Video
Above information is for reference only. Please check details with the restaurant.
聽講千色匯開咗新台灣嘢叫小胖台灣麵，是晚就同朋友嚟試下佢先😋八點左右嚟到，雖然唔使等位，但店內都坐滿人，氣氛唔錯喎。快快脆脆掃code落單先，麵食選擇幾多，唔想食麵嘅話都有幾款便當，食台灣嘢當然要有台式嘢飲添啦。⭐招牌三寶牛肉麵朋友叫咗個招牌三寶牛肉麵，賣相唔錯喎，好足料滿滿一大碗，三寶就係牛肉、牛筋、牛肚，仲有紅蘿蔔、白蘿蔔、青菜等配菜，色香味俱全。牛肉軟淋入味，蘿蔔好清甜，湯頭帶有濃濃嘅蕃茄味，仲有少少辣味，鹹甜酸辣好好飲，麵條又有咬口，吸滿湯汁勁好食🤤朋友話正到冇得彈，連湯都飲曬。⭐雞排皮蛋醬滷肉香蔥乾拌麵自己就叫咗乾拌麵，麻醬、川辣同皮蛋醬都想試，見皮蛋醬比較少見就先是皮蛋醬啦。雞扒好大塊，新鮮炸起勁香脆，入面嘅雞肉多汁又嫩滑，好食喎😋皮蛋醬顧名思義有皮蛋啦，先有伴碟嘅原塊皮蛋，仲有切碎咗混埋喺滷肉醬入面嘅皮蛋，鹹香鮮味，用嚟拌麵真係好正🤤而且仲有一大堆青瓜絲，個清新感正好去膩，食曬成碟好滿足🤤⭐夜市鹽酥雞食台灣嘢當然要叫埋台式小食啦，但呢度冇我最鍾意嘅台式香腸，咁就叫咗次選鹽酥雞，同樣係即叫即炸，酥脆香口，真係有鹽酥效果👍⭐柑桔檸檬 & 珍珠烏龍奶茶最後就係台式飲品，朋友話佢今日想飲熱嘅，叫咗個柑桔檸檬，自己就要咗珍奶，見佢餐牌有珍珠奶茶同珍珠烏龍奶茶，咁就要個後者先，因為自己比較鍾意烏龍茶，奶茶好香滑，不過珍珠就稍為淋咗啲，可能因為太夜喇。食咗咁多嘢都係200蚊左右，都幾抵食喎👍
continue reading
小胖台灣麵喺元朗都開咗分店啦😍😍探家姐順便約佢食晏🍴餐廳喺千色匯地下，夠哂方便又易搵🤟🏻堂食位置都幾多，坐得又舒服，nice❤️🔹半筋半肉紅燒牛肉麵紅燒牛肉份量十足，肉質紮實有嚼勁，搭配滷至軟嫩嘅牛筋，再飲返啖濃郁厚實嘅紅燒湯頭，配Q彈麵條，絕佳嘅組合🌟🔹鴨屎香手打檸檬茶鴨屎香風味出眾，味道奇香～以手打手打檸檬茶製法，酸中帶甜，飲落舒爽又清新🍋🔹濃•番茄大骨湯麵可以自選配料，手切封門柳嫩滑鬆軟；台南蚵仔肉卷咬開有Q彈蝦肉、豬肉等，口感豐富；竹笙鮮香綿軟～配香濃蕃茄大骨湯，濃厚好夠味😋😋🔹珍珠烏龍奶茶烏龍奶茶茶感濃厚甘醇、焙火味濃，配滑溜飽滿珍珠，超滿足😌🔹香香炸雞排炸至金黃酥脆，咬落滑嫩多汁，啖啖肉超juicy💁🏻♀️小胖台灣麵✨📍元朗元朗教育路1號元朗千色匯地下25-26 & 61號舖
continue reading
今日又做孤獨的美食家，放飯又係元朗搵下新野食，今日行到黎千色附近見到呢間新開無耐既小胖台灣麵，聽過話d質素唔錯，係門口睇下d價錢又唔算好貴就試試啦。入去坐底見到餐廳面積都幾大，坐位都幾舒服，睇下餐牌主打都係台灣牛肉麵，仲有d自選配料好似食車仔麵咁揀湯底揀餸，飲品方面有台式手搖飲品選擇，跟餐加錢就可以了，落單係用QR code落，唔識用可以剔點心紙。半筋半肉紅燒牛肉麵碗麵都算幾大碗，牛展係切成一條條，煮得都好腍，腍得黎唔會爛，另外仲有幾舊仔牛筋，配菜有紅蘿蔔白蘿蔔煮得都幾入味，湯底黎講都好甜，不過多多少少有味精，麵係粗身既台灣麵，質感有d似手打烏冬，都算爽口彈牙。甘梅脆地瓜為左試多樣野就加多款小食，追加小食都係加十幾蚊，呢份炸蕃薯黎到熱辣辣，新鮮炸起，蕃薯本身都好甜，表層再加左d梅粉增加風味，呢個幾推薦。冬瓜茶飲品揀冬瓜茶唔洗加價，凍熱都得，不過幾甜下，怕甜要叫少甜。整體黎講今日食呢餐好滿意，平時食到既台灣餐廳好多都貴又唔好食，今次呢間可以推薦下，一邊食一邊都聽到旁邊食客係度讚，証明都好多棒場客。
continue reading
元朗千色台灣菜麵食✨✨✨✨餐廳環境清新光明，有可愛的公仔做頭像，座位也坐得舒服寬敞，食物方面以拌麵和台灣麵為主，更有台式飲品。《招牌三寶牛肉麵》$96餐廳的招牌菜式，牛三寶的台灣麵，包括有牛腩、牛筋和牛肚，牛腩是帶著筋，咬下去是非常軟淋，軟淋得來又有彈牙的感覺，而且入味！👍🏻👍🏻👍🏻《小麵攤麻醬黃瓜乾拌麵》$68配搭雞排，放在乾拌麵上的雞排是酥炸那一種，外層酥脆，雞肉嫩滑，切成一口的大小，且份量也很多，而乾拌麵是暖暖的，配上大量的青瓜和麻醬汁，另犀開胃！《五味醬伴茄子》$ 28小食中有很多炸物，當中這款五味醬伴茄子，有著清新又惹味的醬汁，加上條條茄子都是軟綿綿，沒有澀味。《珍珠烏龍奶茶》$ 14《白桃珍珠烏龍茶》$ 13飲品方面有多款台式特飲。
continue reading
喜歡吃台灣麵的要試試這家還原度不俗，挺有台灣風味心水推介是這𥚃的雞排雞皮炸得十分酥脆，肉質卻是嫩嫩多汁單單是為了炸雞排已值得一吃再吃乾拌麵也很不錯我點了滕椒川辣滷肉乾拌麵滕椒油是不是台灣料理說真的我不太清楚只是因為喜歡吃辣就試試這個辣勁十足是挺過癮的拌料除了滷肉還有大量青瓜絲麵條煮的稍軟，個人喜歡硬一點招牌三寶牛肉麵紅燒湯帶點點辣勁相比起台灣的少了點甜味三寶的牛肉牛筋和牛肚份量特別多如果可以再煮入味一點更佳新竹米粉口感爽爽的，超喜歡麵食可加錢換購餐飲及小食選擇不少的特飲可選甜度和冰量也算很貼心了小食的梅粉地瓜球新鮮炸起來這個很有台灣夜市的味道這樣大概$80-$100一位我不會說很便宜但味道和份量算是值回票價想吃台灣料理時我也會想起小胖
continue reading