Video
Read full review
2022-09-23
210 views
スシロー📍 元朗青山公路249-251號元朗廣場3樓341-348號舖元朗最近都開咗スシロー，終於唔洗突登去屯市食啦。呢間分店喺晚市peak hour都係排50分鐘左右有得食，算比較快，但坐落點餐就發現佢供應嘅款式比較少，例如麵類會無海膽撈麵之類，整體選擇都無其他分店咁多，唔知係已經轉咗餐牌定點呢？食得スシロー都一定會叫好多款嘢食，所以今次只係揀咗幾款比較特別嘅菜式同大家分享下。 💰$17特盛天婦羅小柱軍艦 🐚呢款軍艦係スシロー期間限定嘅，因為人氣高企所以有得再販售。佢咁受歡迎係有原因嘅，飯上面放咗三粒天婦羅小柱，麵衣唔厚而且唔油膩，即使係凍咗仍然脆口，加埋畫龍點睛嘅鹹沙律醬，我一個人唔額外點醬料都可以食到十碟八碟，可相而知佢有幾正！ 💰$12珍寶魷魚天婦羅 🦑喺關店前約20分鐘，壽司帶上多咗好多碟壽司，應該係廚房清埋啲尾貨，我哋見到呢磡魷魚天婦羅咁長咁大條，就本住試伏嘅心態拎咗碟嚟食。嘩！食過咁多次スシロー都無叫過佢嚟食，可惜！原來佢咁好食！佢嘅脆漿好脆，魷魚淨係聞都好香，食落一啲都唔腥唔韌，仲要係紅色碟，性價比極高！ 💰$27 🍤介紹開天婦羅，當然唔少得。。天婦羅啦。佢入面有兩隻蝦
📍 元朗青山公路249-251號元朗廣場3樓341-348號舖
元朗最近都開咗スシロー，終於唔洗突登去屯市食啦。呢間分店喺晚市peak hour都係排50分鐘左右有得食，算比較快，但坐落點餐就發現佢供應嘅款式比較少，例如麵類會無海膽撈麵之類，整體選擇都無其他分店咁多，唔知係已經轉咗餐牌定點呢？食得スシロー都一定會叫好多款嘢食，所以今次只係揀咗幾款比較特別嘅菜式同大家分享下。
[價錢 Price]
💰$17
特盛天婦羅小柱軍艦 🐚
呢款軍艦係スシロー期間限定嘅，因為人氣高企所以有得再販售。佢咁受歡迎係有原因嘅，飯上面放咗三粒天婦羅小柱，麵衣唔厚而且唔油膩，即使係凍咗仍然脆口，加埋畫龍點睛嘅鹹沙律醬，我一個人唔額外點醬料都可以食到十碟八碟，可相而知佢有幾正！
[價錢 Price]
💰$12
珍寶魷魚天婦羅 🦑
喺關店前約20分鐘，壽司帶上多咗好多碟壽司，應該係廚房清埋啲尾貨，我哋見到呢磡魷魚天婦羅咁長咁大條，就本住試伏嘅心態拎咗碟嚟食。嘩！食過咁多次スシロー都無叫過佢嚟食，可惜！原來佢咁好食！佢嘅脆漿好脆，魷魚淨係聞都好香，食落一啲都唔腥唔韌，仲要係紅色碟，性價比極高！
[價錢 Price]
💰$27 🍤
介紹開天婦羅，當然唔少得。。天婦羅啦。佢入面有兩隻蝦、幾塊南瓜片同香菇，每樣都各有特色，而且份量足，好抵食。值得一提嘅係スシロー嘅天婦羅汁味道比一般淡口，點完令到佢層做得好出色嘅炸醬淋哂，但又提升唔到各種食材嘅味道，建議省略。
[價錢 Price]
💰$22
蜂蜜牛油味卡達拉娜 🍯🧈
終於俾我食到呢個超人氣嘅限定口味卡達拉娜，身為卡達拉娜超級頭號粉絲又點可以唔試試佢？可能多咗蜂蜜牛油，我覺得呢款口味更濃更滑，比起平時只有好重奶味嘅原味卡達拉娜，口味更有層次。細心啲睇，佢嘅焦糖面下有一點點蔥花，真係同卡樂B薯片一樣，加埋佢個咁可愛嘅迷你薯片袋，真係好得意！如果只能揀一種口味，我應該會揀呢隻新味，雖然平時我好重視甜品夠唔夠奶味，但呢款新口味有奶味之餘，仲有牛油嘅香氣同蜂蜜嘅甜味，真正係好食到飛起！
Post
