Hunger Point (Moved) New Location

位於歌賦街嘅新開餐廳「Hunger point」，主打墨西哥美食。大大個logo好搶眼，鍾意試新野嘅我又點會錯過呢。話明食墨西哥野又點少得「Taco 墨西哥卷餅」呢？呢度有得揀脆皮定軟皮。一於試曬兩款啦！點了「天多利玉子豆腐脆皮taco」和「手撕羊肉軟皮taco」。「手撕羊肉軟皮taco」羊肉份量多，加上酸辣青汁同青檸汁，平衡羊肉嘅氈味。重有大量粟米同蕃茄粒，食落更輕盈清新，另有枝豆，更添口感，是你的健康之選！另有素食可供選擇。食素嘅朋友可以揀「天多利玉子豆腐脆皮taco」。捲成雪糕筒形狀，好似手卷咁。入面有甜南瓜粒。涼拌青菜絲入面有酸嘅醃蘿蔔絲。加埋脆米沙律，食落脆卜卜，加埋脆皮，真係脆上加脆呀！餐廳重有多款醬汁比客人點。