22
6
0
Telephone
+853 28590161
Introduction
The well-established Macao Tea Restaurant provides a variety of nostalgic cuisines, with the aim of using simple ingredients to bring the authentic taste of Macau. The Beef Fried Noodles with Fried Egg and Crispy French Toast are the most popular. The frozen milk tea in the tea restaurant is contained in glass bottles, and the tea taste is particularly strong.
continue reading
Opening Hours
Today
07:30 - 18:30
Mon - Sun
07:30 - 18:30
Above information is for reference only. Please check details with the restaurant.
Recommended Dishes
嚟到澳門第一站揀咗呢間咖啡室食早餐🌞可能因為係平日加上過咗繁忙時段，所以唔洗等位就入得，好好彩✌🏻✌🏻鋪頭位置唔多，嚟食就要有心理準備要搭枱🙈✴️煎蛋蕃茄芝士包✴️名副其實有齊煎蛋、蕃茄同芝士，全部材料夾喺脆豬入面～驚喜就唔算有，但隻蛋煎得好靚仔，食嘅時候蛋汁爆開，都幾有feel🙈✴️阿華田脆脆西多士✴️肥仔西多士真係抵擋不了😈面頭嘅阿華田脆脆好似唔洗錢咁，淹沒咗塊西多士！切開入面竟然有芝士餡，真係太邪惡了🥹
continue reading
一日之計在於晨，咁梗係要食個早餐啦！資料蒐集顯示，我哋應該食一間傳統嘅餐廳嘅早餐，所以就揀咗佢！由於我哋一日要食幾餐，所以我哋都係嗌咗少少嘢食咗先試試～咖喱腩蛋菠蘿包 - 原來而家早餐已經要食牛腩😳牛腩唔係太辣嗰隻咖喱嚟嘅、菠蘿包個皮都好脆嘅，配埋個蛋汁，我覺得好似食緊個飯落肚咁😳如果一個人食有啲Heavy。西多士脆脆（阿華田）- 由於我係勁鍾意食甜品，呢個西多士係幾好，西多士炸得金黃、熱辣辣、阿華田鋪咗喺面（可以再多啲）、仲有煉奶、仲有舊牛油…..極級邪惡！ 食落去佢係偏甜嘅，口感幾特別，不過都係同朋友share咁會開心啲，罪惡感冇咁多😌食甜嘢梗係要配返杯奶茶啦，有人叫咗杯凍奶茶，佢係用牛奶玻璃樽裝嘅，唔係太大杯，少少偏甜啦。至於我就叫咗杯熱鴛鴦，佢係比較苦少少，不過啱我，早餐係要有啲鹹配有啲甜咁先啱啱好。原來呢間餐廳好出名，所以早啲嚟就會比較好，唔使同人哋爭位。另外價錢上佢唔係特別平，不過食啲特色野，都值呢個價錢。
continue reading
在週末的一個澳門遊，當然要試一試不貼的餐廳及特色食品.馬慶康南天咖啡室是喻為澳門人最鍾意嘅茶餐廳，所以週末都很多人，需要排隊等位。當日等了大約30分鐘.以下係小編試了，又推薦的：1️⃣推薦1: 維記玻璃瓶奶茶小編係香港，維記玻璃瓶朱古力就見得多，但就未飲過玻璃瓶奶茶飲落香滑，茶味都重2️⃣推薦2: 阿華田西多脆脆一個十分不錯的甜點，外脆內軟脆脆係外面，令西多更多了一層口感.小編另外仲叫了滑蛋牛肉飯等等，覺得不過不失
continue reading
馬慶康南天咖啡室 Loja De Cafe Nam Tin 📍 新橋(三盞燈/白鴿巢)俾利喇街65號A趁住端午節假，我同朋友走咗轉澳門，玩咗三日兩夜，又食又飲嘆下世界。我啲澳門嘅親戚知道我哋一到埗就食咗一間網紅茶餐廳後，話要帶我哋去試下澳門真正嘅茶餐廳天花板。呢日我哋大概2點半左右到，好好彩等咗兩張檯就到我哋。帶我去嘅阿姨同老闆娘好熟，佢成日都幫襯佢哋嘅蒸肉餅同蒸雞，不過呢日已經賣晒肉餅，加上我哋想打下卡，所以就叫咗啲人氣菜式，又叫咗呢老闆娘推介嘅飲品試下。 💰$45日式咖喱牛肉飯 🍛首先要介紹嘅就係呢個日式咖喱牛肉飯，估唔到喺茶記會食到咁高質嘅日式咖喱飯！佢嘅辛度同甜度適中，唔會太稀太杰，而且汁嘅量俾得好足，夠撈晒啲飯嚟食！雖然我無食到啲牛肉，但真係要讚下佢嘅蛋，滑溜得嚟充滿蛋香，每一啖都好滿足。最重要嘅係佢唔會好鹹，食完唔會好頸渴，呢個價錢有咁高嘅質素，可以講完勝好多日本餐廳嘅咖喱飯！ 💰$42菠蘿肉丁奄列飯 🍛愛試新嘢嘅朋友揀咗廚師推介嘅菠蘿肉丁奄列飯，真係夠晒新奇，夠晒估佢唔到。大大件嘅奄列裏面包住大量菠蘿粒同五香肉丁，蛋同樣香滑出色。呢個新奇嘅配搭令香辣嘅五香肉丁索盡菠蘿汁，所以肉質比一般嘅罐頭肉丁鬆軟，創意值100分。有少少可惜嘅係佢無咩汁，食到最後有少少乾。 💰$32冬菇蒸雞 🐓阿姨佢一心嚟到食蒸點，所以即使揀好食咖哩飯，佢都要叫返碟冬菇蒸雞過下口癮。將冬菇切片然後連同切半嘅雞翼一碟過蒸，雞肉好嫩滑，所有雞嘅精華都鎖晒喺啲雞汁入面，用嚟撈飯一流！ 💰$23辣魚多士 (原條) 🥪我係辣魚嘅頭號粉絲，平時煮麵食都會開罐嚟食！而每次過澳門我都鍾意叫辣魚嘅菜式嚟食，雖然係罐頭魚，但整得好食嘅話真係會令人一試難忘！本來我想食辣魚飛碟嘅，但呢度好似無得叫飛碟，所以我就叫咗份辣魚多士。多士烤得好香脆，但略嫌辣魚太少，存在感不大。 💰$25柚子咖啡 ☕️大家有追開我文都知我唔太飲咖啡，但既然係老闆娘推薦嘅，我哋就叫嚟試下啦。講真，柚子咖啡，真係聞所未聞，我都係抱住試伏嘅心態去飲。攪勻後飲一啖，嘩，好正！我仍然飲到咖啡嘅香味，但柚子蜜中和咗咖啡嘅苦澀，越飲就越似飲緊有咖啡香氣嘅奶茶，柚子味唔會過分搶戲，成杯飲品好有層次，大家有機會一定要試下！ 💰$20奶茶 ☕️最後就係人氣打卡飲品，鮮奶樽仔奶茶。奶香茶濃，加上係用返鮮奶玻璃樽裝住，比較有特色，值得叫返枝打個卡。
continue reading
買咗叉燒蛋飯，西多脆，同埋嘢飲叉燒蛋飯，非常有驚喜，兩個人share 1分已經足夠，啲汁非常好食。西多就太甜，諗住見出名叫埋，但係有啲失望，因為好鬼甜，寧願普通嗌個西多士！嘢飲有點甜，見個個都有嗌，諗住試吓
continue reading
You may be interested in