Isaac Toast & Coffee (Closed)

三文治舖頭Isaac Toast係韓國人氣爆燈，黎到澳門見到有分店，緊係要試一試佢啦！呢間舖頭位於議事亭前地附近，係個度行過去都係大約十分鐘左右，都好方便嫁😆舖頭面積比較細，所以如果一大班朋友一齊去，可能就要等下位啦！**********<豬柳MVP吐司> $44呢間韓國人氣名店主打烘底三文治，黎到就緊係要試下佢最出名嘅三文治 － 豬柳MVP吐司🥪呢個多士餡料主要有豬柳生菜蕃茄，配上佢哋嘅秘製醬汁，口感清爽一啲都唔膩，非常值得推介！🤤…Read More

老實講我都要找一段時間才能找到。因為我唔太熟澳門橫街窄巷。今次真係特登去呢間朝聖的。因為香港暫時未有分店、雖然在韓國已經試過。但都好記得那種味道。一進門口，這間餐廳店員就即刻會比張餐單你，你可以坐著慢慢睇。佢唔會推介你任何食物。都唔會比咩壓力你。這裡可以收港幣。以上就是這間店舖的餐單。價錢唔平。沒有套餐。P.S.其實應該有套餐。但可能過左優惠時間。店員在這方面又無咩宣傳。我其實在來之前都做了點功課。所以點選了豬柳MVP吐司。但原來有個更新的推介，就是安格斯MVP吐司，我係點完再睇最新推介餐單才知道，這點店員真係要改善。雖然我對這個吐司都好支持。但如果有更多選擇，我可能會改變主意呢？講返食物：吐司一份有兩件。放在一個紙袋中。吐司都烘底所以熱辣辣。那些菜很好吃，因為夠新鮮。份量足，豬柳都比較有味道。開首以為會好似麥當勞嗰啲。但食落軟身啲、肉味香濃點。一個女仔食一份就剛剛好。當然一分錢一分貨，這份吐司真係幾貴㗎。所以如果只想試味。我會建議食點普通、簡單、平價、飽肚就足夠。這杯飲品其實我最後都唔知係咩飲品。我見佢個名係餐廳名同名。應該係signature飲品所以就點這個，因本人對一些咖啡、奶茶真係零興趣。飲落去似飲緊檸檬茶的味道。下次都係選擇果茶。最後總結：這間餐廳當日人客很少。位置可能都係一個因素。地方唔算太大。但其實很多人都係選擇外賣。…Read More

差唔多每次黎澳門都會特登過黎大三巴附近既呢間Issac 黎食佢既韓式早餐！其實個位置又唔算偏，同埋香港未有分店既時候，都會覺得黎到澳門都會想特登過黎朝聖既。早餐我又冇話特別食邊款既吐司，因為對我黎講款款都咁好食，有時食魚，有時食牛，有時會食雞。今次就order 左價錢都比較貴既安格斯MVP 吐司！佢係即叫即做既。所以order 左之後都要預時間黎等下，好味呀，咬落去口感好正，好有牛味，又有肉汁必出黎，加埋佢個issac 醬，配搭一流，推介！…Read More

由於香港仲未開isaac toast,又無錢無假期飛韓國，所以每次去澳門都會專登去食。雖然isaac toast係一啲自己喺屋企都可以整到嘅嘢，但一定唔會咁得閒咁神心買咁多材料整嗰一次半次。(仲要啱啱試過跟住網上啲recipe整，個味一啲都唔似，完全唔係嗰回事，仲要搞咗每次去到澳門都會去呢間喺新馬路嘅isaac toast,位於內街斜路，但都算易搵。舖頭入面空間唔係好大，鋪面大概有10個位，坐得都比較逼啲，所以多數都係食完就走。入面好似仲有位，但就未入過去。主角toast有十款選擇。火腿芝士，火腿special,魚柳deep,千島墨魚幾款我都鍾意食。貪心嘅小狗通常都會叫魚柳deep然後再外賣一個火腿嘅返香港食。魚柳因為要即刻食先脆，火腿嘅話就帶返香港淋咗啲都唔怕。鍾意食fish burger嘅人係一定會鍾意食佢嘅魚柳deep,香脆嘅炸魚+佢嘅經典煎蛋+芝士+特製醬汁嘅組合係冇得頂，次次都食得好又滿足咁。另外叫咗韓國肥牛紫菜包飯都好好食，不過飽得滯，所以可以多啲人先叫嚟share.…Read More

呢間嘅吐司係韓國好出名,宜家係澳門有分店,咁啱店鋪地點距離住嘅地方唔遠,早上起身就過嚟食個早餐.店鋪唔大,店內有少部份位置,去到嘅時候冇咩人,所以唔使等.有套餐選擇亦都可以單點,吐司嘅選擇好多,今次點咗兩個套餐試下,飲品揀咗「焦糖玛奇朵」同「摩卡咖啡」,吐司方面就要咗「千島墨魚吐司」同「豬柳MVP吐司」咖啡味道唔錯,拉花都好靚,吐司份量唔錯,上嚟嘅時候已經切好兩半,吐司烤得啱好,墨魚肉口感夠爽,搭配千島醬酸酸甜甜幾好味,豬柳吐司味道都唔錯,醬汁比較多,整體食落唔會好乾身.…Read More