好多文章都介紹下環熟食街市,話食物夠地道,價錢又夠經濟,但每次黎澳門都懶行懶搵巴士,一直都只去d遊客區,捱貴野。今次黎澳門,一反以往既路線,決定黎個舊城區一日遊,由下環食到去祐漢街市!! 全程都係行住去,途中見到更多平民建築,別有一番風味。可惜,唔知係咪星期一既關係,黎到後發現有三分一既店都未開,最想食既串燒都無開。呢個街市以供應粉麵類為主,現場大概有5間,另外有兩間港式、一間煲仔飯、糖水鋪、小食店。最後因為想食撈粗,所以揀左呢間鋪頭。由於價錢牌只有單/雙拼價錢,但雙拼又點能滿足我既食慾?! 結果點左招牌冬菇、雲吞、牛腩,咖哩汁撈粗 (~$50,注意呢度找數只找葡幣)估唔到咖哩汁仲有兩粒薯仔,煮得粉爛;咖哩味香,不過略嫌撈麵太多水。招牌冬菇煮得好淋好入味,一定要試!!雲吞味道正常,size算大粒,入面都有一粒蝦,食落都新鮮。牛腩比較瘦,正正係我杯茶。整體味道唔差,如果係香港既話,呢個份量$50會叫做抵,但係下環熟食街市就比較貴,因為一個煲仔飯都只係$3X,仲要有飯焦。
continue reading
0
1
0
Above information is for reference only. Please check details with the restaurant.
You may be interested in