譚家魚翅

Open Now

Now Closed

剛落船而酒店又未可以check in前不如醫醫肚，同行友人提議食翅！ 初時以為佢講笑，點知佢真係拎出一張譚家魚翅的地址影印本來！嘩，剛到步就「豪食」魚翅，突然間心入面有股虛榮感湧上黎！落車後我地一行４人箭步直上２樓（好彩岩岩有一檯客人走，所以我地唔駛等位），即急不及待睇下menu揀選心頭好！這間譚家魚翅真是名不虛傳，夠抵（約$68左右一個石頭鍋盛載的大煲翅）又好食！ Ｄ魚翅足料之餘個湯底又杰身，口感夠晒rich，食得出有豐富骨膠原而冇味精，真係超好味！

今次係氹仔落船，近近地黎官也街食個翅先去酒店 check in。譚家魚翅位置原來幾易搵，但店子狹小，店員阿姐又無禮貌。好在石窩魚翅味道香濃，上枱時熱辣辣，不停爆住 “泡泡”，冬天黎食一定更正。湯底 “傑” 得黎又唔會太 “黏口”，鮮甜香濃，魚翅足料，加埋芽菜一齊食，口感好正。如果大家唔介意服務和環境的話，便要試下譚家啦~~

早前媽媽去完澳門, 說友人極力推薦這家譚家魚翅.其實去年在新馬路吃過一次另一家魚翅劣食後, 不打算來澳門再吃魚翅,不過是媽媽推薦的, 反正這次住氹仔, 不太遠, 就試一次吧.來到官也街, 行到盡頭再轉右行3,4個鋪位就到了, 不算難找.上了2樓, 人不算多, 不用等位.看看餐牌各種不同價格的都有, 由50多元到千多元的都有.我們不會花太多錢吃魚翅了, 就決定點一個便宜的, 一個中價的.先來是$68的花膠海參中鮑翅不到5分鐘便上桌了, 相當快.比想像中小, 湯底比較傑魚翅....很散呢, 不太像樣, 花膠也頗硬不太喜歡這個另點了個$168的珍珠金鮑翅大小跟$68的一樣, 湯底也是比較傑, 不過我們喜歡濃味一點, 覺得正好.這次的魚翅比較像樣, 一整排的, 也很多這個明顯地好吃多了.不過吃完這次, 感覺寧願拿同樣的錢去試其他地道食物比較化算.

上回食譚家魚翅嘅時候無寫食評, 今次補數! 翅湯芥蘭 - 芥蘭好新鮮好腍, 唔錯!牙揀大鮑翅 - 雖說大鮑翅, 不過個翅又唔係相像中咁大梳, 不過個翅湯好濃! 好味!譚公海蔘魚鰾 - 魚鰾=魚肚, 炸過唔易散, 海蔘好滑!魚翅撈飯 - 聽得多魚翅撈飯, 今次第一次食, 真係好好味喎! $38一鍋熱辣辣上枱. 雖然唔係好大梳翅, 但係呢個價錢, 真係抵! 朋友嗰鍋重有瑤柱添呀! yummy !鮑羅萬有 - 真係包咗唔少嘢呀! 鮮鮑, 海蔘, 鮮蝦, 花菇, 鯪魚球, 瑤柱....等等! 正!

食埋今次無得食lu!!因為基於環保既緣故...我地要鍚住佢地^^"來親澳門我都一定會去氹仔食譚家魚翅 可能我要求低~叫個平平地既魚翅過口隱就算~不過我覺真係好正!!!佢用個煲滾住出來~比$38做咁多功夫~~抵到爛啦!!而且放入口甜甜地...如果想飽肚可以加埋個飯架~lo飯仲正lei~~~~~不過service 就ma ma!!!!!我地去親都好小人幫襯~可能偏離食街~個度d staff 係咁sell 你食貴野!!想試下其他又話無~~奇奇怪怪咁~~~不過唔理啦~~食左先算

港人到氹仔，不得不到官也街湊湊熱鬧，吃杯榴槤雪糕也好，買些手信也好，在附近的告利雅施利華街亦蒙受其利，有一所店舖，樓下做零售，樓上是食肆，售賣的都是鮑參翅肚。通過一條狹窄的樓梯上閣樓，看到用瓦片砌的屋頂，地方祇得數張檯，頂多可容納二十幾人。今午已擠滿了人，服務員要我們在一小檯與另外兩位人客搭檯。看過餐牌，價錢看來有平有貴，便宜至幾十塊錢也有交易，當然不可能有甚麼要求高質素，點了花膠瑤柱天白花菇$48，日本關東刺參$48，魚標鵝掌天白菇$28，菜膽雞炖翅$38，花膠海參中鮑翅$68，鮑魚撈麵$38，不久服務員回報頭三樣都賣清，怎也好，有甚麼便吃甚麼。不久，大檯的人客離開了，我們轉了檯，坐得較闊落。菜膽雞炖翅是用盅上，菜膽不是白菜膽，是一條菜心，有一小梳的幼翅和雞肉，湯味濃郁，算不錯，花膠海參中鮑翅用韓式的石頭鍋上，下墊木座，煮得很熱，像是個溫泉，不斷在冒泡泡，所謂花膠是一兩片很薄的花膠，找不到海參，中鮑翅也不像樣，與先前的菜膽翅的小梳翅一模一樣，湯底很稠，像糊仔，應是打了粟粉獻，湯味一般，吃到底，石鍋的熱力把茨汁燒乾，鮑魚撈麵祇得一箸麵，應撈了蠔油，伴一隻約五元硬幣大小的鮮鮑魚，食味一般

果日响官也街，禮記無開，唯有選譚家。上樓上見人地食緊啲佛跳牆幾靚仔，但因為我地跟住就食晚飯，所以都係淨食翅。選了一個98同一個68，68的當然少翅啲，98果個都見到兩群仔。但係個湯好杰，我就唔鍾意囉，好似食"獻"咁。呢間我唸我都唔會encore了。滿有期望去食翅，去完呢度就唔會再恨要食，唔知好事唔好事。

由澳門去到氹仔~加上仲打緊風~風大雨大唔知去邊度食嘢好~噚日已經食左翅~不過男朋友今日話仲想食多次~Fine~打電話去澳門間舖問佢氹仔有冇分店~原來有既~即管去試下...其實無噚日抱咁大期望~因為之前上網已經睇到好多都話唔好食~一入去...上樓上坐低~店員一介紹就叫我地食$688個翅~嘩~全店最貴果個...我咪話唔想食咁貴...但佢繼續sell我食$3xx果d~跟住唔鬼睬佢...自己叫~跟住旅遊書仔叫左『有米佬泡飯』同『石鍋中鮑翅』~上檯望個樣都好似幾吸引嘅~但一食就知龍與鳳~多味精~味道偏鹹~食完勁口渴~終於明白點解咁多人話唔好食!!!

我一家order了石窩中飽翅($55)同聚寶佛跳牆($98)。翅雖小但起碼都見到一梳梳的小翅，好過達榮搵笨翅裙邊，湯汁較濃，其實用石窩離火後仍會繼續滾，可以校稀點待它自然收杰，個人口味偏鹹，可以接受，但大家要有心理準備，食完後會口渴。聚寶佛跳牆頗足料，一百蚊唔駛仲想點？仍是老毛病---湯汁較濃！

ｄ翅既味ｏｋ，都算見倒一塊塊的小翅，好過達ｘ既搵笨翅邊／翅裙，不過同意樓下所講，唔同價錢既翅，其實份量都係差唔多，所以大家試就詆２０蚊果個就算了。食完後好口渴，大家要有心理準備。

Too bad~～都唔知自己食緊d咩aa....翅湯入都有d海心絲...不知所為...海心同翅可能係個好配搭但係咁細條..有咩人食得出lo...得個平字...好心你就有貴少少..比d功夫去做好你既翅na...專賣平投機取巧等人人都去試...你要睇下有冇第2次得+....

興之所至，走進此店。1中飽翅翅雖小但頗滑爽，翅湯中有幼細海參絲，因其小巧未能帶來任何口感，聊以增加視覺效果而已。湯汁是最叫我失望的：是湯底太濃? 調味料下手太重? 第二口湯後，我已只好以魚翅加湯撈飯，自行嘗試其他食法，及中和口渴的感覺。2翅湯浸菜心菜心鮮嫩，淡啡黃的翅湯使我想起魚湯。吃不出翅湯真味，如視之為魚湯浸菜心，這道菜還是可以的。3白切雞富有雞味，肉質頗滑，有吸引人多吃的咸香。整體而言想一嘗魚翅撈飯，不妨一試，價錢豐儉由人，我所處的是澳門蓬萊街的分店，現埸觀察所得，所有翅都用韓國窩上枱，半小時都能保暖，不同價錢(我和家人吃的是50至60多元），翅量同大小相差不大，在現今市現況之下，平平地幾十蚊食吓翅，就當為自己同至愛親朋打打氣吧。後記:認識此店乃因找祥記不果問路的緣故，派譚家魚翅傳單的大嬸羲不容辭帶路，大嬸帶路安抵祥記，臨別之時，當然給我送上自家店舖宣傳單以後會有期。沒有絮絮不休為自家店宣傳推廣，只是閒聊澳門的人和事，分別時帶笑遞上宣傳單，這些都是久違了的人與人之間萍水相逢、適可而止的親切。

睇報紙話好多人食, 今日特地去試,入到去個侍應服務態度超冇禮貌(可能我地唔係遊客). 至於味道, 真係食唔出自己食過魚翅,只記得好鹹 我地叫左兩個來試, $55 石窩中鮑翅同$88 有米佬泡飯$55 石窩中鮑翅, 個湯超濃, 翅同poster睇的距離好遠,一早預左有出入,所以大小係問題.但魚翅味道被濃湯蓋左.食完後唔覺自己食過翅,$88 有米佬泡飯, 超鹹, 好重味精. 兩者的湯底都飲唔出有雞味, 而且特顯唔到魚翅味道, 真係懷疑係唔係老自號, 我地離係為食魚翅, 但食唔到魚翅味道覺得失望.

行行下見到... 見佢咁平所以試下佢d魚翅可能因為冇咩希望, 所以有驚喜!個湯好"濃", 多唔多味精我就唔多知啦.. 但都幾好食..但係佢樓上真係迫左少少! 下次有機會都會同朋友去食下.,. 平平地食個魚翅都唔錯吖最後我買左外賣返香港.. 覺得加水再煮好食D..

今日經過見到呢間譚家魚翅, 大大張 poster 有D價錢好吸引嘅煲仔翅, 大部份低過 $100, 抱住試一試同食街邊翅嘅心態入去叫咗煲 $55 嘅兩両石窩魚翅.....點知一食成個人呆咗一陣, 一時之間嚟唔切有反應咁, 個腦就不斷諗番以前食翅嘅感覺同味道, 點解會咁.....咪就係呢窩所為嘅魚翅比咗D新體驗我.1. 窩魚翅入面有湯, 不過個湯底係同南瓜露冇分別, 或者茶記嘅白汁忌廉.....濃到已經唔可以再叫做湯, 用汁嚟形容會好D.....同埋我想飲湯唔係飲 "汁"2. 湯嘅味道, 唔知用咗幾多嘅味精, 如果真係用真材實料睇嚟比多十倍價錢都食唔到咁 "濃" 嘅湯底.....飲酒時嘅翅 (芡) 仲好個佢3. 窩入面係有一定份量嘅翅 ($55) 同其他配料, 不過已經食唔出有D乜味.....4. .....寫唔落去, 大三巴對面嘅街邊翅好少少其實翅本身冇乜味, 如果個湯底做得唔好嘅話就白白浪費咗D翅.....如果係要收我 $55 食呢窩嘢, 不如唔好比翅我, 正正經經就咁用D雞, 金華火腿, 其他配料煲一煲湯比我仲好, 好過攞住 "魚翅" 個名煮煲 "汁" 比我