Est. de Comida Portuguesa "Porto"

呢一餐係幫媽媽慶祝生日嘅，所以我地揀咗食葡國菜，比較特色一啲。店內雖然未有兒童餐椅，但有加高坐位嘅坐墊提供俾小朋友用。檸檬白酒蜆：有酒香及檸檬香，蜆肉香甜味美。小JM都有食少少。葡式乳豬釀飯：整體其實尚算不錯，但食落乳豬有陣「蘇」味，稍為令呢道菜扣分。特式焗軟殼蟹：【推介】四個字！香脆鬆軟～麵包焗葡國雞：【推介】呢個菜應該加埋白飯就更加GOOD! 外層麵包夠脆，雞肉爽嫩滑溜唔「鞋」口！加埋個醬汁真係不之得了。燒牛肋骨：對我而言覺我有點over-cooked，稍為有點老。味道還可以。馬介休炒椰菜：略嫌馬介休味太淡脆炸馬介休球：【推介】外皮夠晒脆口，香氣十足。內裏餡料十足。食落都有馬介休嘅香味。…查看更多

原來屈小姐其中一位好朋友都係澳門迷黎既，係我地出發之前，佢推薦左我地去試《波爾圖》既葡國餐，而又咁岩賴生係澳門有親戚住，拜託左佢地幫賴生book左位（真係太好啦⋯⋯如果唔係有排等，好多人哦）間餐廳位於官也街大馬路果度，好容易搵。而門口已經有餐牌，不妨係等既時間，睇下想食咩！入到去坐低，其實張枱偏細，而且比較逼，枱與枱之間好窄，會聽到隔離枱講野，亦方便我地睇下人地D野好唔好食（呢個係賴生同屈小姐既壞習慣）經過一輪觀察同商議之後，我地決定左叫4樣野：芝士焗軟殻蟹、葡式檸檬白酒煮蜆，葡式海鮮燴飯同馬拉盞炒椰菜1）芝士焗軟殻蟹 ：⭐️⭐️⭐️⭐️好正呀！成隻蟹鋪滿芝士，超濃郁，仲要有拉絲嫁！加上係軟殻蟹，冇骨，食落啖啖肉！而隻軟殻蟹都尚算香脆！有少少膏！整體唔錯唔錯！2）葡式白酒檸檬煮蜆 ：⭐️⭐️⭐️基本上呢，呢度個葡式檸檬白酒煮蜆整唔到個精髓出黎，太咸啦，又冇檸檬味⋯湯底：葡式檸檬白酒煮蜆，佢煮唔到個檸檬清香出黎，完全唔覺有檸檬酸味，仲要佢白酒未煮到揮發晒，有酒味得尼唔夠甜，再加上太咸，完全食唔到蜆既鮮甜味蜆：份量都夠，粒粒都有肉，只有1-2隻仲有少少沙，但味道比咸湯底遮左3）葡式海鮮燴飯 ： ⭐️⭐️⭐️無論海鮮同飯既份量都好多，幾抵食，只係味道太似一個濃既蕃茄汁燴飯，食唔出有海鮮味⋯海鮮：有1隻大蝦，幾隻蝦，3隻青口，蜆同魷魚，全部都彈牙既，之但係既然隻大蝦都開左邊，點解唔順手挑埋條蝦腸呢，眼見到真係扣左分味道：濃烈蕃茄味，冇海鮮味，還好加左一D碎香草入去，食落去（有香草既時候）先多左重味道既變化，感覺不正宗，食多兩啖就無衝動繼續食，完。4）馬介休炒椰菜 ：⭐️⭐️⭐️⭐️呢個唔錯唔錯！馬介休既咸味炒左入椰菜入面，咸咸地又甜甜地！又唔算太油，出奇地好食。同埋馬介休呢既魚肉就唔似咸魚嫁，唔實嫁，仲keep到魚肉既texture!總括而言，係《波爾圖》食葡國菜係平既，假如我地係其他葡國餐廳食一樣既野，應該要成$600-700蚊，但係呢間⋯$350就搞得掂！不過要追求正宗葡國菜風味（同好味）既，就建議去第2度啦！呢間唔岩你，岩窮遊（而對食要求唔高）既小情侶們！Ps 見隔離枱叫左乳豬飯啲乳豬真係超肥，好彩（偽健康嘅）屈小姐之前研究過Openrice，無叫到姐#都叫試到部份既葡國野#對住你食，D野食都好食左#條脷愈食愈尖，但我會負責處理嫁😚#出外靠朋友同親戚#好彩book左位，唔係要等成個幾鐘就慘…查看更多

小店比起附近食店的門面小，不太起眼，但卻是唯一一間午市要等位的，可見質素應該不會太差吧。當然，比起後面街果幾間日日full booking 的鬼佬葡菜應該無得比，但總比行貨的來得好。干邑葡國腸，無乜酒味，葡腸當然鹹和油膩，不過還好廚師切得夠薄，入口還好。這個麵包雞，本身好期待的。食落竟然是麵包比雞出色。葡汁不夠香，雞不入味，偏「鞋」口。麵包反而入味，蓋子脆、碗身夠味馬介休炒椰菜，太油了吧，味道balance 還可以，不是那種太鹹和太乾的馬介休，如果整道菜落油輕手一點會更好。服務態度欠奉了，店員加水時倒到成枱都係水。不過我想下次仍會來試，因為菜牌上還有想試的菜色…查看更多

係Openrice搵下酒店附近葡國菜既餐廳 第一間就係依間 即刻行過黎試先！望落細細間咁 不過入面都幾「是正」麵包焗葡國雞 醬汁好食 饀料入味 可惜雞比較少 得4件 5個人唔夠食😂水果酒 唔錯～不過友人全部酒量低 佢有啲紅酒 個個飲唔哂我自己灌左半瓶好食乳豬皮脆肉嫩冇得輸之前幾道菜都太好食 顯得依個好一般口感略乾 冇醬汁沾黎食驚喜 馬介休炒椰菜原來咁好食我依啲食肉獸都食左好多總結：比起去小飛_果啲旅客知名既餐廳 覺得試下依啲小店其實仲好食～…查看更多