Video
Read full review
2023-04-25
416 views
TERA📍元朗朗日路9號形點1期1樓1075號舖我妹完sem後終於比較得閒，未同佢單獨去街食過飯嘅我約佢去近近哋嘅YOHO Mall食餐好嘅。本來見人介紹呢間嘅pancake好好食，都諗住叫返碟嚟食，點知去到先知原來佢哋晚市有個二人餐，加埋一之後大約$400，有齊前菜、兩個主菜、兩杯飲品同兩份甜品，YOHO嚟講都幾抵食，所以就決定喺呢度食晚餐。餐廳採用日本風嘅裝修，有好多木嘅元素，望落好乾淨舒服。店員安排我哋坐喺比較有特色嘅二人座位，佢係一個仿和式嘅位嚟，坐嘅地方係一個坐墊，要穿隻腳入檯下面嘅。檯嘅側邊有仿日式屏風嘅牆，好適合打卡。值得一提嘅係呢種座位嘅檯底都有兩個插蘇頭叉電，方便邊用電腦邊嘆咖啡嘅人！ 💰$368晚市二人套餐 👯♀️三文魚沙律 (二人份量) 🥗呢款三文魚沙律好重黑醋味，酸酸哋好醒胃。沙律菜好新鮮，亦無苦澀味。佢有三朵用煙三文魚卷整嘅玫瑰花，份量非常多，我哋仲將多咗嘅三文魚配埋明太子意粉一齊食，係另一種享受！明太子蟹肉意粉 🦀🍝食得日式Cafe都應該知明太子意粉係必食嘅，但呢度等特別嘅就係有蟹肉，非常加分！而且見唔見到佢嘅明太子忌廉汁係偏淺粉紅色？我之前食過嘅都係比較橙
📍元朗朗日路9號形點1期1樓1075號舖
我妹完sem後終於比較得閒，未同佢單獨去街食過飯嘅我約佢去近近哋嘅YOHO Mall食餐好嘅。本來見人介紹呢間嘅pancake好好食，都諗住叫返碟嚟食，點知去到先知原來佢哋晚市有個二人餐，加埋一之後大約$400，有齊前菜、兩個主菜、兩杯飲品同兩份甜品，YOHO嚟講都幾抵食，所以就決定喺呢度食晚餐。
餐廳採用日本風嘅裝修，有好多木嘅元素，望落好乾淨舒服。店員安排我哋坐喺比較有特色嘅二人座位，佢係一個仿和式嘅位嚟，坐嘅地方係一個坐墊，要穿隻腳入檯下面嘅。檯嘅側邊有仿日式屏風嘅牆，好適合打卡。值得一提嘅係呢種座位嘅檯底都有兩個插蘇頭叉電，方便邊用電腦邊嘆咖啡嘅人！
[價錢 Price]
💰$368
晚市二人套餐 👯♀️
三文魚沙律 (二人份量) 🥗
呢款三文魚沙律好重黑醋味，酸酸哋好醒胃。沙律菜好新鮮，亦無苦澀味。佢有三朵用煙三文魚卷整嘅玫瑰花，份量非常多，我哋仲將多咗嘅三文魚配埋明太子意粉一齊食，係另一種享受！
明太子蟹肉意粉 🦀🍝
食得日式Cafe都應該知明太子意粉係必食嘅，但呢度等特別嘅就係有蟹肉，非常加分！而且見唔見到佢嘅明太子忌廉汁係偏淺粉紅色？我之前食過嘅都係比較橙或黃，估唔到佢顏色咁少女，食落味道係咁高質！淨係聞都聞到啲海苔好香，而紫蘇味又唔會過於搶戲，最重要嘅係佢用扁意粉去煮，每條意粉都份外掛汁，食到我哋lam lam脷！
比目魚墨汁意大利飯 🐟🍛
墨汁意大利粉就食得多啦，墨汁risotto真係唔係度度都有。如果要點評呢個risotto，我覺得佢唔屬於非常creamy嗰種，亦唔係太硬太有咬口嗰種，軟硬度恰到好處。墨汁嘅味道唔太突出，但勝在有兩大嚿煎得好靚仔嘅比目魚柳，無骨、肉嫩、皮脆，無得彈！
流心芝士撻 🧀🥧
大多數人嚟食都會叫pancake，但原來佢嘅流心芝士撻都好出色，雖然係娶新婦送，但品質亦好有保證！佢驚流心芝士撻奶味好重，芝士味亦好濃郁，即晒成個都唔會覺得好膩。雖然啲芝士未去到瀑布式咁樣流出來，但用口感好順滑，一人一隻，真係有少少唔夠喉呀！
烏龍咖啡 ☕️
呢杯招牌嘅烏龍咖啡係由烏龍茶、Espresso、牛奶同奇亞籽沖出嚟嘅。雖然我唔係太好咖啡，但真係俾佢外表吸引咗，叫咗一杯嚟試下。佢嘅咖啡味偏濃郁，細心品嚐就會飲到烏龍茶嘅沉香，而且有一粒粒嘅奇亞籽，飲落更有口感！
藍金乳酸梳打 🍹
乳酸梳打不嬲都係我杯茶嚟㗎啦，加埋有南金呢兩個字真係特別吸引。嚟到就見到係一杯好夢幻嘅飲品，店員細心提醒記得要攪勻藍色嘅糖漿先好飲。佢嘅味道其實同波子汽水差唔多，不過感覺上無咁多汔，亦唔好好似波子汽水咁甜，加埋一片薄荷葉做裝飾，美感滿分！
Post
