英皇皇廷閣唔提早訂位係一定無位的，所以都唔係咁常去食。難得終於的起心肝去定位～每次去都會食叉燒，因為真係超級正，今次仲搞搞新意思，有個陶爐上面有塊樸葉墊住，厚切叉燒就訓係上面吸晒d甜蜜蜜的叉燒醬，因為一直熱住，香味一直飄出黎，而且叉燒係半肥瘦，勁腍！隔離仲有碗蜜汁叉燒醬，真係十碗白飯都食得晒竹笙素腸粉，皮薄，但食唔到竹笙，應該係得好少蘿蔔糕，不過不失臘味糯米包，澳門好少可以食到，臘味好香糯米唔硬，不錯不錯潮式粉果，不過不失，無潮州風味韭菜豚肉春卷，很特別好少見酒樓有，一口一條，韭菜味香，正！腐皮淮山滑雞，好似唔係好夾，太大舊唔可以一啖食晒咁多餡自選雙拼$99，價錢就好抵，揀左滷水鴨滷水蛋+豉油王炒麵呢個滷水鴨真係太太太瘦了，好似食柴咁，蛋就ok，滷水汁味道不錯豉油王炒面，濃豉油味，夠獲氣燕窩蛋撻，燕窩份量都幾多，蛋撻皮好酥脆總結呢到可以食到靚叉燒同好多特別點心，地點又就腳，但一定要提早幾日訂位先得…Read More
