天丼

Open Now

Now Closed

主要想介紹返兒童餐。紅日假期黎到餐廳11:30 剛開門人流唔多，行哂成個yoho 望下d 有兒童餐既餐廳之後決定黎到天丼。$68 有飯/烏冬，天婦羅，茶碗蒸都好相宜。仲要有芒果西米底+芒果雪糕做甜品（雖然我冇俾小朋友食）。天婦羅味道同質素同大人既一樣，小朋友都食得好滋味。見到同場都有兩三枱小朋友食客，見到隔籬枱小朋友唔食蝦，餐廳亦都可以幫佢轉埋做天婦羅蟹棒。 茶碗蒸嘅雞蛋都好滑，熱辣辣。鰹魚湯烏冬，可能對於我嘅小朋友就太重味，未食得慣。下次再去會叫白飯。甜品我地大人幫佢食左，西米唔算多，但味道可以。大人就食左一個期間限定同埋一個天丼（鰻魚）食到中段都開始要排隊，餐廳都坐滿哂。野食新鮮，但始終天婦羅多食都會有油膩感。不過，對兒童餐滿意，唔係其他餐廳咁食薯條，火腿，腸仔等垃圾食物，又有bb 凳，應該都會再訪。