮都係《安德魯》贏九條街！食過咁多次安德魯既葡撻，我地發現左要食到澳門最好食既葡撻，必須符合以下條件：第一： 地點 - 要去威尼斯人舖頭外面果個銷售counter 解釋：除左上述地點，基本上其他地方既保溫能力較差，例如總店佢但求應付繁忙既人龍，所有葡撻會預先入袋⋯紙袋未能透氣，焗晒D油出黎，撻皮因而會淋左，黏死晒，而威尼斯人舖頭既員工亦因爲做到滑晒啞，即使有新鮮出爐既葡撻，你要求佢比果d你⋯佢都係照舊堅持《先入先出》既售賣手法，比個唔新鮮既你第二：運氣 - 遇上真正出爐既時間！（新鮮出爐唔需要解釋啦～）第三：禮貌 - 客人係人，員工都係人！解釋： 你要求人地比新鮮出爐既你，係你有求於人，依照員工守則，人地係要《先入先出》嫁，所以客氣D比D禮貌，同埋睇準時機冇乜人埋去先問人啦，人多既時候員工都好難做假如你完成
雖然我地唔係澳門人，但點解屈小姐都會迷上呢個小四既呢？好簡單⋯因為係澳門都鼓吹《瑪X烈》同《安德魯》2間葡撻既對決！不過，第1次由賴生同屈小姐親身試過之後，高下立見！論蛋漿同撻皮都係《安德魯》贏九條街！
食過咁多次安德魯既葡撻，我地發現左要食到澳門最好食既葡撻，必須符合以下條件：
第一： 地點 - 要去威尼斯人舖頭外面果個銷售counter
解釋：除左上述地點，基本上其他地方既保溫能力較差，例如總店佢但求應付繁忙既人龍，所有葡撻會預先入袋⋯紙袋未能透氣，焗晒D油出黎，撻皮因而會淋左，黏死晒，而威尼斯人舖頭既員工亦因爲做到滑晒啞，即使有新鮮出爐既葡撻，你要求佢比果d你⋯佢都係照舊堅持《先入先出》既售賣手法，比個唔新鮮既你
第二：運氣 - 遇上真正出爐既時間！
（新鮮出爐唔需要解釋啦～）
第三：禮貌 - 客人係人，員工都係人！
解釋： 你要求人地比新鮮出爐既你，係你有求於人，依照員工守則，人地係要《先入先出》嫁，所以客氣D比D禮貌，同埋睇準時機冇乜人埋去先問人啦，人多既時候員工都好難做
假如你完成到以上三個條件，恭喜你可以有幸品嚐令屈小姐醉心既小四
小四真面目：
葡撻
$10
38 views
0 likes
0 comments
做到一層一層既口感，超過十層不但止，每層既厚度係唔會過1mm嫁，仲要勁酥脆，牛油味仲好突出，撻皮拎5星絕對係當之無愧！
蛋漿：⭐️⭐️⭐️⭐️⭐️
蛋漿多得黎夠晒滑！蛋味濃郁，你一咬落去個蛋係滑到想漏出黎，口細D都驚漏走！
味道：⭐️⭐️⭐️⭐️⭐️
滿分！甜度適中，唔會死甜到遮晒蛋味，佢既蛋反而帶番蛋味出黎，而且佢既甜度係令你覺得好舒服好match既甜味，唔會甜到你食完唔想食!呢個葡撻用黎做飯後甜品一流，定力少D都隨時追住黎食，一次食夠3-4個
如果你黎澳門冇食佢，你張船飛真係晒左⋯
難怪⋯屈小姐會有小四
#要接受你有小四既事實
#只想要你快樂
#澳門第一葡撻
#澳門必食之一
#真心推薦
#新鮮出爐真係要講運氣
#每日一個
Post
