Video
Above information is for reference only. Please check details with the restaurant.
新鋪位置係大馬路，十分就腳。而空間亦比舊鋪大好多，坐得舒服。雖然通脹高企，但這裡飯餐都保持$28蚊水平，又有湯/豆漿飲，已算抵食。今次點了素乳豬同羅漢齋,素乳豬外形真的好像真乳豬，食落仲可以食到好似咬乳豬皮既口感，而肉當然與真乳豬有很大分別啦。至於羅漢齋有好多款配料，有豆卜，木耳，磨菇等蔬菜，加亢美味醬汁，用來撈飯就最好食。至於媽要了麒麟卷，麒麟卷的外皮是腐竹皮，煎得脆卜卜又香口，麒麟卷裡面有素肉絲和大量榨菜絲，咸咸香香好惹味。雖說呢度你素食食店，但個人認為味道一點也不淡淡，而是充滿香味。而個人認為這裡的食物份量不少，幾本上一個餐兩人分都可以了。
continue reading
今日最後一次係舊舖午膳了. 從我一年多前調到大埔工作開始, 每星期總有三, 四日幫襯多利民的, 九成以上間都係去舊舖; 新舖雖然好坐一點, 試過五六次堂食或者外賣, 唔單只食物冇咁好味, 比較油膩, 火喉冇舊舖的師傅控制得咁好, 加上樓面都相差好遠, 新舖柯打亂得難以置信, 舊舖姐姐一個人睇晒成間舖都唔會出錯, 雖然間中多人或者遇到麻煩客會有少少面黑同忟憎, 不過整體都值95分. 優質廚房師傅加上醒目樓面, 難怪長期坐滿人客. 可惜舊舖做埋今日了, 希望班姐姐原班人馬可以係新舖再見啦!
continue reading
好少素食係咁小食店feel的(直頭似香港8x果d style), 最初見到門面都係抱住試試的心態,點知一係唔食, 一試, 嘩好好食, 特別係果個乳豬...真係勁好味 (未返到屋企都俾我一路行一路食晒)..., d老火湯又好好味 (應該無味精的, 因為我飲左好多都無口渴!), 重有小菜, 勁夠鑊氣, d呀姐好好人的, 勁力推介呢間小店 - 最好係唔算貴, 又勁好味!~~ (就算唔係食素的, 都唔會覺得好口寡寡咁!)
continue reading
一大清早，紅叮沒有東西可做，唯有出去大埔壚食個早餐吧～其實這間多利民素食都好像開了數年，我學生時代也見它的存在～素食！？紅叮也沒有在這裏食過～今次光顧一下～店內很細小～店內放滿有關佛教的資料～紅叮坐下叫一個炸菜素肉絲上海麵，前蛋方飽，一杯凍檸茶～早上客人只有我和另一名食客～先上一杯飲品，飲一啖，很淡呀～不過紅叮都預左～因為這裏不算是茶餐廳～炸菜素肉絲上海麵都算清淡，沒有太多油～素肉絲的味道還像肉絲味～煎蛋，在碟沒有油啵～難道呀～麵包也只是普通方飽，不說也可以～埋單２０元，如果想食清淡一點這裏也不錯～
continue reading
本身都經常會到此食飯，所以佢大部份的素菜都試過，難得款式甚多，而且款款味道都好好味，我個人最喜愛的是黃花魚、藕餅、海草、麒麟卷.......而且可以某些款式選三併 / 雙併，最適合我這些多心的人 。不過始終鋪位細 ，坐得唔係太舒服都幾迫，所以最多兩三個一齊去，唔係就好難搵位。
continue reading