忠孝東路

Open Now

Now Closed

忠孝東路是一間位於尖沙咀的台灣菜館，之前有朋友向我推介所以今日睇戲之前來嘗試一下。他們有晚市一人套餐，分別有小食、台式清湯和一客主食、套餐還有一個飲品。我哋叫咗兩個套餐，小食分別有滷水牛肚和滷水豬耳，樣子味道都不錯，朋友食得津津有味。松山薑絲蛤蜊湯和永和鮮蚵豆腐湯，都好清甜，蚵蜊肉飽滿。迷你滷水拼盤配珍珠飯，拼盤有牛展、牛筋、糖心滷蛋，牛展牛筋滷得軟糯入味，滷蛋也很充味，唔錯。香酥怪味雞配滷肉飯 雞肉味道得不錯好惹味帶肉汁。我最喜歡的是忠孝牛肉麵，湯底濃濃的牛肉味而且清澈唔肥膩，牛肉的份量頗多，厚厚的一塊塊有咬口。香芋珍珠牛乳和炭燒烏龍珍珠牛乳就麻麻哋，茶味不夠香，不推介。