馬慶康南天咖啡室

Open Now

Now Closed

8-8-2009天氣太熱,「餵相機」「餵」到身水身汗, 行返出三盞燈後胡亂入了嚟呢間冰室, 一人一多士及凍飲.凍奶茶原來係無冰的 "Kowloon Dairy" 樽仔奶茶, 飲落好滑, 茶味香濃, 茶 vs 奶比例平衡, 超級好飲! 比已經好掂的灣仔金鳳 (http://www.openrice.com/restaurant/commentdetail.htm?commentid=116050) 更更更掂, 極力推介! 「薰鴨多士」即煙鴨胸治烘底: 麵包烘得鬆脆, 煙鴨胸唔多「煙」, 不過好嫩又好 juicy, 意料之外! 咁樣食煙鴨胸法都係第一次, 不過效果唔錯, 可以一試.朋友飲凍檸蜜 + 食腿蛋多士, 唔知又如何?呢度係澳門通街都有, 香港就買少見少的舊式茶記, 衛生認真麻麻, 仲有食客吞雲吐霧, 食完快閃好了.下次過澳門又有機會嚟的話, 試埋凍咖啡都好.P.S. $25 只係約數, 我都唔記得埋單幾多錢...

去澳門值得去吓, D奶茶同咖啡真係好正, 佢係冰鎮奶茶果隻, 比起其他香港茶餐廳, 美心都無佢咁好味喎. 另外, 值得提吓, 佢吔入面掛咗張字畫, 已經有好耐歷史, 問吓個老闆先知原來係孫中山時期已經開店, 仲從南京搬到澳門添, 真係一間老店. 同香港依家較為現代化經營d茶餐廳比起黎, 佢吔就有份懷舊感覺, 已經係香港消失咗搵唔到呢,

有次我個澳門朋友帶我來的 , 他說這兒是家庭生意一共有五個女(一個仔) , 大多數都是太子女幫手, 我見過都幾好人 , 原來這兒都有幾十年歷史 , D 野唔係太貴 , 最出色的一定是豬扒包同豉椒排骨炒面 , 加一點辣椒油仲正 ! 至於飲品方便一定是涷奶茶 (最出色) ! 朋友說值得推介給香港朋友 ,