Seng Cheong

香港比較難搵到蟹粥，係澳門食多幾碗😂未食熟食中心之前，多數食呢間，好多人推介好出名。位於官也街，地點方便。。馳名蟹粥 小$210用左水蟹，蟹殼比較大同無咁硬，肉質唔會過實，好有鮮味。連埋蟹膏一齊煲，粥底好綿好鮮甜，粥嘅份量好多，夠2-3人食。粥底唔算杰身，可以參考下。啲蔥仲擺得好靚😂椒鹽鮮魷 $100炸粉夠薄，好酥脆，鮮魷彈牙，口感好好，唔錯。如果只留係氹仔又想食蟹粥，值得一試，可以揀套餐或其他野食。推介指數：8/10 抵食指數：7/10…Read More

香港好少食水蟹粥，甚至賣粥的舖頭都已經唔多。店舖擴展了，有舊舖有新舖，新舖就環境好、舊舖就服務好，可以選擇。可能因為食海鮮，所以價錢亦不低。水蟹粥- 細鍋都已經幾大鍋，應該夠3人吃，大約可以分十多個細碗。裡面有半隻水蟹，蟹味濃郁，很有蟹膏味，粥底又濃又綿，唯一不足是蟹肉不多，是水蟹的特點？椒鹽鮮魷- 外皮很脆，炸漿厚薄適中，魷魚夠大隻所以好彈牙。官也街已經成為遊客在澳門飲飲食食同手信最火熱嘅步行街，之所以火紅都因為當中店舖質素高。…Read More

＜水蟹粥（大）＞夠晒出名～勁好食呀！！入面超多蟹膏，係每一啖都會食到蟹膏架！隻蟹都好有鮮味～大約有７－８碗啦！＜椒鹽田雞腿＞比較油膩左ｄ…所以食唔到好多…不過ｄ田雞腿，隻隻都好大好肥美！！＜椒鹽鮮魷＞好爽好入味！ｇｏｏｄ＜ 酥炸鯪魚球＞一ｄ腥味都冇～不過食落好似食緊魚蛋咁＜蠔油生菜＞叫左走油，但都係有點油…下次去澳門都要黎食返碗水蟹粥先得＊＊＊…Read More

決戰完大利豬扒包....意猶未盡，男友大人話要食水蟹粥，咁就去呢間大大隻字寫住好味到左麟右李都嚟幫襯嘅誠昌。入到去得兩枱客，可能係三點幾嘅關係啩....粥款只有四種: 1. 水蟹粥2. 水蟹田雞粥3. 田雞粥4. 鮮雞粥雖然男友大人唔太接受田雞，但係因為我鍾意食， 所以大人都叫咗窩細水蟹田雞粥，再加椒鹽鮮魷送啤酒。轉眼講都冇咁快個水蟹田雞粥就喺眼前，應該係煲落，當有人order時再加料上枱...先得咁快。望落去個粥冇門口張相咁橙色(即表示粥內蟹膏份量少)， 入口第一啖都有股蟹香，食多兩啖之後就唔多覺，蟹蓋內蟹膏欠奉....因為呢隻係肉蟹啦，所以佢隻蟹鉗反而幾好肉地，蟹味一般。田雞大大件，肉質滑而不硬，一窩細粥內都有兩件，尚可。椒鹽鮮魷啲魷魚肉身好厚，好彈牙有咬口，椒鹽味道都唔錯，而且份量都ok大碟。服務方面，可能未係繁忙時間，啲阿姐都懶得理你咁。…Read More

之前食過一次架喇,因為上次得兩個人去,所以只係食得水蟹粥,今次一行六人,可以叫多d野食,其實d味道都ok既,咁價錢又唔係好平,但又唔係好貴囉! 最緊要有service囉,同埋唔駛等好耐就有得食,果道都有好多人去架,我地12點就去攞定飛,之後行一陣,到一點返去就有位喇!…Read More