誠昌飯店

Open Now

Now Closed

📍澳門 誠昌飯店今日想介紹呢間位於官也街嘅馳名蟹粥。可能好多去過澳門嘅朋友其實都有幫襯過佢，今次我哋叫咗一個細嘅蟹粥，因為想再掃下街，所以就冇叫其他餸，但係都見到幾台客嗌佢嘅炸魷魚，望落去都好大碟。• 水蟹粥 $210我呢個水蟹粥係細size，另外仲有一個大嘅size，如果兩個人的話，我認為叫細size加一至兩碟餸就已經夠晒。粥入邊都好足料，又有蟹肉又有蟹膏，而且因為煮咗好耐，所以連啲米都好香蟹味。不過食落就要小心，因為中間都有好多蟹殻碎，整體上我都認為值得一試。٩(˃̶͈̀௰˂̶͈́)و味道：🐱🐱🐱🐱環境：🐱🐱🐱服務：🐱🐱CP值：🐱🐱🐱٩(˃̶͈̀௰˂̶͈́)و

好多年冇幫襯，聽人講，睇食評，都知吾會再好食，不過落雨天，吾想周圍行，諗住再比多次機會佢啦，點知都是咁失望，粥底只是叫綿，但吾係叫好味，冇蟹味，最大鑊是隻蟹是「死蟹」，d蟹似在街市$30一筲箕既死蟹，多年前最後一次食，蟹都叫正常，但粥很稀，所以之後冇再嚟食；另黃金蝦冇咸蛋黃味，佢只是用「蛋黃醬」嚟炒，椒鹽鮮魷勁厚粉，呢間店我冇野食都吾會再幫襯，食物好食我都比你d侍應串d，咁差難食仲要服務差，呢間店請都吾會再去食，超差劣！！

終於食到啦，經常大排長龍的水蟹粥！叫了個4-6人餐，招牌水蟹粥個粥底很鮮甜，粥很綿，還有粒粒的蟹膏，蟹也不錯，若多肉d 更正！炸墨魚丸也香口彈牙，炸口雞很特色，黃金蝦也不錯😋

垃圾不如的出品！一碟例牌蒸鱔收我差不多$400！不老實！水蟹粥完全冇味，西蘭花鮮魷（西蘭花又黃又爛）三人埋單$900！也不是錢的問題！一碟例牌白鱔又難食又貴！基本上沒有一個小菜好食🤢

官也街出名水蟹粥 闊別咁多年 開關後黎試一試佢先🍽️水蟹粥（小）$210雖然係小型蟹粥 但兩個人食都每人食到三碗幾水蟹粥有半隻蟹隨上 粥底夠綿 夠鮮甜 仲見到粒粒蟹膏係粥面 🍽️豉椒炒花甲 $80花甲肉夠大粒 炒得夠惹味 不過個人覺得個汁偏咸 要送粥/飯較好🍽️西蘭花鮮魷 $85西蘭花用蒜油炒 香氣十足 不過魷魚就無魷魚味 遜色左啲

香港開通返可以周圍去之後，即興決定尼個小旅行~澳門遊，而家唔使搭船，直接搭金巴去，都幾方便快捷👍🏻澳門水蟹粥都好多好出名，有啲餐廳一般般，有啲價錢亦好貴，今次唔打唔撞係官也街搵到呢間餐廳，因為怕好多人，所以提早六點左右就食晚餐🙈餐廳其實都幾大，有兩層，但人流好多，除非係一大班人尼食，如果唔係都一定要搭枱唷😗計左條數，叫套餐抵過單點🤔所以決定兩個人都食一個套餐我recommend ⭐️。2-3人餐($488)2-3人份量，但碟頭都幾大😍而且每一個都好好食👍🏻。醬爆雞 ⭐️⭐️⭐️(三選一 - 醬爆雞/荷葉蒸走地雞/椒鹽骨)醬爆雞表面甘甜，因為由豉油同蜜糖炸成，而雞件細細粒，好方便斯斯文文咁食，好香好夠味，回味無窮。黄金蝦球 ⭐️(三選一 - 黄金蝦球/椒鹽蝦球/滑蛋蝦球)雖然睇落份量好少，但係蝦肉大細好大，而且鹹蛋好足夠，黃金味超級足夠，蝦肉好彈牙👍🏻。鮑魚冬菇扒西蘭花 ⭐️(二選一 - 瑶柱扒生菜/鮑魚冬菇扒西蘭花)外型好靚，西蘭花好似切到一個堡壘，而上面有四個罐頭鮑魚😍整體芡汁仲要比普遍的甜。馳名水蟹粥 (細) ⭐️⭐️有完整一隻蟹係粥到，因為蟹好新鮮，食起尼整體好鮮甜😍而且粥係煮成軟綿綿狀態，食既

幾年冇黎澳門,今次快閃澳門早早黎食水蟹粥😍唔使排隊好開心除咗蟹粥，都有唔少人叫小菜😳有啲優惠套餐包幾多野都幾抵食👍🏻鋪頭有幾層高但大部份都圓形大枱所以好多都要同人搭枱🙈由於我哋要留肚掃街,所以淨係叫咗個蟹粥同埋蔗汁,個人覺得蔗汁偏甜叫咗細嘅都超級大碗😂可以分到六碗左右,兩個人分食到好飽蟹粥超級鮮甜,粥底好滑,而且成隻蟹喺個粥入面真材實料👍🏻蟹粥入面仲有好多蟹膏增添風味同口感🥹👍🏻超正

🇭🇰 #一粒波碌去澳門-🦀 水蟹粥 (細) $210綿密，多膏，蟹多肉肥美⭐️⭐️⭐️⭐️⭐️-🐔 醬爆雞 $85鹹鹹香香很上癮，吃著吃著就吃完了😂⭐️⭐️⭐️⭐️⭐️-🦐 金沙蝦球 (無單點)急凍蝦，但味道正常，多金沙⭐️⭐️⭐️-⬜️ 瑤柱扒豆腐 $80豆腐很滑嫩，味道不錯⭐️⭐️⭐️⭐️-💬水蟹粥2-3人餐 $488如果每個菜都合胃口都可以叫，不然散叫就可以了，因為價錢差不了多少😂😂下次波波也應該會散叫再嘗一下其他菜式P.s. 下午經過有很多位置，晚上要排隊，安排到的話可以下午去吃～-🦀 誠昌飯店氹仔舊城區官也街28-30號12:00 - 23:30-#一粒波ARollingBall #一粒波食好西 #macaufood #macau #澳門 #澳門美食 #氹仔美食 #官也街美食

澳門氹仔官也街，出名多野食，係街中間見到有間誠昌飯店，食水蟹粥好出名，見門口唔係好多人等，一於入去食個Lunch, 我們叫了3人優惠套餐MOP$488第一個出場係水蟹粥，這個粥除了用水蟹，還有肉蟹，膏蟹一起煮，有水蟹嘅鮮甜，亦有膏蟹嘅味道第二個荷葉蒸走地雞，肉質彈牙，沒有太多脂肪，雞皮薄薄，有雞味第三個黃金蝦球，蝦炸至金黃色，加埋鹹蛋黃蓉，完全包著每隻蝦，爽口第四個鮑魚冬菇扖西蘭花，鮑魚和冬菇各4件，份量足夠，不過茨汁多了些食物不過不失，略廉價錢貴了些，試一次就夠了

澳門官也街，熱門澳門景點，有不少美食。「誠昌飯店」，聽說水蟹粥非常好吃所以決定試吓，飯店生意很好，很多人去都會品嘗水蟹粥。店面好大、位置很多。水蟹粥兩個人食點咗水蟹粥細，世都非常大碗。成隻水蟹，肉質鮮甜，粥底充滿鮮味。蒜蓉西蘭花西蘭鮮嫩翠綠，口感爽脆。

5人星期日7點幾入座等都只係等5分鐘，都算快😮椒鹽鮮魷🦑 💰100 ❤️‍🔥8/10分皮脆兼薄，無油膱味，魷魚有嚼勁有啲魷魚味，唔會太韌，多啲椒鹽味同無咁燶就更好🤩豉椒花螺🐚 💰150 ❤️‍🔥6.5/10分調味好重，有螺味但唔係好食到😶‍🌫️水蟹粥•大🦀 💰260 ❤️‍🔥6/10分蟹唔係水蟹，似肉蟹，啲肉幾鮮甜，但膏無味🫡粥底太綿，我麻麻，零蟹味，似係同蟹分開煲，味精重，食完好頸渴🥲白灼腰肝腸🐖 💰85 ❤️‍🔥7.5/10分豬腸少肥，但唔膩，肝都好食，唔識形容🤣腰有啲羶，一般🤏🏻墨魚丸拼鯪魚球🐟 💰90 ❤️‍🔥8/10分墨魚丸食落有啲燒魷魚嘅香味，好特別🤩鯪魚球皮脆，無油膱味，蜆芥都唔太咸，可以試〰️蔗汁🧊 💰28 ❤️‍🔥0/10分 超甜，重蔗糖，不了汽水🥤 💰12 紙巾🧻 💰2⚜️五人食 免加一 埋單💰727⚜️整體性價比 7/10分 炸嘢幾出色🤙🏻

4-6人套餐 完全系垃圾自從老闆轉人水蟹粥好普通已經唔系以前隻味 變到完全冇咩特別荷葉雞 我以為係非洲鷄完全冇香味鯪魚球 同街邊小食冇分別，甚至乎更差瑤柱絲豆腐，鹹到傻椒鹽田雞 完全唔覺得肉滑嫩滑蛋蝦球稍微成餐飯正常嘅，不過如果蛋都唔得 呢間可以收檔算整體大約700 完全唔值得700中意垃圾可以可以試下

今日星期六.一早會合我嘅囡囡一起過大海.嚟到澳門氹仔舊城區.行咗一陣間.間間食肆都排哂長龍.由其最近才爆紅嘅牛雜食肆.唔理係唔係名店或者係未聽過嘅店舖.都排晒隊.有啲誇張到要排到去隔離街.我就唔會排.難得嚟到都要爭取時間.經唔覺已經係早上11點30分.今次囡囡Book咗盛昌蟹粥枱.講真句.早幾年係疫情之前.已經食過.我覺得都係名大過於實.不過囡囡未食過.即管再嚟試吓.舖頭改變了.新裝修.地方大咗及整潔咗！今次點餐如下：1. 蟹🦀️粥（細煱）X1 $210元2. 瑤柱伊麵 X1 $60元3. 椒鹽鮮魷 X1 $100元註：📌食品及蟹🦀️粥都係一般質素.並唔會再打算回頭.所以叫咗三個食物.已經放棄咗.不誠實的店舖！🥹🚶🏻‍♂️👉📌誠昌飯店 (氹仔舊城區)氹仔舊城區官也街28-30號

誠昌飯店位於澳門氹仔，是一家以粵菜為主的中餐廳。外部招牌和店外裝潢令人印象深刻，然而，進入店內後，裝潢和設施相對較為平實和老舊。不過，誠昌飯店的菜品仍然是其亮點之一。其中，水蟹粥是必點之選。螃蟹肉質鮮嫩，湯汁濃郁鮮美，令人回味無窮。荷葉蒸走地雞也是推薦之一。使用優質走地雞，加上新鮮的草菇和荷葉蒸，令雞肉入口鮮嫩多汁，十分美味。總體而言，誠昌飯店提供了一個高品質的用餐體驗，菜品味道鮮美，值得一試。不過，店內裝潢和設施相對較為平實和老舊，可能不太符合一些人的期望。

香港比較難搵到蟹粥，係澳門食多幾碗😂未食熟食中心之前，多數食呢間，好多人推介好出名。位於官也街，地點方便。。馳名蟹粥 小$210用左水蟹，蟹殼比較大同無咁硬，肉質唔會過實，好有鮮味。連埋蟹膏一齊煲，粥底好綿好鮮甜，粥嘅份量好多，夠2-3人食。粥底唔算杰身，可以參考下。啲蔥仲擺得好靚😂椒鹽鮮魷 $100炸粉夠薄，好酥脆，鮮魷彈牙，口感好好，唔錯。如果只留係氹仔又想食蟹粥，值得一試，可以揀套餐或其他野食。推介指數：8/10 抵食指數：7/10